युहना 10:37 - चेपाङ

³⁷ ङाकोः आपाइ बयःओ काम् ङाइ जाङ्‌ह्‌ङल त खेःया ङाकायः ङ्‌हाम्‌सा परल।

युहना 10:37 ပူးပေါင်းရင်းမြစ်များ

युहना 10:25

“लौ ङाइ तोबाय्‌नाङ्‌सतो ङाकायः ङ्‌हाम्‌तेःनाङ्‌सल। ङाइ आपाकायः जाङ्‌ह्ओ काम्‌लम्‌पाय् ओउःलेः च्‍यवःती ङा ‘सुलो’ त चीःसा खाय्‌तेःनीतो

युहना 10:32

“लौ ङाकोः आपाइ बयःओ पेओ काम्‌लम्‌पाय् ङाइ नाःतो जाङ्‌ह्आलाङः। ओउः काम्‌कोःपाय् गाव्‌खेकायःतेः बाङ्इ आप्‌सातेः बोङःनानाङ्‌स” त दाय्‍ह्‌ती येसुइ व्‍हत्‌ती

युहना 14:10

ङा आपाकुस् ब्राङ्‌तोलेः मुनाङः ओउः ङाकुस्‌मा ब्राङ्‌तोलेः मुनाः। ओउःत ङ्‌हाम्‌तेःउलुया। लौ ङाइ तोओ कुरा लयःकोः ल्‍हुङ्‌सै खेःल ङाकुस् ब्राङ्‌ती मुओ आपाइ इ कुरा जाङ्‌ह्‌नौ बा।

युहना 15:24

ओउःमयःकायः ङाइ अरुइ जाङ्‌ह्‌सा खाय्‌मालो ग्‍याङ्‌ह्‌राय्‌लम् छ्यानःआलाङःसु ओउः च्‍यवःआक्‌तीको ङाकःमा ङाकोः आपाकःमा अह्र्धै मुधाङ्‌नै ओउःत झ्‍यान्‍ते ओउःमयःकायः गाल्‌तुम्‌ती तोसा स्‍याव्‌नाः। ओउः ग्‍याङ्‌ह्‌राय्‌लम् छ्यानःआक्‌ङुसुलु त खेःया ओउःमयःकायः गाल्‌तुम्‌ती तोसा स्‍याव्‌ल।

युहना 5:31

इ कुरा ङाइ लयः तोओ ह खेःल। ङा लयः झुङ्आले तोचाङः त खेःया ओउः तोओपाय् ङ्‌हाम्‌सीःओ खेःल।