युहना 10:29 - चेपाङ

²⁹ ङाकोः आपापाय् सबैसै ताङ्‌ह्‌लेःनै बा। ओउःइ ङाकायः बयःओलम्‌पाय् सुइमा ङाकोः आपाकःसै लासा खाय्‌नीली।

युहना 10:29 ပူးပေါင်းရင်းမြစ်များ

युहना 10:28

ओउःमयःकायः ङाइ रौ जीङः दोःताक्‌नाङःसु। दोःआक्‌तीको ओउःमयःपाय् गलमा वाय्‌तो स्‍याव्इली ओउःमयःकायः सुखेइमा ङाकःसै लाती आलःसा खाय्‌नीली।

युहना 10:30

ओहाङःसै ङामा ङाकोः आपामा यातैज्‍योः लेःआः ङच” त दाय्‍ह्‌ती येसुइ तोआथास।

युहना 14:28

ङाधाङ् आल्‌धाङ्‌चाङः फेरी द्यान्‍ह्‌तीलेः वाङ्‌नाङः त ङाइ तोओ सायःतेःआकानी। ङाकायः राप्‌तेःनानाङ्‌स त खेःया ‘ओउःपाय् आपाकःताङ् आल्‌नाः’ त सायःआक्‌तीको नीङ् चोङाय्‌तो स्‍याव्‌तेःनै दोह् हायःती दाय्‍ह्‌सा ङाकोः आपा ङासै ताङ्‌ह्‌लेःनाः।

युहना 17:11

द्याह् ङाखे नाङ्‌कःताङ् वाङ्‌ती ल्‍हाव्‍ह्‌दैबाङ्‌हाङः ज्‍याङःतो मुङल ओउःमयःखे ल्‍हाव्‍ह्‌दैबाङ्‌हाङः मुधाङ्‌नै। लौ छय्‍ङ्‌तो आपाय ओउःमयःकायः नाङ्‌कोः ग्‍वम्इ पेतो ओम्‌पायःती गम्उसु दा। ओहाङःसै नीचीलो लेखा ओउःमयः ल्‍हुङ् ब्राङ्‌तो मुनै।

युहना 17:2

नाङ्‌कोः चोःकायःपाय् सबै मान्‍तालम् रौ जीङः दोःताक्‌सा ग्‍वम् बयःतेःआकान्। ओहाङःसै सुसु चोःकायः बयःतेःआकान् ओउःकायःलेः ओउःइ रौ जीङः दोःताक्‌नाःथास।

युहना 17:6

इमयःलेः नाङ्इ ल्‍हाव्‍ह्‌दैबाङ्‌हाङः मुओलम्‌कःसै छ्युङ्‌ह्‌ती बयःतेःआची। इ बयःओलम्‌कायःपाय् ङाइ नाङ्‌कोः कुरा छ्यान्‍ह्आलाङःसु। ओउःमयः ङ्‌हा नीङ्‌कोःलेः खेःइतो ओहाङःसैको ङाकायःतेः बयःतेःआची।

युहना 17:9

ओउःमयःकायः ङाइ नाङ्‌कः तेती तोनेःनाङ्। सबै ल्‍हाव्‍ह्‌दैबाङ्‌कोः मान्‍तालम्‌कायः तोनाङ्‌ल ङाकायः बयःओ मान्‍तालम्‌कायः ह ङाइ नाङ्‌कः तेती तोनेःनाङ्।

युहना 6:37

सुसु ङाकोः आपाइ बयःनाःताङः ओउःलेः ङाकःताङ् वाङ्‌नै। वाङ्आक्‌तीको ओउःकायःलेः ङाइ गल खेःयामा रुनःङुसुलु।