युहना 10:24 - चेपाङ

²⁴ ओहाङः वाह्‌तोक्‌हाङः यहुदीलम् ओउःकःताङ् हुम्‌लाङ् वाङ्‌ती “लौ नाङ्इ गलखा पेतो तोतेःनाःताङी दोङ्‌सीलेः नाङ् परमेस्‍वर्‌कोः वाङ्‌सा खेःओ ख्रीस्‌लेःतेः खेःतेःनाःया खेःतेःलया तोताङी दै” त दाय्‍ह्‌ती व्‍हत्‌थातो

युहना 10:24 ပူးပေါင်းရင်းမြစ်များ

मत्ती 11:3

ओउः नीस्‌चाक् येसुकःताङ् वाङ्‌ती “लौ ओउः परमेस्‍वर्‌इ तोती गम्ओ वाङ्‌सा खेःचाक्ओ नाङ्‌लेःतेः खेःतेःनाःया खेःतेःलया। खेःतेःल त खेःयाकायः ङी अरुकायः ल्‍युङ्‌ह्‌ती योसा खेःनाङी” त दाय्‍ह्‌ती व्‍हत्‌थातो

मर्‌कस् 8:32

ओउःत तोओ सायःआक्‌तीको पत्रुस्इ येसुकायः एकान् मुसा थाव्‌ताङ् आलःती “लौ इलो ताङ्‌ह्ओ कुरा स्‍याव्‌साकायः स्‍याव्‌लाम्” त दाय्‍ह्‌ती काय्‌थातो

लुका 3:15

युहनाइ एत तोतोक्‌हाङः “लौ इपाय् परमेस्‍वर्‌इ तोती गम्ओ वाङ्‌सा खेःओ ख्रीस् लेःआः यादो” त म्‍हर्‌ती सायःओ मान्‍तालम् ल्‍हुङ्‌हाङः म्‍हर्‌आकाय्।

युहना 1:19

ओहाङःसैको यात्‌दीन्‌हाङः यहुदीलम्इ यरुसालेम्‌सै पुरोहीत्‌लम्‌मा लेवीत तोओ मन्‍दीर्‌हाङः काम् जाङ्‌ह्ओमयःमा ल्‍होक्आथास “इ युहना त तोओ ‘सुखेलो’ ” त लयः चीःताक्‌सा थेङा ओउःकःताङ् सायःती योसाकायः ल्‍होक्आथास। ओउः ल्‍होक्‌ती वाङ्ओलम्‌पाय् युहनाकःहाङः दाह्‌ती “लौ नाङ् सुलोतेः खेःतेःनाः” त व्‍हत्‌थातो

युहना 10:31

एत तोआक्‌तीको ओउः यहुदीलम्इ बाङ् रोत्‌ती ओउःकायः आप्‌ती सात्‌सा बोङःनीतो

युहना 10:33

“पेओ काम् जाङ्‌ह्‌साकायः आप्‌नेःनाङ्‌सुलु। नाङ्इ परमेस्‍वर्‌कायः रेव्‌तोलेः तोओकायः नाङ्‌पाय् मान्‍ता झुङ्आले ‘ङागार्‌ परमेस्‍वर्‌गार्‌’ ततेः ताःती तोतेःनौ ओउःत हायःओकायः बाङ्इ सात्‌सा बोङःनेःनाङ्‌सु” त दाय्‍ह्‌ती त्‍याङ्आकाय्।

युहना 16:25

ङाइ ङ्‌हा तोओ कुरा चीःसाकायः चाक्‌तो लेःआः लोने वाङ्‌सा बेलाहाङः ङाइ आपाकोः कुरा दोङ्‌ह्‌तोलेः तोनेःनाङ्‌स।

युहना 8:25

“लौ नाङ् सुतेः खेःतेःजेःआ” त ओउःमयःइ दाय्‍ह्‌ती व्‍हत्आथै “ङापाय् ‘सुलोआः ङ’ त दाय्‍ह्‌ती ङ्‌हासैलेः तोधै मुङोतो बा।

युहना 8:53

ङीकोः सीओ तोकानः आब्राहाम्‌सै नाङ् ताङ्‌ह्ओ खेःतेःल। ओउः परमेस्‍वर्‌कोः कुरा छ्यानःओमयःसैमा नाङ् ताङ्‌ह्ओ खेःतेःल ओउःमयःमा सीती मुनै। नाङ् लयःकायः ‘सुखेलो’ ततेः ताःतेःनौ” त दाय्‍ह्‌ती ओउः यहुदीलम्इ व्‍हत्‌थातो

युहना 9:22

ओउः यहुदीलम्‌कः रैती झ्‍यान्‍ते एतलेः त्‍याङ्आकाच। ङ्‌हालेः ओउः यहुदीलम्इ “सुखेइ येसु त तोओकायः ‘ओउः वाङ्‌सा खेःओ ख्रीस् लेःआः’ त दाय्‍ह्‌ती तोचौ ओउःलेः ङीकोः थनःओ कीम्‌हाङः वाङ्‌ताक्‌लाम्” त दाय्‍ह्‌ती ओउः यहुदीलम्इ हुकुम् बयःआकानी

२ कोरीन्‍थी 3:12

एत ताङ्‌ह्ओ कुरा चीःती झ्‍यान्‍ते ङीखे दोङ्‌ह्‌ती नोःसा ग्‍यानाङी।