युहना 10:12 - चेपाङ

¹² बुरु भेदा ह्रामःओ नोकरीखे अरु मान्‍ताकोः भेदालम् ह्रामःनौ। जाः वाङ्ओ बेलाहाङः ओउःपाय् क्रव्‌नाः बा। क्रव्आक्‌तीको ओउः जाःइ सबै भेदालम् रुनःधनाःथास यात्‌नीस्‌कायः ज्‍युह्र्ती सात्‌नौ।

युहना 10:12 ပူးပေါင်းရင်းမြစ်များ

मत्ती 10:16

लौ नीङ्‌कायःपाय् ङाइ रेव्ओलम्‌कःगन ल्‍होक्‌नेःनाङ्‌स इतलेः नीङ्‌पाय् पारःकुयःकःगन ल्‍होक्ओ भेदामेत्‌छ्याःलो लेखा स्‍याव्‌तेःनै ओउःत झ्‍यान्‍ते नीङ् आन व्‍हाय्‌तोमा छय्‍ङ्‌तोमा हायःसा खेःतेःनै।

मत्ती 7:15

सु ना सु मान्‍तालम्इ ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती माःतीलेः तोती वाङ्‌नै ओउःखेकायः पेतो योती धय्‌ती मुन ओउःमयःकायः योओ सायःओ बेलाहाङः ‘इ मान्‍तापाय् पेओलेः’ त ताःसीःनाः यादो खेःल ओउःमयःकोः ल्‍हुङ्‌तुक् जुगाङ् पेल।

युहना 10:13

ओउः भेदालम्‌पाय् लयःकोःलेः खेःल त झ्‍यान्‍ते ओउः ह्रामःओ नोकरी भेदालम्‌कायः दोह्‌मा म्‍हर्‌माःत लयः दल्‌साकायः ह क्रव्‌लेःनाः।

युहना 10:2

ओउः दोङ् भेदा ह्रामःओ गोथालाखे दोङ् दय्‍ह्‌लौहाङः पोक्‌ती वाङ्‌नाः।

युहना 10:3

ओउःकायः अरु ल्‍युङ्‌ह्‌ती मुओलम्इ पोक्‌सा ताक्‌नाःथै। ओहाङःसैको ओउःइ गोत्ओ बेलाहाङः लयःकोः भेदालम्इ ओउःकोः हाव्‌नयः तय्‍ह्‌ती सायःनानी। फेरी भेदाकायः लःलयःकोः मय्‍ङ् पेह्‌ती गोथालाइ ओउःमयःकायः बाहीरताङ् स्‍यालःनौ।

खबरदुत 20:29

ङा पाय्‍ह्आक्‌तीको अरु पेमालो मान्‍तालम् नीङ्‌कःताङ् उन्‍चुलावःलाङ् वाङ्‌ती यात्‌नीस्‌कायः पेमालो हायःसा ल्‍हुङ् द्यान्‍ह्‌ताक्‌नानी।

१ तीमोथी 3:3

ओउःपाय् हान् तुङ्‌ती ङोओमा खह्र्ओ मान्‍ता खेःसाकायः स्‍याव्‌ल काङ्ओ नीङ्ओ ल्‍हुङ् नाःओ खेःसाआः बा। फेरी ओउः मान्‍तापाय् पैसा क्‍युती मोह्‌हाय्ओ ल्‍हुङ् नाःसा स्‍याव्‌ल।

१ तीमोथी 3:8

ङ्‌हाम्ओलम्‌कायः काम् जाङ्‌ह्ओ मान्‍तामा पेओ ज्‍योओ मान्‍ता खेःसा खेःतो। ओउःपाय्‌लेः ब्रेह्‌ती माःती नोःओमा आन हान् तुङ्ओमा पैसा क्‍युसा मोह्‌हाय्ओमा स्‍याव्‌ल।

२ तीमोथी 4:10

देमस्इ तेन्‌छ्याङ्‌कोः ल्‍हाव्‍ह्‌दैबाङ्‌कोः कुरा झाक्‌ती झ्‍यान्‍ते ङाकायः फेआताङः ओउःपाय् थेसालोनीका सहर्‌ताङ् आल्ओआः। क्रेसेन्‍स्‌खे गालाती जील्‍लाताङ् आल्आ तीतस्‌खे आने दाल्‍मातीया जील्‍लाताङ् आल्आ।

तीतस् 1:7

स्‍यालःओ मान्‍तालम्इपाय् परमेस्‍वर्‌कोः काम् जाङ्‌ह्‌साकायः अरुकायः स्‍यालःसा खेःइतो ओउःत झ्‍यान्‍ते ओउःपाय् जुगाङ् पेओ अरुइ गाल्‌तुम्‌सा खाय्‌मालो मान्‍ता खेःसा खेःतो। ओउःपाय् लयः ङार्‌ओ खह्र्ओ हान् झाक्‌ती तुङ्ओ कायःकाय्ओ अरुकोः पैसा झाक्‌ती जेःओ मान्‍तापाय् स्‍याव्‌ल।

१ पत्रुस् 5:2

नीङ्इ स्‍यास्‌ती योसा खेःओ परमेस्‍वर्‌कायः ङ्‌हाम्ओलम्‌कायःपाय् पेतो ग्‍यातीलेः स्‍यास्‌नु दा। पैसाकायः ह जाङ्‌ह्‌माःत लयःकोः ल्‍हुङ् म्रोतीलेः ओउः काम् जाङ्‌ह्‌नु एतलेः परमेस्‍वर्‌ झाक्‌लेःनाः।

२ पत्रुस् 2:3

ओउःमयःकोः ल्‍हुङ् तोल्‌तो स्‍याव्‌ती इ माःती स्‍यान्ओलम्इ लयःकोः ल्‍हुङ्‌सै दोःओ कुरा स्‍यान्‌ती नीङ्‌कोः पैसा आह्रेलेः त्‍याक्‌ती जेःनानी। लौ ओउःमयःकायः ज्‍याङःतोहाङःसैलेः परमेस्‍वर्‌इ तय्‌छनःती योआथास ओउःमयः जुगाङ् न्‍युम्‍ह्‌तोलेः वाय्ओसै सुमा दल्इली बा।