युहना 1:9 - चेपाङ

⁹ ओउः दोङ् थोङ्‌ताक्‌सा चाक्‌पाय् ल्‍हाव्‍ह्‌दैबाङ् वाङ्‌ती सबै मान्‍ताकायः थोङ्‌ताक्‌सा चाक् लेःआः बा।

युहना 1:9 ပူးပေါင်းရင်းမြစ်များ

मत्ती 6:23

नाङ्‌कोः मीक्‌पाय् धेस्‌तेःल त खेःया नाङ्‌कोः ल्‍हुङ् च्‍याक्‌तोलेः स्‍याव्‌नाः। ओहाङःसैको मीक्इ थोङ्‌ताक्‌ल त खेःया नाङ्‌कोः ल्‍हुङ्‌पाय् गुच्‍युक् च्‍याक्‌तोलेः स्‍याव्आनाः।

लुका 11:36

ओहाङः पेमालो च्‍याक्ओपाय् दोह्‌मा मुताक्‌लाम्। ओहाङःसैको नीङ्‌कोः आङ्‌मा ल्‍हुङ्‌मा पेतो ओजायःत स्‍याव्‌लेःनाः” त दाय्‍ह्‌ती येसुइ स्‍यान्‌ती तोआथासा।

युहना 1:4

फेरी ओउः नोःराय्‌पाय् जीङः दोःताक्ओचाक् खेःतो। जीङः दोःआक्‌तीको मान्‍तालम् ल्‍हुङ् थोङ्‌तो वाह्‌सा खाय्‌नानी।

युहना 1:7

युहना त तोओपाय् मान्‍ताकोः ल्‍हुङ् थोङ्‌ताक्ओ कुरा छ्यानःती तोलाङ् वाङ्आ। “इ कुरा सबैइ सायःआक्‌तीको ङ्‌हाम्‌पानी” त दाय्‍ह्‌ती तोसाकायः परमेस्‍वर्‌इ युहनाकायः ल्‍होक्आथै।

युहना 12:46

ङापाय् सबै थोङ्‌ताक्‌साकायः इ ल्‍हाव्‍ह्‌दैबाङ्‌ताङ् वाङ्ओआः ङ। ओहाङःसैको सुसुइ ङाकायः ङ्‌हाम्‌चानानी ओउःलेः च्‍याक्ओहाङः मुइली।

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

युहना 15:1

“लौ ङापाय् दोङ् धाक्‌सायःकोः बोत्‌लो लेखा लेःआः ङ। ङाकोः आपाइ बोत् स्‍यास्ओ चाक्‌लेः खेःनाः।

युहना 6:32

“दोङ्‌सी दाय्‍ह्‌भनाङ् मोसाखेइ बयःओ थोक्‌लम् दोङ् लाङ्‌काकोः जेःगा खेःआक्‌ल ओउः दोङ् लाङ्‌काकोः जेःगापाय् ङाकोः आपाइ बयःओ खाल् लेःआः बा।

युहना 7:12

ओहाङःसैको ओउः छ्यात्‌ताङ् हुम्‌ती वाङ्ओलम् येसुकोः कुरा लयःमयःकुस् आन नोःकाय्आकाय्। यात्‌नीस् मान्‍ताखेपाय् “ओउःपाय् पेओ लेःआः” त दाय्‍ह्‌ती नोःकाय्आकाय् अरुलम्‌खे “खेःल ओउःइ सबैकायः माःती थ्‍योन्‍ह्‌तीलेः तोनौ” त दाय्‍ह्‌ती त्‍याङ्आकाय्।

१ युहना 1:8

ङी “रेव्ओ काम् जाङ्‌ह्ओलम् खेःङीली” त दाय्‍ह्‌चाःतय्‍ही त खेःया ङी दोङ् व्‍हक्ओ ल्‍हुङ् नाःमाःत लयःकायः तोपाल्‌नाःतय्‍ह्इसी।

१ युहना 2:8

ओउः अह्र्तपाय् आय् अह्र्त खेःसापाय् खेःलेःनाः बुरु गलकायःमा रौलेः स्‍याव्‌नाः। ओउः कुराकायःपाय् “दोङ् कुरा लेःआः” त ख्रीस्इमा सबैकायः छ्यानःआकान् ओउःतलेः नीङ्इमा छ्यानःतेःनानी। ओउः कुरापाय् इ लेःआः “द्याह् च्‍याक्ओखे क्रव्‌लेःनाः दोङ् थोङ्ओखे दाह्‌सा बोङःती मुनाः”

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।