युहना 1:40 - चेपाङ

⁴⁰ ओउः येसुकुस् वाङ्ओ नीस्‌चाक्‌कोःपाय् यात्‌चाक् अन्‍द्रीयस् त तोओ खेःतो ओउःपाय् सीमोन् पत्रुस् त तोओकोः पुःलेः।

युहना 1:40 ပူးပေါင်းရင်းမြစ်များ

मत्ती 10:2

ओउः बारजन चल्ओमयः इतलेः मय्‍ङ्ओ खेःइतो। ङ्‌हापाय् सीमोन् त तोओलेः ओउःकोः अरु मय्‍ङ् पत्रुस् त खेःतो। फेरी पत्रुस्‌कोः पुः अन्‍द्रीयस्‌मा खेःतो। अरुपाय् याकुब् युहना त तोओ नीस्‌पुःचाः ओउःनीस्‌पाय् जबदी त तोओकोः चोःनीस्‌लेः खेःचतो।

लुका 5:1

ओहाङःसैको गालील अन्‍चल्‌हाङः मुओ गनेसरेत् त तोओ ताङ्‌ह्ओ दुम्‌हान्‌कोः छेव्‌हाङः आल्‌ती चीङ्‌ती येसुइ स्‍यान्‌ती तोओ खेःतो। ओउःहाङः स्‍यान्‌तोक् बेलाहाङः येसुइ तोओ कुरा पेतो सायःसाकायः हुम्ओ मान्‍तालम्इ येसुकःताङ् लमःकाय्‌ती न्‍हेङःती वाङ्आकाय्।

युहना 1:39

“लौ योलाङ् वाङ्‌ज दा” त दाय्‍ह्‌ती येसु दाय्‍ह्आ। येसु ओउःत दाय्‍ह्आक्‌तीको ओउःनीस् वाङ्‌ती येसुकोः याक्ओ थाव्‌ताङ् योलाङ् आल्आकाच। आल्आक्‌तीको ओउःनीस्‌पाय् न्‍याम् घेल्ओहाङःसै याह्‌दीङ् दाह्‌तोलेः ओउःकुस् मुआकाच।

युहना 2:2

फेरी येसुकायःमा ओउःकुस् वाह्ओमयःकायःमा भोस्‌ताङ् गोत्आकानी।

युहना 4:33

“लौ इकायः सुलाङःइ जेःगा वानःती बयःआथै यादो” त दाय्‍ह्‌ती येसुकुस् वाह्ओमयः नोःकाय्आकाय्।

युहना 6:8

“लौ इ यात्‌चाक् हौलम् मान्‍ता मुनाः। ओउःकोः नीस्‌मोसा ङाः पोङाकेरः जौकोः लाङ् मुनाः। मुसापाय् मुलेःनाः ओउःपाय् इच्‍युक् नाःतो मान्‍ताकायः जुगाङ्‌मा थोप्‌थासल” त दाय्‍ह्‌ती अन्‍द्रीयस् त तोओ पत्रुस्‌कोः हौइ तोआथै।

खबरदुत 1:13

ओहाङःसैको यरुसालेम्‌ताङ् दाह्‌ती वाङ्आक्‌तीको लयः याक्ओ कीम्‌कोः त्‍यावःअ कोथाहाङः पाय्‍ह्‌ती पोक्आकाय्। ओहाङः पत्रुस् युहना याकुब् अन्‍द्रीयस् त तोओलम्‌मा याक्‌ती मुओ खेःतो। ओहाङःमा फीलीप् थोमा बर्‌थोलोमा मत्ती आल्‍फीयस्‌कोः गोय्‌चोः याकुब् “जेलोत्” त हाल् मय्‍ङ्ओ सीमोन्‌मा याकुब्‌कोः गोय्‌चोः यहुदा त तोओलम्‌मा सबै ओहाङः याक्ओ खेःतो।