युहना 1:4 - चेपाङ

⁴ फेरी ओउः नोःराय्‌पाय् जीङः दोःताक्ओचाक् खेःतो। जीङः दोःआक्‌तीको मान्‍तालम् ल्‍हुङ् थोङ्‌तो वाह्‌सा खाय्‌नानी।

युहना 1:4 ပူးပေါင်းရင်းမြစ်များ

मत्ती 4:16

ओउःमयःपाय् ङ्‌हा च्‍याक्ओमा मान्‍ता तोङ्‌ह्‌मालो देस्‌हाङःमा याक्‌ती मुइतो ओउःमयःकःहाङः लोने पेतो थोङ्‌तो स्‍याव्ओआः बा” त दाय्‍ह्‌ती एसाया उय्‍ह्‌ले दाय्‍ह्ओ कुरा द्याह् ताप्‌तो स्‍याव्आ।

लुका 2:32

इ चोःइपाय् लोन्‍ते यहुदी खेःमालो जात्‌कोः मान्‍तालम्‌कायः नाङ्‌कोः पेओ वाङ्‌सा खेःओ ल्‍याम् हवःती छ्यानःनाःथास। ओहाङःसैको नाङ्‌कोः इस्राएल् जात्‌कोः मान्‍तालम्‌कायः ओउःइ ताङ्‌ह्‌ताक्‌लेःनै” त दाय्‍ह्‌ती सीमीयोन्इ परमेस्‍वर्‌कायः झाह्‌ती तोआकान्।

युहना 11:25

“लौ सीओकायः च्‍योक्‌ताक्‌सामा रौ जीङः बयःसामा ङालेः खेःनाङः बा।

युहना 12:35

“लौ नीङ्‌कःहाङः ङा मुओहाङः थोङ्‌तो स्‍याव्‌ती मुधाङ्‌नाः लोनेः च्‍याक्‌तोलेः स्‍याव्‌नाः। ओउः थोङ्‌तो मुओहाङः पेओ काम् जाङ्‌ह्‌ती वाह्‌न दा लोनेः च्‍याक्‌तो स्‍याव्ओहाङः च्‍यवःती वाह्‌सामा दोःल काम् जाङ्‌ह्‌सामा दोःल।

युहना 12:46

ङापाय् सबै थोङ्‌ताक्‌साकायः इ ल्‍हाव्‍ह्‌दैबाङ्‌ताङ् वाङ्ओआः ङ। ओहाङःसैको सुसुइ ङाकायः ङ्‌हाम्‌चानानी ओउःलेः च्‍याक्ओहाङः मुइली।

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

युहना 3:19

ओउः गाल्‌तुम्‌ती नोःओ कुरा इलेःआः ल्‍हाव्‍ह्‌दैबाङ्‌ताङ् पेओ काम् जाङ्‌ह्‌साकायः थोङ्‌ताक्‌लाङ् वाङ्‌तो ओउः थोङ्ओसै ल्‍हाव्‍ह्‌दैबाङ्‌कोः मान्‍तालम् न्‍हाङ्‌तोलेः च्‍याक्ओहाङः मुसा झाक्‌लेःनै लयःकोः रेव्ओ काम् जाङ्‌ह्‌सा थेङा। इत हायःओकायः परमेस्‍वर्‌इ गाल्‌तुम्‌ती नोःनाःथास।

युहना 5:21

आपाइ सीओलम्‌कायः उह्‌ती च्‍योक्‌ताक्‌सा खाय्‌नौ ओउःतलेः ओउःकोः चोःइमा लयः झाक्ओ जाङ्‌ह्‌ती सीओलम्‌कायः च्‍योक्‌ताक्‌लेःनौ।

युहना 5:26

आपापाय् जीङःकोः सीलाङ् लेःआः बा ओउःत झ्‍यान्‍ते चोःकायःमा ओउःतलेः जीङः दोःताक्‌सा ग्‍वम्‌लेः बयःआकान्।

युहना 8:12

ओहाङःसैको येसुइ फेरी मन्‍दीर्‌हाङः हुम्ओ मान्‍तालम्‌कायः स्‍यान्‌ती तोआथास “लौ इ ल्‍हाव्‍ह्‌दैबाङ् थोङ्‌ताक्ओपाय् ङा लेःआः बा। सुसु ङाकुस् वाह्‌नै ओउःलेः च्‍याक्ओहाङः गलमा वाह्इली थोङ्ओहाङः रौ जीङः दोःती वाह्‌नै” त दाय्‍ह्‌ती येसु दाय्‍ह्आ।

युहना 9:5

इ ल्‍हाव्‍ह्‌दैबाङ् मुतोक्‌हाङः ङापाय् ओउःकोः थोङ्‌ताक्ओ लेःआः ङ” त दाय्‍ह्‌ती येसु दाय्‍ह्आ।

१ कोरीन्‍थी 15:45

ओउः ङ्‌हा वाङ्ओ आदम् त तोओखे “जीङः दोःओ मान्‍ता खेःतो” त दाय्‍ह्ओ आखरःहाङः लेखती मुनाः ओउः लोनेःसै वाङ्ओ आदम्‌खे जीङः बयःसा ग्‍वालामः लेःआः।

एफेसस् 5:14

फेरी पेतो च्‍यवःताक्ओपाय् थोङ्ओ लेःआः। एतलेः लेखती मुनाः “अ नाङ् एनःती मुओ चाक्‌य सीओलम्‌सै उह्‌ती च्‍योक्‌तेःपाः ओहाङःसै ख्रीस्इपाय् थोङ्‌तेःताक्‌तेःनाः” त दाय्‍ह्ओ लेखती मुनाः।

कोलसी 3:4

ओहाङःसैको ङीकायः जीङः बयःओमा ङीकायः स्‍यास्ओ ख्रीस्‌पाय् थाती वाङ्ओहाङः नीङ्‌मा ओउःकुस् थातेःनै ओउःकुस् पेतो ताङ्‌ह्‌तो स्‍याव्‌तेःनै।

१ युहना 1:1

लौ ओउः जीङः बयःसा नोःराय्‌कोः कुरालेः लेखती छ्यानःनेःनाङ्‌स। ओउः नोःराय्‌पाय् ङ्‌हाहाङःसै मुओआः बा। ओहाङःसैको ओउःकायःलेः ङीइ नोइ सायःमाआलाङःसु मीक्इ च्‍यवःमाआलाङःसु। माः रैस ओउःकायः ङीइ योती दीन्‍ह्‌माआलाङःसु।

१ युहना 1:2

ओउः जीङः बयःओचाक्‌पाय् ङ्‌हापाय् ओउःकोः आपाकुस् मुओ खेःतो ओहाङःसैको थाआक्‌तीको ङीइ ओउःकायः च्‍यवःती झ्‍यान्‍ते ओउः गलकायः स्‍याव्‌सा जीङः बयःओकोः कुरा द्याह् “दोह्‌लो” त दाय्‍ह्‌ती छ्यानःनेःनाङ्‌स।

१ युहना 5:11

फेरी परमेस्‍वर्‌इ येसुकायः पाःती तोओ कुरापाय् इ लेःआः। परमेस्‍वर्‌इ लयःकोः चोः ल्‍होक्‌ती ङीकायः चोःसै रौ जीङः दोःताक्आतय्‍ही।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:16

“लौ इ कुरा सबै ङ्‌हाम्ओलम् छ्यानःती तोसा थेङा ङा येसुइ ङाकोः ल्‍होक्ओमयःकायः नीङ्‌कःताङ् ल्‍होक्आलाङः। ङापाय् दावुद्‌कोः होह्र्कोः तुङःलेः ओउः बीहान प्रीमा च्‍योक्‌ती थाओ थोङ्ओ कार्‌ लेःआः ङ” त दाय्‍ह्‌ती ओउःपाय् दाय्‍ह्आ।