युहना 1:29 - चेपाङ29 ओहाङःसैको उनम्कोः स्याङ्ह्लोहाङः येसु वाङ्धै वाङ्ओलेः युहनाइ च्यवःआकान् “लौ इपाय् ल्हाव्ह्दैबाङ्कोः मान्ताकायः रेव्ओ काम् क्युम्ह्ताक्सा चाक् लेःआः। ओउःपाय् परमेस्वर्कायः ल्हाती सात्सा भेदाकोः चोःलो लेखा लेःआः। အခန်းကိုကြည့်ပါ။ |
युहना 1:29
65 ပူးပေါင်းရင်းမြစ်များ
फीलीप्कायः गोत्तोक्हाङः ओउः मन्तरी परमेस्वर्कोः आखरःहाङः इतलेः पह्रओ खेःतो “पाल्साकायः वानःओ भेदामेत्छ्याःमा मेनः खुर्साकायः वानःओ भेदामेत्छ्याःकोः चोःलेः ओउःकायः सात्सा खुर्सा बोङःओ मान्ताकायः नोःसामा जान्सामा खाय्उलु ओउःलो लेखालेः ओउः मान्ताइलेः ओउःकायः सात्सा बोङःओ मान्तालम्कायः नोःउलु।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
ओउःत झ्यान्ते येसुपाय् लयःकोः हौलम्लो लेखालेः यातैज्याङ्लेः घार्तोलेः स्याव्सा खेःओ खेःतो। ओहाङःसैको परमेस्वर्कायः ताङ्ह्ओ पुरोहीत्कोः काम् पेतो जाङ्ह्ती येसुइ मान्तालम्कायः योनःती योती “लौ इमयःकोः रेव्ओ काम् जाङ्ह्झ्याङ्कोः क्युम्ह्ती वाय्पाःथास” त परमेस्वर्कः तेती तोसा खाय्नौ।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
ओउः ङ्हाम्सीःओ परमेस्वर्कोः कुरा छ्यानःओचाक् येसु ख्रीस्इमा नीङ्कायः योनःती योती ल्हुङ् धोमाय्ताक्तेःपै। ओउः परमेस्वर्कोः चोः येसुपाय् अरुसै ङ्हालेः सीओसै उह्ती च्योक्माआ ओउःपाय् ल्हाव्ह्दैबाङ्कोः राजालम्सै पुःमानाः। येसु ख्रीस्इपाय् ङीकायः राप्लेःनाःतय्ही ओउःकोः वयः बयःती ङीकोः रेव्झ्याङ्कोः क्युम्ह्ताक्आतय्ही।
ओहाङःसैको ओउःमयःपाय् ओउः भेदाकोः चोःकुस् मीन्ह्काय्लेःनै। ओउःकुस् मीन्ह्काय्इतो ओउःमयःकायः ओउः भेदाकोः चोःइ क्लीमःनाःथास दोह् हायःती दाय्ह्सा ओउः भेदाकोः चोःपाय् सबैसै ताङ्ह्ओ प्रभुमा राजा लेःआः बा। ओउःकुस् वाह्ओलम्पाय् ओउःइ छ्युङ्ह्ती गोत्ओ पेतो ङ्हाम्ओ मान्तालम् लेःआः इ” त दाय्ह्ती ओउः ल्होक्ओमयःइ तोआताङः।
ओउःत तोआक्तीको ङाइ योती यात्ज्योः भेदा मेत्छ्याःकोः चोः ओउः राजा च्युङःसा थाव्कोः माझहाङः सात्गार्ओ लेखा च्यवःआलाङः। ओउःकायः तोङःती ओउः चार् जीङः नाःओलम्मा ओउः चौबीस् थालवःपालम्मा मुओ खेःतो। ओउः भेदामेत्छ्याःकोः चोःपाय् सात्गोता रोङःमा सात्गोता मीक् नाःओ खेःतो। ओउःकोः सात्गोता मीक्पाय् ओउः ल्हाव्ह्दैबाङ्हाङः तीक्ती वाह्साकायः ल्होक्ओ परमेस्वर्कोः सात् ग्वालामः लेःआः इ।
दोह् हायःती दाय्ह्सा ओउः राजाकोः थाव्कोः माझहाङः मुओ भेदाकोः चोःइपाय् ओउःमयःकायः ह्रामःओ मान्तालो लेखालेः स्याव्नाः। ओउःमयःकायः ओउःइ जीङः बयःसा तीः कावःराङ्ताङ् दाक्नाःथास। ओहाङःसैको क्रेस्ती र्याःतोक्हाङः परमेस्वर्इलेः ओउःमयःकोः मीक्क्लीः सबै थ्युर्नाःथास” त दाय्ह्ती ओउः थालवःपाइ छ्यानःती तोआताङः।
ကြော်ငြာတွေ