युहना 1:26 - चेपाङ

²⁶ “लौ ङाखेइ तीःइ ह बाप्‍तीस्‍मा जाङ्‌ह्‌नाङः। नीङ्इ चीःमाःत यात्‌चाक् नीङ्‌कःगन मुलेःनाः।

युहना 1:26 ပူးပေါင်းရင်းမြစ်များ

मत्ती 3:11

“लौ नीङ्इ रेव्ओ काम् फेतोक्‌हाङः ङाखेइ तीःइ बाप्‍तीस्‍मा बयःनाङ्‌सतो लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍ता ओउःकोः जुत्ता लात्‌सा स्‍याव्‌ङल। ओउःखेइ नीङ्‌कायः परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

मत्ती 3:6

वाङ्आक्‌तीको लःलयःकोः रेव्‌तो हायःओ घोती तोआक्‌तीको ओउःमयःकायः युहनाइ योर्‌दन् खोलाहाङः बाप्‍तीस्‍मा बयःआथास।

मर्‌कस् 1:8

ङाखेइ तीःइ बाप्‍तीस्‍मा बयःनेःनाङ्‌सतो ओउःखेइ परमेस्‍वर्‌कोः ग्‍वालामःइ बाप्‍तीस्‍मा त तोओ बयःतेःनै” त दाय्‍ह्‌ती युहनाइ स्‍यान्‌ती तोआथास।

लुका 3:16

ओउःमयः म्‍हर्‌ओ युहनाइ चीःती “लौ ङाखेइ तीःइलेः बाप्‍तीस्‍मा बयःनेःनाङ्‌सतो लोन्‍तेसै यात्‌चाक् ङासै आन ताङ्‌ह्ओ चाक्आः वाङ्‌लेःनाः बा। ओउःकायःपाय् ङाच्‍युक् मीओ मान्‍तापाय् ओउःकोः जुत्ता फास्‌सामा स्‍याव्‌ङल। ओउःखेइ परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

युहना 16:3

दोह् हायःती दाय्‍ह्‌सा ओउःमयःइ ङाकायःमा ङाकोः आपाकायःमा तय्‍ह्‌ताङःचल।

युहना 17:25

लौ नाङ् जय्‌कुमःओ आपाय ओउः ल्‍हाव्‍ह्‌दैबाङ्‌हाङः मुओलम्‌खेइ नाङ्‌कायः तय्‍ह्‌तेःल ङाखेइ तय्‍ह्‌नेःनाङ्। ङाकायःपाय् नाङ्इ ‘ल्‍होक्ओआः’ त इ ङाकुस् वाह्ओमयःइ चीःनानी।

युहना 17:3

दोःआक्‌तीको ओउः जीङः दोःओलम्इ नाङ् दोङ् परमेस्‍वर्‌कायःमा नाङ्इ ल्‍होक्ओ येसु ख्रीस्‌कायःमा पेतो तय्‍ह्‌नानी।

युहना 8:19

ओउःत सायःती “लौ नाङ्‌कोः आपा गाःताङ्” त दाय्‍ह्‌ती येसुकायः व्‍हत्‌थातो “नीङ्इपाय् ङाकायःमा तय्‍ह्‌तेःनाङ्‌सल ङाकोः आपाकायःमा तय्‍ह्‌तेःनीली। ङाकायः तय्‍ह्‌तेःचानाङ्‌स त खेःया ङाकोः आपाकायःमा तय्‍ह्‌तेःचानी खेःतो” त येसुइ दाय्‍ह्‌ती तोआथास।

खबरदुत 1:5

ङ्‌हाहाङःसै युहनाखेइ तीःइ बाप्‍तीस्‍मा बयःउतो लोन्‍ते तेन्‌कोः ज्‍याङःधाङ्‌माखाहाङः नीङ्‌खे परमेस्‍वर्‌कोः ग्‍वालामःइ बाप्‍तीस्‍मा दोःतेःनै” त येसुइ दाय्‍ह्‌ती तोआथास।

खबरदुत 11:16

एत च्‍यवःती ‘युहनाखेइ तीःइ बाप्‍तीस्‍मा जाङ्‌ह्‌थासतो नीङ्‌खेकायः परमेस्‍वर्‌कोः ग्‍वालामःइ बाप्‍तीस्‍मा जाङ्‌ह्‌तेःनै’ त येसुइ ङ्‌हा तोओ कुरा गीलआलाङः।

खबरदुत 19:4

“युहना वाङ्‌तोक्‌हाङःपाय् ‘रेव्ओ काम् फेती परमेस्‍वर्‌कः द्यान्‍ह्‌सा’ कुरा तोती ओउःइ बाप्‍तीस्‍मा बयःआथास। युहनाइमा ‘ङाकोः लोने यात्‌चाक् ङासै ताङ्‌ह्‌तो येसु त तोओ वाङ्आनाः। ओउः येसुइ तोओ कुरा ङ्‌हाम्‌ती सायःनु दा’ त दाय्‍ह्‌तीमा युहनाइ स्‍यान्ओ खेःतो” त दाय्‍ह्‌ती पावुल्इ तोआथास।

१ युहना 3:1

परमेस्‍वर्‌इ इच्‍युक् पेतोलेः राप्‌नाःतय्‍ही ङीकायःपाय् ओउःइ “लौ ङाकोः चोः लेःआः” त दाय्‍ह्‌ती तोनाःतय्‍ही। माः रैस दोङ्‌सीलेः ओउःकोः चोः लेःआः तय्‍ही अरु ल्‍हाव्‍ह्‌दैबाङ्‌कोः मान्‍तालम्इ परमेस्‍वर्‌कायः तय्‍ह्‌माःत झ्‍यान्‍ते ङीकायःमा तय्‍ह्‌तय्‍हीली।