युहना 1:14 - चेपाङ14 ओहाङःसै ओउः नोःराय् त तोओपाय् मान्तालेः स्याव्ती ङीकःहाङः याक्ती मुओ खेःतो। ङीकःहाङः याक्ती मुतोक्हाङः ओउःपाय् दोङ् कुरा स्यान्ती मान्तालम्कायः योनःती योती आन बाल्ती जाङ्ह्आकान्। बेला बेलाहाङः ओउःकायः परमेस्वर्कोः ल्हुङ्गोरे चोःलो लेखा अङ्ग थङ्ग त पेओमा ताङ्ह्ओमा च्यवःआलाङःसु। အခန်းကိုကြည့်ပါ။ |
युहना 1:14
60 ပူးပေါင်းရင်းမြစ်များ
“लौ उया नाङ् राजातेः खेःतेःनाः यादो” त पीलातस् दाय्ह्ती “ङाकायःपाय् ‘राजा’ त नाङ्इ लयः तोतेःआची ओउःत स्याव्साकायः ङा मान्ताकोः चोः स्याव्ती ल्हाव्ह्दैबाङ्हाङः वाङ्आलाङः। वाङ्आक्तीको दोङ् कुरा स्यान्ती तोआलाङः। सुसुइ दोङ् कुरा चीःसा झाक्चानानी ओउःलेः ङाइ स्यान्ओ कुरा सायःनानी” त दाय्ह्ती येसुइ तोती
द्याह् ङी प्लोमःदाने मोमःदाने मुओ बेलाहाङः इ तोती गम्ओ कुरापाय् ताप्ताक्तोलेः जाङ्ह्ती परमेस्वर्इ येसुकायः च्योक्ताक्ती स्याव्ताक्आकान्। ओउः कुरापाय् इतलेः लेखओ खेःतो ‘लौ नाङ्पाय् ङाकोः चोःतेः खेःतेःनाः। तेन्पाय् ङाइ नाङ्कायः जीङः दोःताक्नेःआलाङ्’ त दाय्ह्ती परमेस्वर्कोः आखरःहाङः दावुद्इ लेखओ मेओ कुरा मुनाः।
ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
दोह् हायःती दाय्ह्सा परमेस्वर्इ “लौ नाङ्पाय् ङाकोः चोः लेःतेःआः। तेन् ङा नाङ्कोः दोङ् आपालेः स्याव्नाङः” त दाय्ह्ती लयःकोः ल्होक्ओमयःकायः सुकायःमा तोथासल ओउःकोः चोःकायः ह एतलेः लयःकोः आखरःहाङः तोआथै। फेरी लयःकोः आखरःहाङः “ङापाय् ओउःकोः आपा स्याव्लेःनाङः ओउःपाय् ङाकोः चोःलेः स्याव्नाः” तमा परमेस्वर्इ ल्होक्ओमयःकायः सुकायःमा तोथासल।
ग्ल्युङ्ह्ती वाङ्तोक्हाङः ओउः राजा च्युङःसा थाव्सै सोतो हाव्नयःमा सायःआलाङः “लौ द्याह्गोते परमेस्वर्पाय् मान्तालम्कुस् याक्लेःनाः। ओउःत याक्तोक्हाङः ओउःमयः परमेस्वर्कोः मान्तालम् स्याव्लेःनै। माः है परमेस्वर्पाय् लयःलेः मान्तालम्कुस् याक्ती ओउःमयःकोः परमेस्वर् स्याव्लेःनाः।
ကြော်ငြာတွေ