याकुब् 5:8 - चेपाङ

⁸ नीङ्‌मा गुह्र्माःत पेतो म्रोती ल्‍युङ्‌ह्‌ती मुन प्रभु वाङ्‌सा बेलापाय् दाह्‌खेःनाः बा।

याकुब् 5:8 ပူးပေါင်းရင်းမြစ်များ

लुका 21:19

ओउःत स्‍याव्‌लेःनाः ङाकायःमा ङाकोः कुराकायःमा फेमाःत नीङ् ल्‍हुङ् ग्रमःत मुलेःतेःनै त खेःया नीङ्‌पाय् दल्‌तेःनै बा।

युहना 21:22

“लौ ङा वाङ्‌धाङ्‌माःखा च्‍युक्‌कायःलेः ‘ओउः तुतो स्‍याक्‌पाः’ त ङा झाक्‌चाङः त खेःया ओउःपाय् नाङ्‌कायः दोह्‌मा दयःतेःल। नाङ् ङाकुस् वाह्अ दा” त दाय्‍ह्‌ती येसु त्‍याङ्आ।

रोमी 8:25

ङीइ झाह्ओ कुरापाय् च्‍यवःधाङ्‌मालोहाङः ओउः झाह्ओ स्‍याक्‌साकायः गुह्र्माःत ल्‍युङ्‌ह्‌नाःतय्‍ही।

गालाती 5:22

ओउःपाय् ल्‍हुङ्‌खेकोः रेव्ओ कुराखे लेःआः। परमेस्‍वर्‌कोः ग्‍वालामःखेकोः पेओ कुराखे इलेःआः। राप्ओ ल्‍हुङ्‌मा चोङाय्ओ धोमाय्ओ ल्‍हुङ्‌मा लीह्‌सीःओ गोरःओ पेओ योनःती योओ ल्‍हुङ्‌मा ङ्‌हाम्‌सीःओ काङ्ओ रेव्‌तो जाङ्‌ह्‌सा ग्‍यामालो ल्‍हुङ्‌मा लयःकायः मीतो योओमा ओउः सबैलेः परमेस्‍वर्‌कोः ग्‍वालामःइ बयःओ कुरालेः ऐन्इ ताक्‌मालो कुरा खेःल।

फीलीपी 4:5

सबैकायः काङ्‌तोलेः नोःन। ङीकोः प्रभुपाय् देङीलेः वाङ्‌नाः।

१ थेसलोनिकि 1:10

ओउःकोः चोःपाय् लाङ्‌कासै वाङ्‌साकायः ल्‍युङ्‌ह्‌तीमा मुनै” त दाय्‍ह्‌ती सबै चीःती नोःकाय्‌नै। ओउः चोःपाय् येसु लेःआः ओउःकायःपाय् परमेस्‍वर्‌इ सीओसै उह्‌ती च्‍योक्‌ताक्आथै। ओहाङःसैको येसुइपाय् ओउः लोनेः वाङ्‌सा परमेस्‍वर्‌इ बयःसा न्‍युम्‍ह्‌ताक्ओसै ङीकायः दल्‌ताक्‌नाःतय्‍ही।

१ थेसलोनिकि 2:19

लौ ङीकोः प्रभु येसु ख्रीस् वाङ्‌सा खेःओ दीन्‌हाङः ङी दोह्‌कायः चोङाय्‌ती आसती मुचाङी त दाय्‍ह्‌सा ङीकोः पेओ काम् जाङ्‌ह्‌झ्‍याङ्‌कोः दोह्‌लो दाय्‍ह्‌सा ओउःपाय् इलेःआः। नीङ्‌मा ङीकुस् येसुकोः मीक्‌हाङः मुतेःनै त खेःया चोङाय्‌नाङी।

१ थेसलोनिकि 3:13

ओहाङःसै ङीकोः प्रभु येसु ख्रीस् लयःकायः ङ्‌हाम्ओलम्‌कुस् वाङ्‌नम् दीन्‌हाङः नीङ् ल्‍हुङ्‌हाङः जय्‌तोलेः स्‍याव्‌ती परमेस्‍वर्‌कोः मीक्‌हाङः जय्‌कुमःत मुतेःनै।

२ थेसलोनिकि 3:5

परमेस्‍वर्‌कोः राप्ओ ल्‍हुङ्‌मा ख्रीस्‌कोः गोरःती वाह्ओ ल्‍हुङ्‌मा प्रभुइ दोःताक्‌तेःपै।

याकुब् 5:3

नीङ्‌कोः सुन् चान्‍दी खय्इ जेःओ बत्‌तेःआकाय्। एत स्‍याव्‌बत्‌तेःआकाय् त खेःओ नीङ् पेमालोतेः हायःतेःआकानी त अरुकायः छ्यानःओलेः स्‍याव्‌नाः। म्‍हेःइ जेःओलो लेखालेः नीङ् न्‍युम्‍ह्‌तोलेः वाय्‌तोतेः स्‍याव्‌तेःनै। इ लोने वाङ्‌सा खेःओ दीन्‌लम्‌कायः आनतेः त्‍युम्‍ह्‌तेःआकायःइसी।

याकुब् 5:9

लःलयःमयःकःताङ् काय्‍ह्‌य्‍हाव्‌काय्‌लाम् ओहाङःसैको परमेस्‍वर्‌इ नीङ्‌कायःमा गाल्‌तुम्‌ती तोतेःइली। ओउः तय्‌छनःती योसा प्रभुपाय् द्याङ्‌तोलेः मुनाः वाङ्‌खेःआ बा।

१ पत्रुस् 4:7

लौ सबै थोक्‌कोः द्युम्ओ बेलाहाङः दाह्‌खेःआ ओउःत झ्‍यान्‍ते घीःओ नीङ्ओ ल्‍हुङ् दोःती परमेस्‍वर्‌कः तेती तोनु दा।

प्रकाश 22:20

इ कुरालम् छ्यानःती तोओचाक्‌पाय् “माः है ङापाय् रेन्‍ह्‌तोलेः वाङ्‌नाङः बा” त दाय्‍ह्‌ती दाय्‍ह्‌लेःनाः। माः प्रभु येसुय रेन्‍ह्‌तोलेः वाङ्‌चाक्अ दै।