याकुब् 5:4 - चेपाङ

⁴ नीङ्इपाय् नीङ्‌कोः लयःकोः राङ्‌हाङः काम् जाङ्‌ह्ओ खेत्‌ल्‍यालम्‌कोः ज्‍याला माःती जेःतेःआकानी। लौ नीङ्इ ओउःमयःकायः पेमालो हायःतेःआकान् त झ्‍यान्‍ते ओउःमयःकोः काय्‍ह्‌य्‍हाव्‌ती नोःओ कुरा सायःनु दा। ओउःमयःकोः कुरापाय् ओउः जुगाङ् ग्‍वम् नाःओ प्रभुइलेः सायःआकान् बा।

याकुब् 5:4 ပူးပေါင်းရင်းမြစ်များ

मत्ती 9:37

“लौ राङ्‌हाङः भुङ्‌ह्‌ती मीन्ओ सायःलो लेखालेः इ मान्‍तालम्‌पाय् नाःतो लेःआः ओउःमयःकायः परमेस्‍वर्‌कोः राजीहाङः त्‍युम्‍ह्‌ती वानःसा मान्‍तालम्‌पाय् नाःतो नाःइली।

लुका 18:7

ओउःच्‍युक् पेमालो हाकीम् मान्‍ताकायः अरु वाङ्‌ती युङ्‌ती तेआक्‌तीको ओउः तेओ कुरा लोने जाङ्‌ह्‌सा ग्‍यालेःनाः त खेःया दोङ्‌सीलेः परमेस्‍वर्‌इ लयःकोः मान्‍तालम्इ ‘ङीकोः बीरोत्‌लम्‌सै दल्‌ताक्‌ताङी’ त न्‍हीदीङ् याह्‌दीङ् तेती तोओ कुरा न्‍हाङ्‌तोलेः ग्‍याती जाङ्‌ह्‌नौ।

रोमी 9:29

ङ्‌हाहाङः “लौ ओउः सबैसै ताङ्‌ह्ओ ग्‍वम् नाःओ प्रभुइ ङीकायः यात्‌नीस्‌चाक् प्‍लोमःदाने मोमःदाने वाय्‌माःतो स्‍याव्‌ती गम्आकान् बा। यात्‌नीस्‌चाक्‌पाय् मुइली त खेःया ङीपाय् सोदोम्‌नीस् सहर्‌ गोमोराकोः मान्‍तालम्‌लो लेखालेः मीह्‌ताक्‌चाःतय्‍ही खेःतो” त दाय्‍ह्‌तीमा एसायाइ तोआकान्।

कोलसी 4:1

मालीक्‌लम्‌मा नीङ्‌कोः नोकरीलम्‌कायः पेतो हायःउसु। लाङ्‌काहाङः नीङ्‌कोः मालीक्‌मा मुलेःनाः एत नीङ्इ चीःसा खेःतो।