याकुब् 5:20 - चेपाङ

²⁰ सुसुइ रेव्ओ काम् जाङ्‌ह्ओ मान्‍ताकायः ओउःकोः रेव्ओ काम् फेताक्‌नौ ओउःइ ओउः मान्‍ताकायः सीओसैमा दल्‌ताक्‌मानौ नाःतो रेव्ओ काम्‌लम्‌मा क्‍युम्‍ह्‌ताक्‌तीलेः वाय्‌मानौ।

याकुब् 5:20 ပူးပေါင်းရင်းမြစ်များ

युहना 5:24

दोङ्‌सी दाय्‍ह्‌भनाङ् सुसुइ ङाइ तोओ कुरा सायःती ङाकायः ल्‍होक्ओ आपाकायः पेतो ङ्‌हाम्‌नाःथै ओउःलेः गलमा द्योक्‌मालो जीङः दोःआनै बा। ओउःपाय् लयःकोः ङ्‌हा जाङ्‌ह्ओ रेव्ओ काम् जाङ्‌ह्‌झ्‍याङ्‌कायः न्‍युम्‍ह्‌माःत सीओहाङःसै उह्‌ती च्‍योक्आलेः स्‍याव्‌नै।

रोमी 11:14

दोह् हायःती दाय्‍ह्‌सा अरु जात्‌लम् दल्ओलेः त च्‍यवःती यहुदीलम्‌मा अरु जात्‌कः लती झ्‍यान्‍ते ङाइ यात्‌नीस्‌चाक्‌कायः दल्‌ताक्‌सा खाय्‌नाङः यादो।

१ कोरीन्‍थी 1:21

लयःकोः म्‍हुक्ओ ल्‍हुङ्इ ह मान्‍ताइ परमेस्‍वर्‌कायः तय्‍ह्‌सा खाय्‌नीली दोह् हायःती दाय्‍ह्‌सा परमेस्‍वर्‌ पेतो चीःती लयः झाक्‌ती झ्‍यान्‍ते दोह् थोल्‍ह्‌ती कुरालो ङ्‌हाम्‌सा ग्‍यामालोलम्‌खेइ “भ्‍यामःती नोःओ” त तोनानी ओउः कुराकायःलेः ग्‍याती ङ्‌हाम्आक्‌तीको ओउः ङ्‌हाम्ओ मान्‍तालम्‌खे दल्‌तो स्‍याव्‌नै।

१ कोरीन्‍थी 9:22

फेरी ओउः ग्रमःत ङ्‌हाम्‌धाङ्‌मालोलम् पेतो ङ्‌हाम्‌ताक्‌साकायः ङा ग्रमःत ङ्‌हाम्‌धाङ्‌मालो मान्‍तालो लेखा स्‍याव्‌नाङः। माः रैस यात्‌नीस्‌चाक् दल्‌ताक्‌साकायः ङा सबैकायः दोह् खेःयामा स्‍याव्‌सामा ग्‍यालेःनाङः दोह् खेःयामा जाङ्‌ह्‌सामा ग्‍यालेःनाङः।

१ तीमोथी 4:16

लयः वाह्ओमा लयःइ स्‍यान्ओमा पेतो चीःती हायःउ ओउःत हायःधार्‌ना नाङ्इ लयःकायःमा नाङ्‌कोः कुरा सायःओलम्‌कायःमा दल्‌ताक्‌तेःनौ।

फीलेमोन् 1:19

ङा पावुल् लयःकोः क्रुत्इ इ लेखनेःनाङ् “लौ दोह् खेःयामा मुनाः ओउःलेः ङाइ पाय्‍क्‌चेःनाङ्” त लेखनाङः। पाय्‍क्‌सापाय् पाय्‍क्‌नेःनाङ् नाङ्‌कोः लयःकोः जीङःमा ङाकःसै दोःओ लेःआः बा।

याकुब् 1:15

इत झाक्ओ थाङ्‌ती झ्‍यान्‍ते लोने पेमालो काम्‌लम् वाङ्‌नाः। पेमालो काम्‌लम् ब्‍याव्‌तो स्‍याव्‌ती झ्‍यान्‍ते सीतो स्‍याव्ओलेः वाङ्‌नाः।

याकुब् 1:21

ओउःत झ्‍यान्‍ते सबै रेव्ओमा अह्र्सीःओ काम् जवओ फेती नीङ्‌कोः ल्‍हुङ्‌हाङः सेती गम्ओ पेओ नोःराय् ग्‍यातीलेः सायःनु ओहाङःसैको ओउः नोःराय्इ नीङ् दल्‌तेःनै।

याकुब् 5:15

ओउः मान्‍तालम्इ पेओ ङ्‌हाम्ओ ल्‍हुङ्इ तेती तोनानी त खेःयाकायः ओउः जीक्ओपाय् सेलः स्‍याव्‌नाः। प्रभुइ ओउःकायः उह्‌ती च्‍योक्‌ताक्‌नाःथै। फेरी ओउः मान्‍ताइ रेव्‌तोलेः जाङ्‌ह्आकान् त खेःया ओउः रेव्ओपाय् क्‍युम्‍ह्‌ती वाय्‌तो स्‍याव्‌नाः।

याकुब् 5:19

लौ उया पुःचोङ् हौचोङ्‌य नीङ्‌कःहाङः यात्‌चाक् दोङ् कुरा जाङ्‌ह्‌ती वाह्ओकायः फेलेःनौ त खेःया अरुइ ओउःकायः दोङ् कुरा जाङ्‌ह्‌ती वाह्‌साकायः द्यानःपाःथै।

१ पत्रुस् 4:8

दोह् खेःयामा अरुलम्‌कुस् राप्‌काय्‌ती मुन दोह् हायःती दाय्‍ह्‌सा नीङ्इ एतलेः हायःओ त खेःया नाःतो रेव्ओ काम्‌लम् क्‍युम्‍ह्‌ती वाय्‌तोलेः स्‍याव्‌नाः।

प्रकाश 20:6

ओउः ङ्‌हा उह्‌ती च्‍योक्ओलम्‌पाय् छय्‍ङ्‌तोमा चोङाय्‌तोलेः मुनै। ओउःमयः फेरीलेः सीसा परइली परमेस्‍वर्‌कायःमा ख्रीस्‌कायःमा ओउःमयः पुरोहीत् स्‍याव्‌ती ख्रीस्‌कुस् यात् हजार्‌ बर्‌सच्‍युक्‌कायः राजा मुलेःनै।