याकुब् 5:19 - चेपाङ

¹⁹ लौ उया पुःचोङ् हौचोङ्‌य नीङ्‌कःहाङः यात्‌चाक् दोङ् कुरा जाङ्‌ह्‌ती वाह्ओकायः फेलेःनौ त खेःया अरुइ ओउःकायः दोङ् कुरा जाङ्‌ह्‌ती वाह्‌साकायः द्यानःपाःथै।

याकुब् 5:19 ပူးပေါင်းရင်းမြစ်များ

मत्ती 18:15

ओहाङःसैको नाङ्‌कुस् मुओ मान्‍ताइ नाङ्‌कायः पेमालो काम् जाङ्‌ह्‌तेःनाः त खेःया ओउःकःताङ् एकान् आल्‌ती इ कुरा तोकाय्‌तेःनाःज ओउःइ नाङ्इ तोओ ग्‍याती सायःनौ त खेःया ओउः मान्‍तापाय् नाङ्‌कुस् फेरीलेः म्र्याःती मुलेःनाः।

लुका 22:32

नाङ्‌कायः ङाइ परमेस्‍वर्‌कः तेती ‘इ सीमोन्‌कायः पेतोलेः ङ्‌हाम्‌ताक्‌जेःउ दा’ त दाय्‍ह्‌ती तोआलाङः ओहाङःसैको लोने नाङ् ङाकःताङ् ल्‍हुङ् द्यान्‍ह्ओ त खेःओ नाङ्‌कोः साथीलम्‌कायः होम्‌ती ग्रमःत मुताक्उदा” त दाय्‍ह्‌ती येसुइ तोआकान्।

गालाती 6:1

लौ पुःचोङ् हौचोङ्‌य नीङ्‌कःहाङः यात्‌चाक्इ रेव्ओ काम् जाङ्‌ह्ओ अरुइ च्‍यवःनानी त खेःया नीङ् परमेस्‍वर्‌कोः ग्‍वालामःकोः कुरा जाङ्‌ह्‌ती वाह्ओलम्इ ओउःकायः काङ्‌तीलेः गानाक्‌ती पेतो स्‍याव्‌ताक्‌नु दा। एत हायःतोक्‌हाङः नीङ्‌मा रेव्ओ काम्‌हाङः गन्‌तेःचाःताक्‌चाःइसी।

१ तीमोथी 6:10

दोह् हायःती दाय्‍ह्‌सा पैसा क्‍युसा मोह्‌हाय्ओपाय् सबैकोः रेव्ओकोः जादरः लेःआः। यात्‌नीस्‌चाक्‌खेइ ओउःत क्‍युसा बोङःआकानी त झ्‍यान्‍ते पेतो ङ्‌हाम्ओ फेती आन लीह्‌सीःओ स्‍याव्‌ताक्आकायःइसी।

१ तीमोथी 6:21

यात्‌नीस् ओउःत नोःओलम् ख्रीस्‌कायः ङ्‌हाम्ओ फेआकानी। लौ नीङ् सबैकायः परमेस्‍वर्‌इ योनःती योतेःपै।

२ तीमोथी 2:18

दोङ् कुरा फेती “लौ मान्‍ताकोः उह्‌ती च्‍योक्ओ बेलापाय् द्याह् द्युम्‌जेःआ” त दाय्‍ह्‌ती यात्‌नीस्‌चाक्‌कोः ङ्‌हाम्ओ ब्रःताक्‌नानी।

हेब्रैनी 5:2

प्रधान् पुरोहीत्‌पाय् अरु मान्‍तालो लेखालेः जुगाङ् नीङ्‌तो खेःबाय्‌ल ओउःत झ्‍यान्‍ते ओउःइ व्‍हक्‌मालो रेव्‌तो जाङ्‌ह्ओलम्‌कायः काङ्‌तोलेः नोःसा खाय्‌नौ।

याकुब् 1:16

लौ ङाकोः राप्ओ पुःचोङ् हौचोङ्‌य इ कुरा ब्रःमाःत चीःसा खेःतो।

याकुब् 1:19

लौ ङाकोः राप्ओ पुःचोङ् हौचोङ्‌य इ कुरा म्‍हेःतेःचानी। सायःतोक्‌खेहाङः होङ्‌तीलेः सायःउ नोःतोक्‌खेहाङः जोतोलेः नोःउ दा। ल्‍हुङ् मल्‍ह्ओ बेलाहाङः ल्‍हुङ् जोक्‌तोलेः मल्‍ह्‌तेःचनै

याकुब् 3:14

नीङ् लयःकायः मोह्‌हाय्ओ चोरःओ ल्‍हुङ् मुतेःनै त खेःया लयःकोः नेह्‌रो ओर्‌ताक्‌तेःचाःइसी दोङ् कुरा नोःओलम्‌कः माःती तानःती तोलाम्।

याकुब् 5:20

सुसुइ रेव्ओ काम् जाङ्‌ह्ओ मान्‍ताकायः ओउःकोः रेव्ओ काम् फेताक्‌नौ ओउःइ ओउः मान्‍ताकायः सीओसैमा दल्‌ताक्‌मानौ नाःतो रेव्ओ काम्‌लम्‌मा क्‍युम्‍ह्‌ताक्‌तीलेः वाय्‌मानौ।

२ पत्रुस् 3:17

लौ उया ङाइ राप्ओलम्‌य इ कुरा चीःतेःनानी ओउःत झ्‍यान्‍ते धय्‌ती मुन। ओहाङःसैको रेव्ओ काम् जाङ्‌ह्ओलम्इ पेमालो कुरा स्‍यान्‌ती नाङ्‌कायः ब्रःताक्‌सामा दोङ् कुरा ग्रमःतलेः ङ्‌हाम्ओकायः फेताक्‌सामा खाय्‌तेःइली।

यहुदा 1:11

ओउःमयः लोनेः न्‍युम्‍ह्‌तोलेः स्‍याव्‌नै। ओउःमयःपाय् उय्‍ह्‌लेकोः कैन् त तोओलो लेखालेः रेव्‌तो जाङ्‌ह्‌ती वाह्‌नै। पैसा क्‍युसाकायः ओउःमयःइ बालाम्‌लो लेखालेः पेमालो जाङ्‌ह्आकानी फेरी परमेस्‍वर्‌कोः कुरा सायःसा ग्‍यामालो कोराह्‌लो लेखालेः ओउःमयःमा वाय्‌तोलेः स्‍याव्‌नै।