याकुब् 5:12 - चेपाङ

¹² लौ पुःचोङ् हौचोङ्‌य नीङ्इ कुरा तोती गम्ओ बेलाहाङः ल्‍हाव्‍ह्‌दैबाङ्‌कोः मय्‍ङ्‌मा फेल्‌बाङ्‌कोः मय्‍ङ्‌मा दोह् खेःयाकोः मय्‍ङ्‌मा पेह्‌ती कीरीया जेःतेःचानी। नीङ् “माः” त त्‍याङ्‌सा ग्‍यातेःनै त खेःया “माः” तलेः दाय्‍ह्‌ती त्‍याङ्‌न। “खेःल” त त्‍याङ्‌सा त खेःया “खेःल” तलेः त्‍याङ्‌न ओउःच्‍युक् ह तोनु दा उया परमेस्‍वर्‌इ गाल्‌तुम्‌तेःनै।

याकुब् 5:12 ပူးပေါင်းရင်းမြစ်များ

१ कोरीन्‍थी 11:34

यात्‌चाक् योङ्‌क्राय्‌तो मुनाः त खेःया ओउःइपाय् लयःकोः कीम्‌हाङः कोस्‌तो जेःआक्‌पौ ओहाङःसै नीङ् हुम्‌ती वाङ्‌तोक्‌हाङः न्‍युम्‍ह्‌ताक्‌तो थाङ्‌सा काम् जाङ्‌ह्‌तेःनीली। एतलेः तोनेःनाङ्‌स दा ङा लोने वाङ्‌तोक्‌हाङः अरु कुरामा तोनेःनाङ्‌स।

याकुब् 1:16

लौ ङाकोः राप्ओ पुःचोङ् हौचोङ्‌य इ कुरा ब्रःमाःत चीःसा खेःतो।

याकुब् 1:19

लौ ङाकोः राप्ओ पुःचोङ् हौचोङ्‌य इ कुरा म्‍हेःतेःचानी। सायःतोक्‌खेहाङः होङ्‌तीलेः सायःउ नोःतोक्‌खेहाङः जोतोलेः नोःउ दा। ल्‍हुङ् मल्‍ह्ओ बेलाहाङः ल्‍हुङ् जोक्‌तोलेः मल्‍ह्‌तेःचनै

१ पत्रुस् 4:8

दोह् खेःयामा अरुलम्‌कुस् राप्‌काय्‌ती मुन दोह् हायःती दाय्‍ह्‌सा नीङ्इ एतलेः हायःओ त खेःया नाःतो रेव्ओ काम्‌लम् क्‍युम्‍ह्‌ती वाय्‌तोलेः स्‍याव्‌नाः।

३ युहना 1:2

लौ ङाकोः राप्ओ हौय नाङ्‌कायः पेतो ओह्‌हाय्‌ती मुपाः त परमेस्‍वर्‌कः तेती तोनेःनाङ्। नाङ् ल्‍हुङ्‌हाङः “पेतो स्‍याङ्‌नाः” त चीःलेःनेःनाङ्‌स नाङ्‌कोः आङ्‌मा “ओउःतलेः सेलः मुपाः” तमा परमेस्‍वर्‌कः तेती तोनेःनाङ्।