9 नीङ् पेमालो स्याव्तेःआकाय् त झ्यान्ते क्रेस्ती र्याःन। ङीःसा खेःओखेकायः र्याःसालेः ताप्ती मुन चोङाय्तो मुलाम् लीह्तो मुसा स्याव्नाः।
“वाङ्आक्तीको ओउःइ रेव्ओलम्कायः रेन्ह्तोलेः वाय्नाःथास ओहाङःसैको ओउः राङ्पाय् अरुइ मेनःसाकायः बयःती झ्यान्ते ओउःकोः भाक् दोःनाः” त दाय्ह्ती त्याङ्आकाय्।
लीह्ती क्रेस्तो र्याःओलम्मा चोङाय्तोलेः स्याव्नै ओउःमयःकोः लीह्ओ ल्हुङ् लोनेः धोमाय्तो स्यान्नाः।
‘लौ चोः नाङ्खेपाय् ल्हाव्ह्दैबाङ्हाङः मुतोक्हाङः पेपेओ थोक्लम् दोःतेःआ ओउःतोक् बेलाहाङः इ लाजरुस्खेपाय् रेव्तो थोक्लम् ह दोःआ इत नाङ्इ चीःतेःनौ। द्याह्पाय् ओउःखे पेतोलेः स्याव्नाः नाङ्खेपाय् लीह्सीःओ च्यवःतेःनौ।
नीङ् तेन्छ्याङ् योङ्क्राय्ती मुओ मान्तालम्मा चोङाय्तोतेः स्याव्तेःनै दोह् हायःती दाय्ह्सा लोनेः नीङ् धुमुक्त कोस्तेःनै। नीङ् तेन्छ्याङ् र्याःती मुओलम्मा चोङाय्तोतेः स्याव्तेःनै लोनेः नीङ् आसती स्याव्तेःनै।
नीङ् तेन्छ्याङ् तुक् कोस्तो मुओलम्मा लीह्तोतेः स्याव्तेःनै लोनेः नीङ् योङ्क्राय्तीलेः सीतेःनै। नीङ् तेन्छ्याङ् आसतोलेः मुओलम्मा लीह्तोलेः स्याव्तेःनै लोनेः नीङ् आन क्रेस्तीलेः र्याःतेःनै।