याकुब् 4:8 - चेपाङ

⁸ परमेस्‍वर्‌कःताङ् द्याङ्‌तो वाङ्‌न ओहाङःसैको परमेस्‍वर्‌ नीङ्‌कःताङ् वाङ्‌मानाः। लौ नीङ् रेव्‌तो जाङ्‌ह्ओलम् लयःकोः क्रुत् जल्‍ह्‌नीङ्इसी नीङ् ल्‍हुङ् ब्रेस्ओलम् ल्‍हुङ्‌हाङः ग्रमःत मुन।

याकुब् 4:8 ပူးပေါင်းရင်းမြစ်များ

मत्ती 12:33

लौ पेओ सीङःसै पेओ सायःलेः दोःनाः ओउःलो लेखा पेओ मान्‍ताइपाय् पेओ काम्‌मा जाङ्‌ह्‌नौ पेओ कुरामा नोःनौ। पेमालो सीङःसै पेओ सायः दोःल फेरी पेमालो मान्‍ताइ पेओ काम् जाङ्‌ह्‌नीली।

मत्ती 15:2

“लौ नाङ्‌कुस् वाह्ओमयःइ दोह् हायःतीलेः ङीकोः आय्‌कानः तोकानःइ बयःओ छ्यात् जवमाःत क्रुत् आःताः छय्‍ङ्‌ताक्‌ती जेस्आक्‌माःत जेःनानी” त दाय्‍ह्‌ती व्‍हत्‌थातो

मत्ती 27:24

ओहाङःसैको ओउःमयःकायः होम्‌सा खाय्‌माःत झ्‍यान्‍ते “ङाकुस् कायःकाय्‌सा चीङ्‌नै” त चीःती पीलातस् सबैकोः मीक्‌हाङः लयःकोः क्रुत् तीःइ जेस्‌ती “लौ योनु दा इ पेओ मान्‍ताकोः वयःपाय् जेस्‌ती वाय्‌तो ङा छय्‍ङ्‌तोलेः मुनाङः। ओउःकायः सात्‌सा काम्‌पाय् ङाकोः खेःबाय्‌ल नीङ्इ जाङ्‌ह्‌नु दा” त दाय्‍ह्‌ती तोआथास।

खबरदुत 15:9

च्‍यवःआक्‌तीको ओउःमयःकोः रेव्ओ ल्‍हुङ्‌लम् ङीकोः ल्‍हुङ्‌लो लेखालेः परमेस्‍वर्‌इ जय्‌कुमःत स्‍याव्‌ताक्आथास त चीःसा खाय्‌नाङःसु। इतलेः सबै जात्‌कोः मान्‍तालम्‌कायः यात्‌तै जात्‌लो लेखालेः परमेस्‍वर्‌इ योनःती योनाःतय्‍ही।

२ कोरीन्‍थी 7:1

लौ साथीलम्‌य एत तोती गम्ओ कुरा ङीइ चीःती झ्‍यान्‍ते ङीकोः आङ्‌मा वाहीमःमा छय्‍ङ्‌ताक्‌पाःतय्‍ह्‌नी ओहाङःसैको ङी परमेस्‍वर्‌कः एङःती पेतो हायःती वाह्‌पाःतय्‍ही।

१ तीमोथी 2:8

ङ्‌हाम्ओलम् हुम्‌लाङ् वाङ्‌तोक्‌हाङः गोय्‌चोःलम्इ छय्‍ङ्‌तो जीक्‌मालो ल्‍हुङ्इ काय्‌काय्‌मामाःत क्रुत् प्‍योती परमेस्‍वर्‌कायः तेती तोपानी।

हेब्रैनी 10:22

ओउःत झ्‍यान्‍ते ङीकोः ल्‍हुङ्‌तुक्‌कायः ख्रीस्‌कोः वयःइ रेव्ओ वाय्‌ती छय्‍ङ्‌ताक्आक्‌तीकोमा ङीकोः आङ्‌पाय् छय्‍ङ्ओ तीःइ जेस्आक्‌तीकोमा नीङ्ओ ल्‍हुङ् दोःती पेतो ङ्‌हाम्‌ती परमेस्‍वर्‌कःहाङः सोकार्‌तोलेः द्याङ्‌तो आल्इ।

हेब्रैनी 7:19

ओउः मोसाइ बयःओ ऐन्इपाय् दोह्‌कायःमा जुगाङ् पेतो नीङ्‌तो स्‍याव्‌ताक्‌सा खाय्उलु ओहाङःसैको द्याह् ओउः ऐन्‌सै पेओ ल्‍याम् दोःआतय्‍ही। दोःआक्‌तीको ओउः ल्‍याम्इपाय् परमेस्‍वर्‌कःताङ् द्याङ्‌तोलेः दाक्‌नाःतय्‍ही।

याकुब् 1:8

ओउःपाय् ल्‍हुङ् ब्रेस्‌तोलेः मुनाः। गल खेःयामा जुगाङ् ग्रमःत मुसा खाय्उलु।

याकुब् 3:17

ओउः त्‍यावःअसै दोःओ व्‍हाय्‌तो चीःओ ल्‍हुङ्‌पाय् नीङ्ओ लेःआः। ओउःत व्‍हाय्‌तोलेः चीःओ ल्‍हुङ् नाःओ मान्‍तापाय् खह्र्ओ काय्‌काय्ओ मान्‍तापाय् खेःल। ओउःपाय् काङ्ओलेः अरुकुस् ब्राङ्‌ती वाह्ओ लेःआः अरुकायः योनःती योओ मान्‍ता लेःआः बा ओउःइ पेओ काम्‌लम् आन जाङ्‌ह्‌नौ। ताङ्‌ह्ओ मान्‍तामा मीओ मान्‍तामा सुकायःमा घार्‌ताक्‌तीलेः योनौ ओउःइपाय् ब्रेह्‌तो लेइ नोःउलु।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

१ पत्रुस् 3:21

ओउःलो लेखालेः ङीकायःमा तीःहाङः बाप्‍तीस्‍मा त्‍याक्‌ती रेव्ओसै पेङ्‌कलःती दल्‌तो स्‍याव्‌नाःतय्‍ही। बाप्‍तीस्‍मा त्‍याक्ओहाङः तीःइ आङ्‌कोः रयः वाय्‌ती छय्‍ङ्‌ताक्‌साकायः खेःबाय्‌ल “ङी नीङ्ओ ल्‍हुङ्‌तुक् खेःआतय्‍ही” त परमेस्‍वर्‌कायः छ्यानःसाकायः बाप्‍तीस्‍मा त्‍याक्‌नाःतय्‍ह्‌नी।

१ युहना 3:3

ओहाङःसैको सुसुखे ख्रीस्‌लो लेखा स्‍याव्‌सा झाक्‌नै ओउःलेः ख्रीस्‌लो लेखा ओजायःत गम्‌नाःइसी।