याकुब् 3:2 - चेपाङ

² ङीइ सबै आन ब्रःझुङ्‌नाःतय्‍ही। सु मान्‍ताखे गलमा ब्रःतीलेः नोःल ओउःपाय् जुगाङ् नीङ्ओ मान्‍ता लेःआः सबै कुरा ल्‍हुङ् व्‍हाय्‌तोलेः जाङ्‌ह्‌नौ।

याकुब् 3:2 ပူးပေါင်းရင်းမြစ်များ

मत्ती 12:34

अ नीङ् कुयः युक्‌कोः चोःलम् एत रेव्ओ ल्‍हुङ् खेःओलम् पेओ नोःसा जुगाङ् खाय्‌तेःनीली।

मत्ती 12:37

ओउः कुरा पेतोलेः त खेःयाकायः नीङ्‌मा पेलेःतेःनै। खेःल ओउः कुरा रेव्‌तोलेः त खेःया नीङ्‌मा रेव्‌लेःतेःनै त अरुइ चीःसा खाय्‌नानी” त दाय्‍ह्‌ती येसुइ तोआकान्।

रोमी 3:10

इतलेः परमेस्‍वर्‌कोः आखरःहाङः लेखती मुनाः “परमेस्‍वर्‌कोः मीक्‌हाङः पेतो छय्‍ङ्ओ मान्‍तापाय् सुमा नाःल यातैज्‍याङ्‌मा नाःल।

रोमी 7:21

लौ उया एत स्‍याव्‌नाः त चीःआलाङः पेओ काम् जाङ्‌ह्‌सा झाक्‌तोक् बेलाहाङः लौ रेव्ओ ह जाङ्‌ह्‌सा खाय्‌नाङः रैस।

गालाती 3:22

ओउःपाय् खेःल “सबै ल्‍हाव्‍ह्‌दैबाङ्‌कोः मान्‍तालम् रेव्‌तो ल्‍हुङ् नाःनै” त दाय्‍ह्‌ती परमेस्‍वर्‌कोः आखरःहाङः लेखती मुनाः ओउःत झ्‍यान्‍ते परमेस्‍वर्‌इ तोती गम्ओ कुरा ताप्‌ताक्‌साकायः येसु ख्रीस्‌कोः कुरा ङ्‌हाम्‌साकायः ह मान्‍तालम् ओउः रौ जीङः दोःलेःनै।

गालाती 5:17

मान्‍ताकोः ल्‍हुङ्‌हाङः झाक्ओ कुरा थेलेः परमेस्‍वर्‌कोः ग्‍वालामः झाक्ओ कुरा थेलेः इ नीस् कुरापाय् ङ्र्याःचल बीरोत्‌लेः खेःकाय्‌नाःच। ओउःत झ्‍यान्‍ते नीङ् लयः झाक्ओ कुरातेः जाङ्‌ह्‌सा खाय्‌तेःउलु।

कोलसी 1:28

ओउः ख्रीस्‌कोः कुरा ङीइ थोल्‍ह्‌ती तोनाङःसु सबैकायः गानाक्‌ती व्‍हाय्‌तोलेः स्‍यान्‌नाङःसु। ओहाङःसैको सबै मान्‍ताकायः ख्रीस्इ छय्‍ङ्‌ताक्आक्‌तीको ङीइ ओउःमयःकायः परमेस्‍वर्‌कःताङ् दाक्‌सा खाय्‌नाङःसु।

कोलसी 4:12

नीङ्‌कःसै वाङ्ओ एपाफ्रास्इमा नमस्‍ते ल्‍होक्‌तेःनै। ओउःइ ख्रीस्‌कोः काम् आन जाङ्‌ह्‌नौ नीङ्‌कायः परमेस्‍वर्‌कः आन ग्‍याती तेती तोभनाङ् मुलेःनाः। “ओउःमयःइ नाङ् झाक्ओ काम् जाङ्‌ह्‌ती जुगाङ् पेतो ङ्‌हाम्‌ती ल्‍हुङ् चोक्‌तो ग्रमःत मुपनै” त नीङ्‌कायः दाय्‍ह्‌ती परमेस्‍वर्‌कः तेती तोझुङ्‌नौ।

याकुब् 1:26

फेरी सुसुइ “लौ ङापाय् धर्‌मा जाङ्‌ह्ओ मान्‍ता लेःआः ङ” त दाय्‍ह्‌ती ताःनाःइसी बुरु लयःकोः लेइ पेमालो कुरा नोःनौ त खेःया ओउः मान्‍ताइ जुगाङ् चीःनीली ओउःइ जाङ्‌ह्ओ धर्‌मा आह्रे खाल् स्‍याव्‌नाः।

याकुब् 1:4

ओहाङःसैको पेतो ङ्‌हाम्ओ फेमाःत वाह्‌तेःनै त खेःया नीङ् जुगाङ् ल्‍हुङ् नीङ्‌तोमा चोक्‌तो स्‍याव्‌लेःतेःजेःनै दोह्‌मा राह्‌तेःल।

याकुब् 2:10

सुसुइ ऐन्‌कोः यातैज्‍योः हुकुम् ह जाङ्‌ह्उलु ओउःइ सबै ऐन्‌कोः हुकुम्‌लम्‌कः चाप्‌ती क्‍लेत्‌ती वाय्‌लेःनौ

१ पत्रुस् 3:10

ओहाङःसै “सुसु पेतोलेः प्रुह्‌तोलेः स्‍याक्‌सा झाक्‌नै ओउःपाय् पेमालो कुरामा माःओ कुरामा नोःलाम्।

१ पत्रुस् 5:10

ओहाङःसैको नीङ्इ बल लीह्‌सीःओ गोरःआक्‌तीको लोने परमेस्‍वर्‌इ नीङ्‌कायः योनःती योती पेतो ल्‍हुङ् क्रोङ्‌तोलेः ङ्‌हाम्‌तेःताक्‌तेःनै दोह् हायःती दाय्‍ह्‌सा परमेस्‍वर्‌इ नीङ्‌कायः प्रभु येसु ख्रीस्‌कुस् गलकायःमा तोङ्‌ह्‌तोलेः स्‍याव्‌साकायः गोत्‌तेःआकाय्।