याकुब् 3:13 - चेपाङ13 नीङ्कःहाङः व्हाय्तो चीःओ मान्तालम् मुनै त खेःया लौ ओउःमयः पेओ काम्लम् जाङ्ह्ती ल्हुङ् मीतो घ्युम्ती वाह्ती लयःकोः ल्हुङ् व्हाय्तोलेः त छ्यानःपानी। အခန်းကိုကြည့်ပါ။ |
याकुब् 3:13
46 ပူးပေါင်းရင်းမြစ်များ
ओउःत झ्यान्ते ओउःमयः नीङ्कःताङ् पैसा त्याक्लाङ् वाङ्तोक्हाङः नीङ्इ अरुकायः आनलेः राप्तेःनानी त ओउःमयःकायःमा सबै ङ्हाम्ओलम्कायःमा छ्यानःसाकायः साय्क्तोलेः बयःनु दा। फेरी ओउःत हायःतीमा नीङ्कायःपाय् “ओउःमयः जुगाङ् ल्हुङ् साय्क्ओ लेःआः इ” त ङीइ सबैकायः ङाःती तोओ कुरापाय् “दोङ् कुरा लेःआः” तमा द्याह् छ्यानःनु दा।
ओहाङःसैको दोह् खेःयाकायःमा ख्रीस्कोः पेओ समचार् ङ्हाम्ओलम्लो लेखा वाह्न। ओउःत हायःती नाङ्कायः ङाइ क्रुस्नेःनाङ्सया क्रुस्नेःनाङ्सलया “ओउःमयःइ यातैज्याङ् ल्हुङ् ग्रमःत मुती ब्राङ्तोलेः स्याव्ती ओउः पेओ समचार्कोः काम्पाय् त्युस्तीलेः जाङ्ह्नानी” त दाय्ह्ती नीङ्कायः नोःओ सायःपाङः।
“लौ ङाखे ङ्हाम्ओ मान्ता लेःआः ङ नाङ्खे पेओ काम् जाङ्ह्ओ मान्ता लेःतेःआः” त दाय्ह्ती यात्चाक्इ दाय्ह्नाः यादो। नाङ्खेइ पेओ काम् आःताः जाङ्ह्माःत गत हायःती नाङ्इ परमेस्वर्कायः ङ्हाम्ओ छ्यानःसा खाय्तेःचौ र। ङाखेइ पेओ काम् जाङ्ह्धार्ना “परमेस्वर्कायः ङ्हाम्आलाङः” त छ्यानःसा खाय्नाङः।
ओउः त्यावःअसै दोःओ व्हाय्तो चीःओ ल्हुङ्पाय् नीङ्ओ लेःआः। ओउःत व्हाय्तोलेः चीःओ ल्हुङ् नाःओ मान्तापाय् खह्र्ओ काय्काय्ओ मान्तापाय् खेःल। ओउःपाय् काङ्ओलेः अरुकुस् ब्राङ्ती वाह्ओ लेःआः अरुकायः योनःती योओ मान्ता लेःआः बा ओउःइ पेओ काम्लम् आन जाङ्ह्नौ। ताङ्ह्ओ मान्तामा मीओ मान्तामा सुकायःमा घार्ताक्तीलेः योनौ ओउःइपाय् ब्रेह्तो लेइ नोःउलु।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
ကြော်ငြာတွေ