याकुब् 2:6 - चेपाङ

⁶ ओउः खाल्‌कोः मान्‍तालम्‌कायः परमेस्‍वर्‌खेइ पेतोलेः हायःउतो नीङ्‌खेइ ओउःमयःकायः मीतो योती झ्‍यान्‍ते पेमालोतेः हायःतेःनानी बा। फेरी साहुलम्इ नीङ्‌कोः पैसा जेःबत्‌तेःनै माःर। नीङ्‌कायः मुत्‍ध जाङ्‌ह्‌ती न्‍यादेस्‌कःताङ् लात्‌ती आलःतेःनै।

याकुब् 2:6 ပူးပေါင်းရင်းမြစ်များ

युहना 8:49

“खेःल बा। ङापाय् लान्इ ब्रःताक्ओ खेःबाय्‌ङल। ङाखेइ लयःकोः आपाकायः ताङ्‌ह्‌ताक्‌ङोतो नीङ्‌खेइ ङाकायः मीतेःताक्‌तेःनेःनाङ्‌स बा।

खबरदुत 13:50

इ कुरा वार्‌ती लात्‌नीतो ओउः अन्‍तीयोक् सहर्‌हाङः सायःसा ग्‍यामालो यहुदीलम्इ अरु सहर्‌कोः ताङ्‌ह्ओ मान्‍तालम्‌मा मुह्ओ मोमःचोःलम्‌कायःमा फोल्‍यावःती तोती नाःतो पावुल् बर्‌नाबास्‌नीस्‌कायः क्‍योङ्‌ह्‌ती नोःती ओउःनीस्‌कायः आन लीह्‌सीःओ बयःती ओउः जील्‍लासै रुनःआथाच।

खबरदुत 17:6

ओउःत झ्‍यान्‍ते जासोन्‌मा अरु ङ्‌हाम्ओलम्‌कायःमा चुम्‌ती ओउः सहर्‌कोः ताङ्‌ह्ओ मान्‍तालम्‌कःताङ् ह्र्युत्‌ती लात्‌ती आलःआकानी। आलःआक्‌तीको “ङीइ बोङःओ नीस्‌चाक्‌पाय् देस् देस्‌हाङः आल्‌ती अरुलम्‌कायः ब्रःताक्‌ती वाह्आकाच।

खबरदुत 18:12

पावुल्‌पाय् ओहाङः स्‍यान्‌ती मुआ ओहाङःसैको गालीयो त तोओ मान्‍ता आखयाकोः अन्‍चलादीस् स्‍याव्‌तोक्‌हाङः यात्‌नीस् यहुदीलम्इ हुम्‌ती पावुल्इ तोओ कुरा “पेमालो लेःआः” त होम्‌काय्‌ती नोःती ओउःमयःइ पावुल्‌कायः चुम्‌ती ओउः अन्‍चलादीस्‌कःताङ् लात्‌ती वानःआथै।

खबरदुत 8:3

ओउःमयःखेइ स्‍तीफन्‌कायः पाम्‍ह्आथै सावुल् त तोओखेइ येसुकायः ङ्‌हाम्ओमयःकोः कीम् कीम्‌ताङ् पोक्‌ती गोय्‌चोःलम्‌मा मोमःचोःलम्‌कायःमा चुम्‌ती झ्‍याल्‍खानहाङः थुनती ओउःमयःकायः सोय्‍ह्‌ताक्‌सा बोङःआकान्।

१ कोरीन्‍थी 11:22

दोङ्‌सीलेः जेःसा तुङ्‌साकायः नीङ्‌कोः लयःकोः कीम्‌हाङः स्‍याव्‌नाः माःर। नीङ्इपाय् ख्रीस्‌कोः मान्‍तालम् मीतो च्‍यवःती ओउः नाःतो नाःमालोलम्‌कायः रास्‌तेःताक्‌तेःनानी। एत हायःसाकायः ङाइ नीङ्‌कायः लुङ्‌ती तोसा खाय्‌ङल जान्‌तीलेः तोनेःनेःनाङ्‌स बा।

याकुब् 2:3

ओउः साहु मान्‍ताखेकायः योती “लौ इ पेओ थाव्‌हाङः च्‍युङःती मुचाक्अ दै” त दाय्‍ह्‌ती तोतेःचनै त खेःयामा ओउः ह्र्यात्‌खेकायः “लौ ओउःहाङः चीङ्अ उया ङाकोः दोम्‌हाङः च्‍युङःअ” त तोतेःचनै।

याकुब् 5:4

नीङ्इपाय् नीङ्‌कोः लयःकोः राङ्‌हाङः काम् जाङ्‌ह्ओ खेत्‌ल्‍यालम्‌कोः ज्‍याला माःती जेःतेःआकानी। लौ नीङ्इ ओउःमयःकायः पेमालो हायःतेःआकान् त झ्‍यान्‍ते ओउःमयःकोः काय्‍ह्‌य्‍हाव्‌ती नोःओ कुरा सायःनु दा। ओउःमयःकोः कुरापाय् ओउः जुगाङ् ग्‍वम् नाःओ प्रभुइलेः सायःआकान् बा।

याकुब् 5:6

पेओ नीङ्ओ मान्‍तालम्‌कायः गाल्‌तुम्‌ती सात्‌तेःताक्‌तेःआकानी। सात्‌सा बोङःओ बेलाहाङः नीङ्‌कायः ओउः मान्‍तालम्इ दोह्‌मा हायःतेःइली।