याकुब् 2:25 - चेपाङ

²⁵ ओउः बेस्‍या राहाब् त तोओइमा यहुदीलम्‌सै वाङ्ओ देस् कनःती योओ मान्‍तालम्‌कायः ग्‍याती लव्‍ह्‌माआकान् ओउःमयःकायः दल्‌ताक्‌साकायः पेओ ल्‍याम्‌हाङः ल्‍होक्‌माआकान्। ओउःत पेओ काम् जाङ्‌ह्‌माधार्‌नालेः ओउः मोमःचोःमा परमेस्‍वर्‌कोः मीक्‌हाङः पेतो स्‍याव्आ।

याकुब् 2:25 ပူးပေါင်းရင်းမြစ်များ

मत्ती 1:5

नहस्‍योन्‌कोः सल्‍मोन् सल्‍मोन्‌कोः बोआस् बोआस्‌कोः आमा राहाब् त तोओ खेःतो। बोआस्‌कोः गोय्‌चोः ओबेद् ओउःकोः आमा रुथ् त तोओ खेःतो। ओबेद्‌कोः गोय्‌चोः येसे खेःतो येसेकोः गोय्‌चोः दावुद् राजा।

मत्ती 21:31

लौ ओउःनीस् पुःचाःपाय् गाव्‌खे आपाकायः ग्‍याती सायःआकाचु” त दाय्‍ह्‌ती येसुइ ओउः ताङ्‌ह्ओ मान्‍तालम्‌कायः व्‍हत्आकान् “जेथाखे” त दाय्‍ह्‌ती त्‍याङ्आकाय् “दोङ्‌सी दाय्‍ह्‌भनाङ् ओउः पैसा जेःती उथावओलम्‌मा रन्‍दीलम्‌मा नीङ्‌कोः ङ्‌हासै परमेस्‍वर्‌कोः राजीहाङः आल्‌सा दोःनै।

खबरदुत 17:7

द्याह् ओउःनीस् इहाङःमा वाङ्‌ती इ जासोन् त तोओइ ओउःनीस्‌कायः त्‍याक्‌ती लयःकोः कीम् मुसा रोम्आथाच। ‘येसु त तोआ ङीकोः राजा लेःआः’ त दाय्‍ह्‌ती ओउःमयःइ सबै ङीकोः सीजर्‌ राजाकोः हुकुम् सायःनीली” त दाय्‍ह्‌ती ओउः हुम्ओ मान्‍तालम्इ तोआकानी।

हेब्रैनी 11:31

फेरी ओउः रन्‍दी राहाब् त तोओमा परमेस्‍वर्‌कायः ङ्‌हाम्‌ती झ्‍यान्‍ते अरु यरीखोहाङः मुओ ङ्‌हाम्‌मालोलम्‌कायः सात्‌तोक्‌हाङः ओउःकायःपाय् सात्‌थाल दल्‌लेःआ। दोह् हायःती दाय्‍ह्‌सा ओउः कनान् देस् योलाङ् वाङ्ओ इस्राएलीकोः नीस्‌चाक्‌कायः ओउःइ पेतोलेः रोम्आकान्।

याकुब् 2:18

“लौ ङाखे ङ्‌हाम्ओ मान्‍ता लेःआः ङ नाङ्‌खे पेओ काम् जाङ्‌ह्ओ मान्‍ता लेःतेःआः” त दाय्‍ह्‌ती यात्‌चाक्इ दाय्‍ह्‌नाः यादो। नाङ्‌खेइ पेओ काम् आःताः जाङ्‌ह्‌माःत गत हायःती नाङ्इ परमेस्‍वर्‌कायः ङ्‌हाम्ओ छ्यानःसा खाय्‌तेःचौ र। ङाखेइ पेओ काम् जाङ्‌ह्‌धार्‌ना “परमेस्‍वर्‌कायः ङ्‌हाम्आलाङः” त छ्यानःसा खाय्‌नाङः।

याकुब् 2:22

ओउःकोः ङ्‌हाम्ओमा ओउःकोः काम्‌मा ब्रक्‌त ग्राम्‍ह्‌तो खेःतो। काम् आःताः जाङ्‌ह्‌माःत ओउःकोः ङ्‌हाम्ओपाय् पेतो पुत्‌तोलेः स्‍याव्‌सा खाय्‌ल।

याकुब् 2:24

मान्‍ताकोः ङ्‌हाम्ओकायः ह खेःल ओउःइ जाङ्‌ह्ओ कुराकायः परमेस्‍वर्‌कोः मीक्‌हाङः ओउःपाय् पेतो स्‍याव्‌नाः।