याकुब् 2:20 - चेपाङ

²⁰ नाङ्इ चीःतेःउलु बा काम्‌लम् आःताः जाङ्‌ह्‌माःत ङ्‌हाम्‌सापाय् आह्रे लेःआः ओउःत नाङ्‌कायः छ्यानःसा खेःतो यादो।

याकुब् 2:20 ပူးပေါင်းရင်းမြစ်များ

रोमी 1:21

परमेस्‍वर्‌कायः मान्‍तालम्इ तय्‍ह्‌सापाय् तय्‍ह्‌नीतो ओउःकायः ताङ्‌ह्‌ताक्‌सामा ग्‍याइली “च्‍युता” त तोसामा ग्‍याइली। ग्‍यामाःत झ्‍यान्‍ते ओउःमयःकोः ल्‍हुङ्‌तुक्‌कोः कुरा भाङःती वाय्ओ लेःआः बा ओउःमयःकोः ल्‍हुङ्‌पाय् च्‍याक्‌तो स्‍याव्आ।

रोमी 9:20

लौ नाङ्‌पाय् मान्‍ता ह खेःतेःनाः गत हायःतीतेः परमेस्‍वर्‌इ तोओकायः काय्‌काय्‌ती त्‍याङ्‌सा म्‍हर्‌तेःचाः। पोम् जाङ्‌ह्ओ मान्‍ताकायःपाय् पोम्इलेः “लौ दोह् हायःतीतेः ङाकायः एतलेः जाङ्‌ह्‌तेःनाःची” त दाय्‍ह्‌ती तोउलु।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

गालाती 6:3

यात्‌चाक् “लौ ङापाय् ताङ्‌ह्ओचाक् लेःआः ङ” त लयःकायः ताःती म्‍हर्‌तोक्‌हाङः ओउःपाय् ताङ्‌ह्ओ खेःल त खेःया ओउः मान्‍ता आह्रेलेः ताःआकास।

कोलसी 2:8

अरु मान्‍ताकोः माःती तोओ स्‍यान्‌राय् सायःतेःचानी ओउःमयःइ स्‍यान्ओ कुरा आह्रे लेःआः। ओउः कुरापाय् ल्‍हाव्‍ह्‌दैबाङ्‌कोः मान्‍ताइ जवओ द्यव्‌ताकोः कुरा ह ख्रीस्इ बयःओ खेःल।

१ तीमोथी 1:6

एत हायःओसै यात्‌नीस्‌चाक् फेती लयःकोः आह्रे नोःकाय्ओ ह झाक्‌तीलेः वाह्‌नै।

तीतस् 1:10

दोह् हायःती दाय्‍ह्‌सा नाःतो दोङ् सायःसा ग्‍यामालोलम् मुनै। ओउःमयःइ आन आह्रे कुरालेः माःती नोःती अरुलम्‌कायः ब्रःताक्‌नानी। ओउः यहुदीकोः ङ्‌हाम्ओलम्इ “ङीइ जवओ सबैइ हायःसा खेःतो” त दाय्‍ह्‌ती अरुसै न्‍हाङ्‌तोलेः एत हायःनानी।

याकुब् 1:26

फेरी सुसुइ “लौ ङापाय् धर्‌मा जाङ्‌ह्ओ मान्‍ता लेःआः ङ” त दाय्‍ह्‌ती ताःनाःइसी बुरु लयःकोः लेइ पेमालो कुरा नोःनौ त खेःया ओउः मान्‍ताइ जुगाङ् चीःनीली ओउःइ जाङ्‌ह्ओ धर्‌मा आह्रे खाल् स्‍याव्‌नाः।

याकुब् 2:17

ओउःलो लेखालेः मान्‍ताइ ओउःकोः पेओ काम्‌लम् जाङ्‌ह्‌मामाःत परमेस्‍वर्‌कायः ङ्‌हाम्ओ ह त खेःयामा ओउःत हायःओमा लोल आह्रे लेःआः।

याकुब् 2:26

जीङः ज्‍याल्आक्‌तीको मान्‍ताकोः आङ्‌पाय् सीती वाय्ओ म्‍हाङ्‌लेः स्‍याव्‌नाः ओउःतलेः पेओ काम् आःताः जाङ्‌ह्‌माःत मान्‍ताकोः ङ्‌हाम्ओमा वाय्‌तोलेः स्‍याव्‌नाः।