याकुब् 2:18 - चेपाङ

¹⁸ “लौ ङाखे ङ्‌हाम्ओ मान्‍ता लेःआः ङ नाङ्‌खे पेओ काम् जाङ्‌ह्ओ मान्‍ता लेःतेःआः” त दाय्‍ह्‌ती यात्‌चाक्इ दाय्‍ह्‌नाः यादो। नाङ्‌खेइ पेओ काम् आःताः जाङ्‌ह्‌माःत गत हायःती नाङ्इ परमेस्‍वर्‌कायः ङ्‌हाम्ओ छ्यानःसा खाय्‌तेःचौ र। ङाखेइ पेओ काम् जाङ्‌ह्‌धार्‌ना “परमेस्‍वर्‌कायः ङ्‌हाम्आलाङः” त छ्यानःसा खाय्‌नाङः।

याकुब् 2:18 ပူးပေါင်းရင်းမြစ်များ

रोमी 14:23

नाङ्इ ल्‍हुङ् ब्रेह्‌तोलेः जेःनौ तुङ्‌नौ त खेःया ओउःखे पेल न्‍युम्‍ह्‌तोलेः स्‍याव्‌तेःनाः। नाङ्इ पेतो ङ्‌हाम्‌माःत जेःनौ त खेःया परमेस्‍वर्‌इ पेमालो योतेःनाः। दोह् दोह्‌तेः ङ्‌हाम्‌माःत हायःतेःनौ ओउःपाय् पेमालो लेःआः।

रोमी 4:6

उय्‍ह्‌लेकोः दावुद् राजा ओउःतलेः स्‍यान्‌ती तोओ खेःतो। परमेस्‍वर्‌कायः म्रोताक्ओ काम् आःताः जाङ्‌ह्‌माःत सुसुकायः परमेस्‍वर्‌इ पेतो योनाःथास ओउः मान्‍तापाय् आन चोङाय्‌तो लेःआः इ।

रोमी 8:1

लौ येसु ख्रीस्इ ङीकायः दल्आतय्‍ही त झ्‍यान्‍ते ङी ओउःकुस् ब्राङ्‌ती मुओलम्‌कायः द्याह् परमेस्‍वर्‌कःसै गाल्‌तुम्‌ती तोसा दोह्‌मा नाःल।

रोमी 9:19

“परमेस्‍वर्‌इ यात्‌चाक्‌खेकायः योनःतीलेः योनौ अरु यात्‌चाक्‌खेकायः ग्‍यामालो स्‍याव्‌ताक्‌नौ त खेःया ओउःइ गत हायःती मान्‍ताकायः गाल्‌तुम्‌ती तोचौ। सुसुइलो परमेस्‍वर्‌ झाक्ओ कुरा ग्‍यामाःत मुसा खाय्‌चौ” त दाय्‍ह्‌ती यात्‌चाक्इ तोतेःचानाङ्‌स यादो।

१ कोरीन्‍थी 13:2

फेरी सुसुइलो परमेस्‍वर्‌कोः ङ्‌हा छ्यानःआक्‌मालो कुरा सबैलेः जुगाङ् जोतोलेः छ्यानःसा खाय्‌चौ सुसुइलो आन पेतो ङ्‌हाम्‌ती झ्‍यान्‍ते दान्‍दाकायः न्‍हेङःती ल्‍होक्‌सा खाय्‌चौ बुरु अरुलम्‌कायः राप्‌नीली त खेःया ओउःपाय् दोह्‌मा खेःल बा।

२ कोरीन्‍थी 5:17

ओउःत खेःया सुसु ख्रीस्‌कोः मान्‍ता लेःआः ओउःपाय् नया स्‍याव्ओ मान्‍ता खेःलेःनाः। आय् कुरा द्याह् म्‍हीत्‌ती मीह्‌लेःआ लौ सबै कुरा रौलेः खेःनाः बा।

२ कोरीन्‍थी 7:1

लौ साथीलम्‌य एत तोती गम्ओ कुरा ङीइ चीःती झ्‍यान्‍ते ङीकोः आङ्‌मा वाहीमःमा छय्‍ङ्‌ताक्‌पाःतय्‍ह्‌नी ओहाङःसैको ङी परमेस्‍वर्‌कः एङःती पेतो हायःती वाह्‌पाःतय्‍ही।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

१ तीमोथी 1:5

नाङ्इ ओउःमयःकायः तोआक्‌तीको सबैइ परमेस्‍वर्‌कोः कुरा चीःओमा पेतो छय्‍ङ्ओ ल्‍हुङ्‌मा दोःती ख्रीस्‌कायः दोङ्‌सीलेः ङ्‌हाम्‌ती अरुकायः राप्‌पानी इत हायःसाकायः ङाइ ओउःतलेः तोनेःआलाङ्।

तीतस् 2:7

नाङ्इमा गलकायःमा पेओ काम् जाङ्‌ह्‌ती ओउःमयःकायः गत हायःती वाह्‌सा त छ्यानःउसु। स्‍यान्ओ बेलाहाङः दोङ् पेओ व्‍हाय्ओ कुरा स्‍यान्उ।

हेब्रैनी 11:31

फेरी ओउः रन्‍दी राहाब् त तोओमा परमेस्‍वर्‌कायः ङ्‌हाम्‌ती झ्‍यान्‍ते अरु यरीखोहाङः मुओ ङ्‌हाम्‌मालोलम्‌कायः सात्‌तोक्‌हाङः ओउःकायःपाय् सात्‌थाल दल्‌लेःआ। दोह् हायःती दाय्‍ह्‌सा ओउः कनान् देस् योलाङ् वाङ्ओ इस्राएलीकोः नीस्‌चाक्‌कायः ओउःइ पेतोलेः रोम्आकान्।

हेब्रैनी 11:33

ओउःमयःइ ङ्‌हाम्‌ती झ्‍यान्‍ते अरु देस्‌कोः मान्‍तालम्‌कुस् मीन्‍ह्‌काय्‌ती क्‍लीमःआकानी। ओउःमयःइ एतलेः पेतो हायःती परमेस्‍वर्‌इ तोती गम्ओ कुरा दोःआकाय्। जाःकोः म्‍होतोङ्‌कायः उमःताक्‌ती दल्‌तो स्‍याव्‌माआकाय्

हेब्रैनी 11:6

ओहाङःसै मान्‍ताइ आःताः ङ्‌हाम्‌माःत सुइमा परमेस्‍वर्‌कायः म्रोताक्‌सा खाय्‌नीली दोह् हायःती दाय्‍ह्‌सा सुसु परमेस्‍वर्‌कःताङ् द्याङ्‌ती वाङ्‌नै ओउःपाय् ङ्‌हासैलेः “लौ परमेस्‍वर्‌ मुलेःनाः बा” सुसुइ ओउःकायः बोङःलेःनानी ओउःकायः “परमेस्‍वर्‌इ पेतोलेः बयःनाःथास” त दाय्‍ह्‌ती ङ्‌हाम्आक्‌सा खेःतो।

याकुब् 2:14

लौ पुःचोङ् हौचोङ्‌य यातैचाक्इ “लौ ङाइ परमेस्‍वर्‌कायः ङ्‌हाम्‌नाङः” त दाय्‍ह्‌ती नोःचनौ ओउःइ परमेस्‍वर्‌कोः काम्‌पाय् दोह्‌मा जाङ्‌ह्उलु त खेःया ओउःकोः ङ्‌हाम्ओपाय् आह्रे लेःआः ओउः मान्‍ताइपाय् न्‍युम्‍ह्ओसै दल्‌सा खाय्उलु।

याकुब् 3:13

नीङ्‌कःहाङः व्‍हाय्‌तो चीःओ मान्‍तालम् मुनै त खेःया लौ ओउःमयः पेओ काम्‌लम् जाङ्‌ह्‌ती ल्‍हुङ् मीतो घ्‍युम्‌ती वाह्‌ती लयःकोः ल्‍हुङ् व्‍हाय्‌तोलेः त छ्यानःपानी।