याकुब् 1:25 - चेपाङ25 सुसुखेइ परमेस्वर्कोः नीङ्ओ रेव्ओसै दल्ताक्सा नीयम्कोः कुरा म्हेःमामाःत जाङ्ह्धै मुलेःनाः ओउःखेलेः चोङाय्तो स्याव्नाः। အခန်းကိုကြည့်ပါ။ |
याकुब् 1:25
41 ပူးပေါင်းရင်းမြစ်များ
ओहाङःसैको ओउः थनःओ कीम्कोः मीतीङ् खाय्आक्तीको नाःतो यहुदीलम्मा अरु जात्कोः परमेस्वर्कायः झाह्ओलम्इमा पावुल् नीस् साथीचाःकायः गुल्ह्आकानी। गुल्ह्आक्तीको ओउःनीस्इ इ गुल्ह्ओ मान्तालम्कायःपाय् “लौ परमेस्वर्कोः कुरा फेमाःत ङ्हाम्ती ओउःइ बयःओ पेओ जीङः दोःती मुन” त दाय्ह्ती ओउःनीस्इ स्यान्आथास।
परमेस्वर्इ ङाकायः दल्ताक्ती गम्धाङ्आताङः। ओउःत झ्यान्ते तेन्पाय् ङाइ इहाङःकोः मीओ मान्ताकायःमा ताङ्ह्ओ मान्ताकायःमा इ कुरा ल्हाक्ती तोनेःनाङ्स। ‘ओउः परमेस्वर्इ तोती गम्ओ ख्रीस् त तोओ वाङ्ती आन लीह्सीःओ च्यवःआक्तीको सीनाः। सीआक्तीको अरुसै ङ्हालेः रौ जीङः दोःती ओउःपाय् उह्ती च्योक्लेःनाः। ओउः येसुलेः ङ्हा स्यालःसाकायः उह्ती च्योक्आ त झ्यान्ते द्याह् नया समै दाङ्खेःआ त यहुदीलम्इमा अरु जात्कोः मान्तालम्इमा चीःसा खाय्नानी’ त दाय्ह्ती तोनाङःसु। इत तोओलेः मोसाइमा ओउः अरु उय्ह्लेहाङः मुओ परमेस्वर्कोः कुरा छ्यानःओमयःइमा लोन्ह्ते स्याव्सा कुरा चीःती ङ्हालेः स्यान्आकानी। ओउः उय्ह्ले तोओ कुरा तेन्छ्याङ् स्याव्ओ त झ्यान्ते ङाइमा ओउः कुरालेः स्यान्ती तोनाङः” त दाय्ह्तीताङः पावुल्इ तोआथास।
परमेस्वर्पाय् यात्नीस्कायः गुच्युक् काङ्ओ लेःआः अरुकायः आन खह्र्ओ लेःआः त नीङ्इ चीःसा खेःतो। ओउः ङ्हाम्मालो वाय्ओलम्खेकः परमेस्वर् खह्र्ओ लेःआः। योनःती योतोक्हाङःपाय् नीङ्खेकः परमेस्वर् आन काङ्ओलेः मुनाः। ओउःकोः काङ्ती हायःओ नीङ् अह्र्तेःचनै। अह्र्तेःनै त खेःया झाक्तेःइली त खेःया ओउःइ काङ्तो हायःओ फेती नीङ्कायःमा वाय्तोलेः स्याव्ताक्तेःनै।
ओहाङःसैको लाङ्कासै वाङ्ओ हाव्नयः सायःआलाङः “लौ ‘द्याह्हाङःसै सुसु परमेस्वर्कोः काम् जाङ्ह्साकायः सीलेःनाः ओउःपाय् चोङाय्तोलेः स्याव्नै’ त दाय्ह्ती लेखउ दा” त दाय्ह्ती दाय्ह्ओ खेःतो। “माः है आन चोङाय्तोलेः मुनै। ओउःमयःपाय् ओउःमयःइ ह्र्युङ्ती जाङ्ह्ओ काम्लम्सै धोती मुसा खाय्नानी दोह् हायःती दाय्ह्सा ओउःमयःकोः काम् जाङ्ह्झ्याङ्कोः दोःलेःनै” त दाय्ह्ती परमेस्वर्कोः ग्वालामः दाय्ह्आ।
ကြော်ငြာတွေ