याकुब् 1:2 - चेपाङ

² लौ पुःचोङ् हौचोङ्‌य नीङ्इ दोह् दोह् खाल्‌कोः लीह्‌सीःओ च्‍यवःतेःनानी त खेःया ओउः बेलाहाङः “चोङाय्‌तोलेः मुपाङी” त दाय्‍ह्‌ती ताःइसी

याकुब् 1:2 ပူးပေါင်းရင်းမြစ်များ

खबरदुत 5:41

फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।

रोमी 5:3

ओउःत तय्‍ह्ओकायः म्रोनाःतय्‍ही फेरी ङी लीह्‌सीःओ च्‍यवःसाकायःमा म्रोनाःतय्‍ही दोह् हायःती दाय्‍ह्‌सा लीह्‌सीःओ गोरःओ मान्‍तापाय् ग्रमःतलेः स्‍याव्‌नाः

फीलीपी 1:29

नीङ्‌पाय् दोह् हायःती ग्रमःत मुसा खेःतो दाय्‍ह्‌सा नीङ्‌कायःपाय् ङ्‌हाम्‌साकायः झुङ्आले खेःल ख्रीस्‌कायः नीङ्इ लीह्‌सीःओ गोरःसाकायःमा छ्युङ्‌ह्‌तेःइतो।

फीलीपी 2:17

माः रैस नीङ्इ परमेस्‍वर्‌कायः जाङ्‌ह्ओ काम्‌कुस्‌मा ओउःकायः ल्‍हाओ ङ्‌हाम्‌राय्‌कुस्‌मा ङाकोः होती सीओ वयःमा ल्‍हाती बयःसा खेःतो त खेःया ङा चोङाय्‌तीलेः मुनाङः। नीङ्‌कुस् ङा चोङाय्‌तीलेः मुनाङः

फीलीपी 2:18

ओउःतलेः नीङ् ङाकुस् चोङाय्‌तीलेः मुसा खेःतो।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

हेब्रैनी 10:34

झ्‍याल्‍खानहाङः थुनती काओलम्‌कायःमा नीङ्इ लव्‍ह्‌तेःआकानी। नीङ्‌कोः माल्‌ताल्‌लम् लाती आलःओ बेलाहाङः नीङ् चोङाय्‌तोलेः मुधाङ्‌तेःइतो दोह् हायःती दाय्‍ह्‌सा ओउःसै न्‍हाङ्‌तोलेः पेओमा गलमा वाय्‌मालो खाल् “ङीकायः गम्ओलेः मुनाः” त चीःतेःआकानी।

याकुब् 1:12

लीह्‌सीःओ च्‍यवःओ बेलाहाङः सुसु ग्रमःत मुनै ओउःपाय् चोङाय्‌तोलेः स्‍याव्‌नै दोह् हायःती दाय्‍ह्‌सा ओउःकोः हायःझ्‍याङ्‌कायः ओउःपाय् पेओ रौ जीङः दोःलेःनाः। ओउः जीङःपाय् “लौ ङाकायः राप्ओलम्‌कायः बयःनाङःसु” त दाय्‍ह्‌ती परमेस्‍वर्‌इ तोती गम्आकान्।

याकुब् 1:16

लौ ङाकोः राप्ओ पुःचोङ् हौचोङ्‌य इ कुरा ब्रःमाःत चीःसा खेःतो।

याकुब् 1:19

लौ ङाकोः राप्ओ पुःचोङ् हौचोङ्‌य इ कुरा म्‍हेःतेःचानी। सायःतोक्‌खेहाङः होङ्‌तीलेः सायःउ नोःतोक्‌खेहाङः जोतोलेः नोःउ दा। ल्‍हुङ् मल्‍ह्ओ बेलाहाङः ल्‍हुङ् जोक्‌तोलेः मल्‍ह्‌तेःचनै

याकुब् 5:11

ओउःमयःइ आन लीह्‌सीःओ गोरःआकानी ओउःत झ्‍यान्‍ते ओउःमयःकायः परमेस्‍वर्‌इ पेतोलेः हायःनाःथास त दाय्‍ह्‌ती तोनाःतय्‍ह्‌नी। अयुब त तोओइमा लीह्‌सीःओ ग्रमःतलेः गोरःआकान्। ओहाङःसैको ओउःकायः प्रभुइ पेतोलेः बयःआथै ओउःत नीङ्इ चीःतेःनानी। प्रभुइ सबैकायः योनःतीलेः योनौ बा।

२ पत्रुस् 2:9

इ सबैलेः प्रभुइ व्‍हाय्‌तोलेः जाङ्‌ह्‌नौ। ओहाङःसै नोआह्‌कायःमा लोत्‌कायःमा परमेस्‍वर्‌इ दल्‌ताक्आकान् त खेःया अरु पेओ मान्‍तालम्‌खेकायःमा ओउःइ न्‍हाङ्‌तोलेः लीह्‌सीःओसै दल्‌ताक्‌नाःथास। फेरी रेव्ओ काम् जाङ्‌ह्ओलम्‌खेकायः लोने वाङ्‌सा तय्‌छनःती योसा दीन्‌कायः न्‍युम्‍ह्‌ती गम्ओलेः मुनै।

प्रकाश 2:10

फेरी देङी वाङ्‌सा लीह्‌सीःओ बेलाहाङःपाय् रैलाम्। नाङ्‌कायः गुच्‍युक् पेतो ङ्‌हाम्‌तेःनाः त ल्‍हुङ्‌तुक् वेलःती योसाकायः सैतान्इ यात्‌नीस्‌चाक् नाङ्‌कोः मान्‍तालम्‌कायः झ्‍याल्‍खानहाङः थुनताक्‌तेःनै। दस्‌दीन्‌कायः लीह्‌सीःओ च्‍यवःताक्‌तेःनानी इत ङाइ तोनेःनाङ्‌स। ओउः बेलाहाङःमा सात्‌खेःओ बेलाहाङःमा वाङ्‌नाः त खेःया ल्‍हुङ् ग्रमःतलेः मुती ङ्‌हाम्उ दा। ओहाङःसैको नाङ्‌कोः ङ्‌हाम्‌झ्‍याङ्‌कायः ङाइ पेओ रौ जीङः दोःताक्‌नेःनाङ्’