याकुब् 1:17 - चेपाङ

¹⁷ सबै पेओ कुरा त्‍यावःअसै वाङ्‌नाः ओउः फेल्‌बाङ्‌कोः थोङ्ओलम् जाङ्‌ह्ओ परमेस्‍वर्‌इलेः इ सबै बयःनौ। ओउःपाय् गलकायःमा ल्‍हुङ् क्‍लोय्‍क्‌नाःस र जुगु।

याकुब् 1:17 ပူးပေါင်းရင်းမြစ်များ

मत्ती 7:11

खेःल नीङ्इ लयःकोः चोःकायः पेतोलेः बयःतेःनानी बा। ओउःत झ्‍यान्‍ते नीङ् पेओ खेःमालोलम्‌खेइपाय् लयःकोः चोःलम्‌कायः पेतो बयःसा चीःतेःनानी त खेःया दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः न्‍हाङ्‌तीलेः पेतो बयःनौ।

लुका 11:13

ओउःत झ्‍यान्‍ते नीङ् पेओ खेःमालोलम्‌खेइ लयःकोः चोःलम्‌कायः पेतो बयःसा चीःतेःनानी दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः लयःकोः ग्‍वालामः बयःलेःनाःथास।”

युहना 1:9

ओउः दोङ् थोङ्‌ताक्‌सा चाक्‌पाय् ल्‍हाव्‍ह्‌दैबाङ् वाङ्‌ती सबै मान्‍ताकायः थोङ्‌ताक्‌सा चाक् लेःआः बा।

युहना 3:27

“लौ परमेस्‍वर्‌इ आःताः बयःमाःत मान्‍तापाय् दोह्‌मा दोःइली।

युहना 3:3

“दोङ्‌सी दाय्‍ह्‌भनाङ् रौ जीङः दोःमाःत परमेस्‍वर्‌कोः राजी च्‍यवःसा सुइमा खाय्‌नीली” त दाय्‍ह्‌ती येसुइ तोथातो

युहना 8:12

ओहाङःसैको येसुइ फेरी मन्‍दीर्‌हाङः हुम्ओ मान्‍तालम्‌कायः स्‍यान्‌ती तोआथास “लौ इ ल्‍हाव्‍ह्‌दैबाङ् थोङ्‌ताक्ओपाय् ङा लेःआः बा। सुसु ङाकुस् वाह्‌नै ओउःलेः च्‍याक्ओहाङः गलमा वाह्इली थोङ्ओहाङः रौ जीङः दोःती वाह्‌नै” त दाय्‍ह्‌ती येसु दाय्‍ह्आ।

खबरदुत 11:18

ओहाङःसैको इ कुरा सायःआक्‌तीको ओउःमयःइ पत्रुस्‌कायः जान्ओ फेती परमेस्‍वर्‌कायः लुङ्‌ती तोआकानी “लौ इत हायःती अरु अरु जात्‌कोः मान्‍तालम्इ रेव्‌तो हायःओ फेनानी त खेःया परमेस्‍वर्‌इ ओउःमयःकायःमा गलमा द्योक्‌मालो जीङः दोःताक्आथास” त दाय्‍ह्‌ती परमेस्‍वर्‌कायः झाह्‌ती तोआकानी।

खबरदुत 5:31

च्‍योक्‌ताक्आक्‌तीको ओउःकायः लयःकोः ङोय्‌दोहाङः च्‍युङःताक्‌ती सबै स्‍यालःसाकायःमा दल्‌ताक्‌साकायःमा ओउः येसुलेः जाङ्‌ह्‌ती गम्आकान्। ओउःत झ्‍यान्‍ते इस्राएल्‌कोः मान्‍तालम् लयःकोः रेव्ओ काम्‌लम् फेती परमेस्‍वर्‌कोः कुराकः ल्‍हुङ् द्यान्‍ह्‌ती ग्‍याती ओउःमयःकोः रेव्‌झ्‍याङ्‌कोः क्‍युम्‍ह्‌सा दोःनै।

रोमी 6:23

माः रैस रेव्ओ काम्‌कोः जाङ्‌ह्‌झ्‍याङ्‌खेकोः मान्‍ता सीतो स्‍याव्‌सा लेःआः ङीकायः परमेस्‍वर्‌इ सोह् बयःओखे ङीकोः प्रभु येसुकुस् मुओ गलमा द्योक्‌मालो जीङः लेःआः बा।

१ कोरीन्‍थी 4:7

नीङ्‌पाय् अरुसै ताङ्‌ह्ओलेः सुइलो जाङ्‌ह्‌तेःआकाय् र। नीङ्‌कोः नाःओ कुरापाय् परमेस्‍वर्‌इ सबै बयःतेःआकाय् माःर। ओउःइ बयःओ त खेःया दोह् हायःतीतेः लयःकोः नेह्‌रो ओर्‌तेःताक्‌तेःनानी। लयः क्रुत्इ दोःओलो लेखा नीङ्‌पाय् ताङ्‌ह्‌ताक्‌तेःनाःइसी ओउःत हायःसा स्‍याव्‌ल बा।

२ कोरीन्‍थी 4:6

परमेस्‍वर्‌इलेः “लौ च्‍याक्ओहाङः थोङ्‌तो स्‍याव्‌पाः” त दाय्‍ह्‌ती तोओआः बा ओउः परमेस्‍वर्‌इपाय् ङीकोः ल्‍हुङ्‌मा थोङ्‌ताक्आताङी। ओहाङःसैको ओउः थोङ्ओपाय् येसु ख्रीस्‌कोः खेन्‌सै वाङ्‌ती परमेस्‍वर्‌ गुच्‍युक् पेओमा ताङ्‌ह्ओमा त चीःताक्‌नाःताङी।

एफेसस् 1:18

ओहाङःसैको ल्‍हुङ् पेतो व्‍हाय्‌तो स्‍याव्आक्‌तीको परमेस्‍वर्‌कायः पेतो तय्‍ह्‌ती झ्‍यान्‍ते “लोनेः दोह् दोह् पेओ कुरालम् त्‍याक्‌लाङ् वाङ्‌साकायः ओउःइ गोत्आतय्‍ही” त चीःतीलेः नीङ्इ आसती ल्‍युङ्‌ह्‌सा खाय्‌तेःनानी। “ङी ओउःच्‍युक् पेओ दोःनाःतय्‍ही” त चीःसामा

एफेसस् 2:8

नीङ् ख्रीस्‌कोः कुरा ङ्‌हाम्ओलम्‌पाय् परमेस्‍वर्‌इ योनःती योती दल्‌तेःताक्‌तेःआकाय् ओउःत हायःओपाय् नीङ्इ जाङ्‌ह्ओ काम् खेःल परमेस्‍वर्‌इ लयः जाङ्‌ह्ओआः बा।

फीलीपी 1:29

नीङ्‌पाय् दोह् हायःती ग्रमःत मुसा खेःतो दाय्‍ह्‌सा नीङ्‌कायःपाय् ङ्‌हाम्‌साकायः झुङ्आले खेःल ख्रीस्‌कायः नीङ्इ लीह्‌सीःओ गोरःसाकायःमा छ्युङ्‌ह्‌तेःइतो।

१ तीमोथी 6:16

ओउःपाय् झुङ्आले गलकायःमा मुआ गलकायःमा मुलेःनाः ओउःच्‍युक् आङ्‌ग थाङ्‌ग त थोङ्ओहाङः मुती झ्‍यान्‍ते सुइमा ओउःकःताङ् वाङ्‌सा खाय्‌नीली। ओउःकायःपाय् सुइमा च्‍यवःआक्‌नीली सुइमा च्‍यवःसा खाय्‌नीली। ओउःपाय् जुगुलाङःहाङः एङःतोमा ग्‍वम् नाःओ स्‍याव्‌पाः माः ओउःतलेः स्‍याव्‌पाः।

हेब्रैनी 13:8

“येसु ख्रीस्‌पाय् योह्‌मा तेन्‌मा स्‍याङ्‌ह्‌मा गलमा यातैज्‍योःलेः मुलेःनाः बा”

याकुब् 1:5

नीङ्‌कःहाङः यात्‌चाक् ल्‍हुङ् व्‍हाय्‌मालो मुनाः त खेःया ओउःपाय् परमेस्‍वर्‌कः तेती तोसा खेःतो। परमेस्‍वर्‌इ आय्‍ह्ओ खह्र्मालो ल्‍हुङ्इ सबैकायः बयःनौ ओउःत झ्‍यान्‍ते ओउः तेती तोओ कुरामा ओउःइ बयःलेःनौ।

याकुब् 3:15

ओउः माःती तानःकाय्ओ खाल्‌कोः चीःसा कुरा लाङ्‌कासै दोःओ खेःबाय्‌ल ओउःपाय् ल्‍हाव्‍ह्‌दैबाङ्‌कोः लेःआः। परमेस्‍वर्‌कःसै खेःल सैतान्‌सै दोःओआः बा।

याकुब् 3:17

ओउः त्‍यावःअसै दोःओ व्‍हाय्‌तो चीःओ ल्‍हुङ्‌पाय् नीङ्ओ लेःआः। ओउःत व्‍हाय्‌तोलेः चीःओ ल्‍हुङ् नाःओ मान्‍तापाय् खह्र्ओ काय्‌काय्ओ मान्‍तापाय् खेःल। ओउःपाय् काङ्ओलेः अरुकुस् ब्राङ्‌ती वाह्ओ लेःआः अरुकायः योनःती योओ मान्‍ता लेःआः बा ओउःइ पेओ काम्‌लम् आन जाङ्‌ह्‌नौ। ताङ्‌ह्ओ मान्‍तामा मीओ मान्‍तामा सुकायःमा घार्‌ताक्‌तीलेः योनौ ओउःइपाय् ब्रेह्‌तो लेइ नोःउलु।

१ युहना 1:5

“लौ परमेस्‍वर्‌ छय्‍ङ्‌तो लेःआः बा। ओउःइपाय् रेव्ओ च्‍याक्ओ काम् दोह्‌मा जाङ्‌ह्उलु” त दाय्‍ह्ओ ङाइ ओउःकःसै सायःआक्‌तीको छ्यानःनेःनाङ्‌स।

१ युहना 4:10

माः रैस इपाय् दोङ् राप्ओ लेःआः। ङीखेइ ओउःकायः राप्ओ खेःल ङीइ ओउःकायः राप्‌धाङ्‌माखाहाङः ओउःखेइ ङीकोः रेव्‌झ्‍याङ्‌कोः क्‍युम्‍ह्‌ती वाय्‌साकायः लयःकोः चोःपाय् आङ् ल्‍हाङःती बयःसा थेङा ल्‍होक्आतय्‍ही।

प्रकाश 21:23

ओउः सहर्‌कायःपाय् न्‍याम् थोङ्ओमा लाह् हवःओमा जुगाङ् परल दोह् हायःती दाय्‍ह्‌सा परमेस्‍वर्‌इपाय् अङ्‌ग थङ्‌ग त मुती ओउः सहर्‌कायः थोङ्‌ताक्‌नौ। ओउः भेदाकोः चोःमा ओउः सहर्‌कोः बत्तीलो लेखा मुनाः।

प्रकाश 22:5

ओउः सहर्‌हाङः याह्‌दीङ्‌पाय् गलमा दाह्‌ल बत्ती थोङ्ओमा न्‍याम् थोङ्ओमा जुगाङ् परल दोह् हायःती दाय्‍ह्‌सा प्रभु परमेस्‍वर्‌इ ओउःहाङः मुओलम्‌कायः थोङ्‌ताक्‌नाःथास। ओउःमयःपाय् गलकायःमा राजालो लेखा मुलेःनाः।