हेब्रैनी 9:24 - चेपाङ24 ख्रीस्पाय् ओउः लाङ्कासै तेःती मान्ताइ जाङ्ह्ओ नीङ्ओ थाव्खेहाङः पोक्ल ओउःपाय् दोङ् लाङ्काहाङः आल्आ। ओहाङः ख्रीस्पाय् ङीकोः होन्त द्याह् परमेस्वर्कोः मीक्हाङः मुलेःनाः। အခန်းကိုကြည့်ပါ။ |
हेब्रैनी 9:24
32 ပူးပေါင်းရင်းမြစ်များ
तेन्छ्याङ् इ येसु ख्रीस् लाङ्काताङ् आल्ती द्याह् मुधाङ्सा खेःतो। येसु लाङ्काहाङः मुती गल खेःयाकायःमा इ ल्हाव्ह्दैबाङ्कोः ह्र्योङःसा खेःओ दीन् पुत्चाः ओउःनम् दीन्हाङःलेः येसु सबै ल्हाव्ह्दैबाङ् फेरी पेतो जाङ्ह्साकायः द्यान्ह्तीलेः वाङ्आनाः। इ लोन्दोहाङः स्याव्सा कुरा परमेस्वर्कोः कुरा छ्यानःओमयःइ उय्ह्लेहाङःसै तोलेःआकानी।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
ङीकायः स्यालःओ येसुकायः जुःतीलेः योनी। ङीइ ङ्हाम्ओकायः येसुइ स्यालःमानाःतय्ही ताप्माताक्नाःतय्ही। ओउःपाय् “लोने पेओ चोङाय्ओ बेला वाङ्नाः” त म्हर्ती ओउः क्ल्याय्ओ सीङःहाङः आन लीह्सीःओ गोरःती लयःकायः दोह्तमा म्हर्माःत अरुकोः मीक्हाङः “मीतो स्याव्पाङः” त म्हर्ती सीलेःआ। द्याह् ओउःपाय् परमेस्वर्कोः गुल्ह्दाङ् स्याव्ती ओउःकोः ङोय्दोसै राजा च्युङःसा थाव्हाङः मुलेःनाः।
ओउः पुरोहीत्लम्इ ल्हाव्ह्दैबाङ्हाङः मुओ मन्दीर् कीम्कोः दुङ्हाङः ल्हासा काम् जाङ्ह्नानी। ओउःमयःकोः काम्मा लाङ्काकोः काम् तेःनाः ओउःमयःकोः मन्दीर्मा लाङ्काकोः मन्दीर्कोः क्वालाङःलो लेखालेः मुओ लेःआः। मोसाइ ओउः लात्सा खाय्ओ मन्दीर् जाङ्ह्तोक् बेलाहाङः परमेस्वर्इ इतलेः गानाक्ती तोआथै “लौ इ मन्दीर्पाय् नाङ्कायः स्यालुङ्हाङः छ्यानःओ मन्दीर्कोः रुप्कुस् घार्ती जाङ्ह्उ दा” त दाय्ह्ती परमेस्वर्इ तोआथै।
ओहाङःसैको यात्चाक् अरु ल्होक्ओमयः सुन्कोः धुप् लात्सा तेव्केरा लात्ती ओउः बेदीताङ् वाङ्आक्तीको ओहाङः चीङ्ती मुओ खेःइतो। ओउः बेदीकोः सुन्कोः खात्पाय् ओउः राजा च्युङःसा थाव्कोः खोस्हाङः मुओ खेःतो। ओहाङःपाय् परमेस्वर्कायः ङ्हाम्ओलम्इ तेती तोओ कुरालेः परमेस्वर्कायः ल्हाओ खेःतो। ओहाङःसैको ओउःमयःकोः तेती तोओ कुरा पाःती ल्हासाकायः ओउः ल्होक्ओमयःकायः नाःतो धुप् उलःती बयःओ खेःतो।
ကြော်ငြာတွေ