लौ इ परमेस्वर्इ लयःकोः छ्यानःओ मान्तालम्कायः तोती गम्ओ कुरामा नीङ्कायःलेः स्याव्आनाः। ओहाङःसैको परमेस्वर्इ नीङ्कोः आय्कानः तोकानःलम्कायः तोती गम्ओ कुरामा नीङ्कायः स्याव्लेःनाः ‘लौ नीङ्कोः प्लोमःदानेलम्कःसै सबै ल्हाव्ह्दैबाङ्कोः मान्तालम्कायः ङाकोः आसीक् दोःनाः’ त दाय्ह्ती नीङ्कोः आब्राहाम् त तोओ तोकानःकायः परमेस्वर्इ कुरा तोती गम्आकान्।
हेब्रैनी 7:6 - चेपाङ6 ओउः पुरोहीत् मेल्कीसेदेक्पाय् लेवीसै ग्ल्युङ्ह्ओ खेःआक्ल बुरु परमेस्वर्इ तोती गम्ओ आब्राहाम्सै ओउःइ यात् भाक् त्याक्सा दोःओजेःआः। फेरी आब्राहाम्कायः आसीक् बयःमाआकान्। အခန်းကိုကြည့်ပါ။ |
हेब्रैनी 7:6
16 ပူးပေါင်းရင်းမြစ်များ
ओउःमयःकायः परमेस्वर्इ छीङ्ह्ओ इस्राएल्कोः प्लोमःदाने मोमःदानेलेः खेःनै। ओउःमयःकायः परमेस्वर्इ लयःकोः चोःलम्लो लेखा जाङ्ह्ती लयःकोः पेओ ताङ्ह्ओ ग्वम् छ्यानःआथास। ओउःमयःकुस् परमेस्वर्इ होम्काय्ओ कुरा गम्ती ओउःकोः ऐन्मा बयःआथास मन्दीर्हाङः जवती जाङ्ह्सा कुरामा तोती गम्ओ कुरामा बयःआथास।
ओउःलो लेखालेः परमेस्वर्पाय् आब्राहाम्कुस्मा ओउःकोः प्लोमःदानेकुस्मा कुरा त्योम्काय्तीलेः गम्आकानी। ओउः त्योम्काय्ओ कुरापाय् “यात्ज्याङ् प्लोमःदानेकुस् तोतो गम्ओआः” ओउःत आखरःहाङः लेखती मुनाः नाःतो प्लोमःदानेकुस् तोती गम्ओ खेःल। फेरी ओउः यात्ज्याङ् प्लोमःदानेपाय् सुखेलो दाय्ह्सा ओउःपाय् ख्रीस् लेःआः बा।
ओउः ङाइ मेस् तोओ मान्तालम्पाय् परमेस्वर्इ तोती गम्ओ कुरा सबैइ पेतोलेः ङ्हाम्आकानी। ङ्हाम्सापाय् ङ्हाम्नीतो ओउः कुरापाय् “लोने वाङ्सा मान्तालम्खे दोःलेःनै ङी ल्हाव्ह्दैबाङ्हाङः यात् चीच्योक्कायः ब्याह्ती वाह्ओमयःखेइ ओउः कुरापाय् लयः दोःमाःत सीनाङी लोक्तोसै ह च्यवःनाङःसु” त म्रोतोलेः दाय्ह्आकाय्।
ကြော်ငြာတွေ