हेब्रैनी 7:3 - चेपाङ

³ परमेस्‍वर्‌कोः आखरःहाङः मेल्‌कीसेदेक्‌पाय् आमा आपामा होह्र्मा नाःमालो मान्‍ता खेःतो। आखरःहाङःमा ओउःकोः सीओ दीन्‌मा दोःओ दीन्‌मा दोह् कुरामा लेखल परमेस्‍वर्‌कोः चोःलो लेखालेः ओउःपाय् गलकायःमा पुरोहीत् मुलेःनाः।

हेब्रैनी 7:3 ပူးပေါင်းရင်းမြစ်များ

मत्ती 4:3

ओउःत योङ्‌क्राय्‌तोक्‌हाङः ओउः सैतान् लान्‌पाय् थ्‍योन्‍ह्‌ती योलाङ् वाङ्‌ती “लौ नाङ् दोङ्‌सीलेः परमेस्‍वर्‌कोः चोःलेःतेः खेःतेःनाः त खेःया इ बाङ्‌कायः ‘लौ लाङ् थाङ्‌ती स्‍याव्अ’ त दाय्‍ह्‌ती तोउ दा” त दाय्‍ह्‌ती येसुकायः तोथातो

हेब्रैनी 4:14

ओउःत खेःओ ङीइ थोल्‍ह्‌ती तोओ कुरापाय् पेतो ग्रमःत मुती ङ्‌हाम्‌पानाःतय्‍ही दोह् हायःती दाय्‍ह्‌सा लाङ्‌काताङ् ज्‍योय्‌ती दाह्ओ परमेस्‍वर्‌कोः चोः येसुपाय् ङीकायः आन ताङ्‌ह्ओ प्रधान् पुरोहीत् मुलेःनाः।

हेब्रैनी 7:1

ङ मेल्‌कीसेदेक् त तोओपाय् सालेम् सहर्‌कोः राजामा खेःतो सबैसै ताङ्‌ह्ओ ग्‍वम् नाःओ परमेस्‍वर्‌कोः पुरोहीत्‌मा खेःमाःतो। ओहाङःसैको अरु राजालम्‌कायः क्‍लीमःती सात्‌ती वाय्आक्‌तीको आब्राहाम् पाय्‍ह्‌ती वाङ्ओ खेःतो। पाय्‍ह्‌ती वाङ्‌तोक्‌हाङः मेल्‌कीसेदेक्इ ओउःकायः क्रुस्‌ती आसीक् बयःआथै।

हेब्रैनी 7:17

ओउःकायःपाय् “मेल्‌कीसेदेक्‌कोः खाल्‌लो लेखालेः नाङ् गलकायःमा पुरोहीत् स्‍याव्‌लेःतेःनाः बा” त दाय्‍ह्‌ती दाय्‍ह्ओ आखरःहाङः लेखती मुनाः।

हेब्रैनी 7:2

ओहाङःसैको आब्राहाम्इ सबै राजासै ल्‍हाओ थोक्‌लम्‌कोः दस् फाक् जाङ्‌ह्आक्‌तीको यातै फाक् मेल्‌कीसेदेक्‌कायः बयःआकान्। मेल्‌कीसेदेक् त तोओकोः मय्‍ङ्‌कोः माने “नीङ्ओकोः राजालेः” ओहाङःसै ओउःपाय् सालेम्‌कोः राजालेः खेःतो। सालेम्‌कोः राजा त तोओकोः माने “गोय्‌खामःओकोः राजालेः”

हेब्रैनी 7:6

ओउः पुरोहीत् मेल्‌कीसेदेक्‌पाय् लेवीसै ग्‍ल्‍युङ्‌ह्ओ खेःआक्‌ल बुरु परमेस्‍वर्‌इ तोती गम्ओ आब्राहाम्‌सै ओउःइ यात् भाक् त्‍याक्‌सा दोःओजेःआः। फेरी आब्राहाम्‌कायः आसीक् बयःमाआकान्।