हेब्रैनी 7:25 - चेपाङ25 द्याह्मा लोनेःमा गलकायःमा ओउःकायः ङ्हाम्ती परमेस्वर्कःताङ् वाङ्ह्ओलम्कायः ओउःइ पेतोलेः दल्ताक्सा खाय्नौ दोह् हायःती दाय्ह्सा ओउःमयःकायः परमेस्वर्कःताङ् तेती तोसाकायः येसुपाय् गलकायःमा मुलेःनाः। အခန်းကိုကြည့်ပါ။ |
हेब्रैनी 7:25
44 ပူးပေါင်းရင်းမြစ်များ
येसु ख्रीस्इ ल्हुङ् ब्राङ्काय्ताक्आतय्ही ओउःइपाय् ङी ङ्हाम्ओलम्कायः परमेस्वर्कःताङ् वानःआतय्ही ओहाङःसैको परमेस्वर्इ ङीकायः योनःती योती लयःकुस् पेतोलेः वाह्ताक्आतय्ही। फेरी “ङी परमेस्वर्कुस् लोने पेतो ताङ्ह्तोलेः स्याव्नाःतय्ही” त ल्हुङ्हाङः तय्ह्ती झ्यान्ते आन म्रोनाःतय्ही।
लयःकोः म्हुक्ओ ल्हुङ्इ ह मान्ताइ परमेस्वर्कायः तय्ह्सा खाय्नीली दोह् हायःती दाय्ह्सा परमेस्वर् पेतो चीःती लयः झाक्ती झ्यान्ते दोह् थोल्ह्ती कुरालो ङ्हाम्सा ग्यामालोलम्खेइ “भ्यामःती नोःओ” त तोनानी ओउः कुराकायःलेः ग्याती ङ्हाम्आक्तीको ओउः ङ्हाम्ओ मान्तालम्खे दल्तो स्याव्नै।
ओउःत हायःती झ्यान्ते ङा द्याह् लीह्सीःओ गोरःतीलेः मुनाङः। लीह्सीःओ गोरःसापाय् गोरःलेःङोतो बुरु ङा ल्हुङ् घ्युम्तो स्याव्ङल दोह् हायःती दाय्ह्सा ङाइ ङ्हाम्ओचाक्पाय् “सुलो” त ङाइ पेतोलेः तय्ह्नाङः। दोह् दोह् ङाइ ओउःकुस् गम्आलाङः ओउःलेः ओउः लोनेः वाङ्नम् दीन्च्युक्कायः ओउःइ लयःकुस् पेतोलेः ओम्पायःती गम्बत्नाःताङः ओउःत ङाइ पेतो चीःती र्याङःमामाःत मुनाङः।
मान्ताकोः जात्खे एत खेःधाङ्ल येसुखे एत हुकुम् बयःसा राजा स्याव्ओलेः च्यवःनाःतय्ह्नी। ङ्हालेः येसुपाय् लाङ्काकोः ल्होक्ओमयःसै बल मीतो स्याव्तो ओहाङःसै परमेस्वर्इ मान्तालम्कायः योनःती योती झ्यान्ते येसु ओउःमयःकायः दल्ताक्साकायः ल्हाङःती सीलेःआ। ओउः सीआ त खेःओ द्याह् ओउःपाय् राजालो लेखालेः आन पेतो ताङ्ह्तोलेः स्याव्ओ त च्यवःनाःतय्ह्नी।
ကြော်ငြာတွေ