हेब्रैनी 7:19 - चेपाङ19 ओउः मोसाइ बयःओ ऐन्इपाय् दोह्कायःमा जुगाङ् पेतो नीङ्तो स्याव्ताक्सा खाय्उलु ओहाङःसैको द्याह् ओउः ऐन्सै पेओ ल्याम् दोःआतय्ही। दोःआक्तीको ओउः ल्याम्इपाय् परमेस्वर्कःताङ् द्याङ्तोलेः दाक्नाःतय्ही। အခန်းကိုကြည့်ပါ။ |
हेब्रैनी 7:19
29 ပူးပေါင်းရင်းမြစ်များ
येसु ख्रीस्इ ल्हुङ् ब्राङ्काय्ताक्आतय्ही ओउःइपाय् ङी ङ्हाम्ओलम्कायः परमेस्वर्कःताङ् वानःआतय्ही ओहाङःसैको परमेस्वर्इ ङीकायः योनःती योती लयःकुस् पेतोलेः वाह्ताक्आतय्ही। फेरी “ङी परमेस्वर्कुस् लोने पेतो ताङ्ह्तोलेः स्याव्नाःतय्ही” त ल्हुङ्हाङः तय्ह्ती झ्यान्ते आन म्रोनाःतय्ही।
ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
ओउःतलेः खेःनाःतय्ही ऐन्कोः कुरा जाङ्ह्ती परमेस्वर्कोः मीक्हाङः सुइमा जुगाङ् पेतोलेः स्याव्सा खाय्तय्ह्नीली। येसु ख्रीस्कोः कुरा ङ्हाम्आक्तीको ह पेतो छय्ङ्तोलेः स्याव्नाःतय्ही। एत चीःती ङी यहुदीलम्इमा परमेस्वर्कोः मीक्हाङः पेतो स्याव्साकायः येसु ख्रीस्कोः कुरा ङ्हाम्नाःतय्ह्नी ऐन्कोः कुरा जाङ्ह्तय्ह्नीली दोह् हायःती दाय्ह्सा ऐन्कोः कुरा जाङ्ह्ती परमेस्वर्कोः मीक्हाङः सुमा पेतो स्याव्इली।
फेरी ओउः ङ्हाम्ओलम्कायः छ्यान्ह्सा कुरा आन पेओमा ताङ्ह्ओ लेःआः एत परमेस्वर्इ सबै जात्कोः मान्तालम्कायः छ्यान्ह्आथास। ओहाङःसै ओउः छ्यान्ह्राय्पाय् इलेःआः। नीङ्कःहाङः ख्रीस् मुलेःनाः ओउःत झ्यान्ते लोनेः गुच्युक् पेओतेः स्याव्तेःनै त चीःती नीङ्इ आसती ल्युङ्ह्ती मुसा खाय्तेःनानी।
हेब्रैनीलम्कोः ऐन्कोः कुरापाय् ओउः लोनेः वाङ्सा दोङ् कुरा खेःल। ओउःपाय् लोनेः वाङ्सा कुराकोः क्वालाङः ह। ऐन्कोः कुरा जवओलम्इ साल् साल्हाङः यातैज्योः खाल्कोः थोक्पाय् ज्युङ्ह्ती ज्युङ्ह्ती ल्हानानी। ओउःपाय् साल् साल्कायः ल्हासा खेःतो ओउःत खेःया ओउः खाल्कोः ल्हाधार्नापाय् परमेस्वर्कःताङ् वाङ्सा मान्तालम्कोः ल्हुङ्तुक् जुगाङ् पेताक्सा खाय्उलु।
एतलेः तोतीमा कीरीया जेःतीमा परमेस्वर्इ नीस्ज्योः जुगाङ् क्लोय्क्सा खाय्मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्यान्ते “ङी परमेस्वर्कःताङ् दल्साकायः वाङ्ओलम् ओउःकोः तोती गम्ओ कुरा दोःनाःतय्ही” त दाय्ह्ती चीःती ल्हुङ् धोमाय्तो स्याव्नाःतय्ही।
हेब्रैनीलम्पाय् लेवीत तोओ पुरोहीत्लम् मुओ बेलाहाङः ऐन् दोःआकाय्। ओउः लेवीकोः खाल्कोः पुरोहीत्लम्इपाय् परमेस्वर्कोः काम् जुगाङ् केह्तोलेः जाङ्ह्सा खाय्ओ खेःतो त खेःया अरु थे मेल्कीसेदेक् खाल्कोः पुरोहीत् थाती वाङ्सा परआक्ल बा। ओउः थे खाल्कोः पुरोहीत्पाय् लेवीकोः प्लोमःदाने हारन्त तोओसै ग्ल्युङ्ह्ओ खेःआक्इली ओउःपाय् मेल्कीसेदेक्कोः खाल्लेः।
ကြော်ငြာတွေ