हेब्रैनी 6:8 - चेपाङ

⁸ गाव्‌खे साःइ बन्‌मा घ्र्यान्‍ह् ह दुङ्‌ताक्‌नौ ओउःपाय् मल्‍ह्ओ साः लेःआः ओउःकायः परमेस्‍वर्‌इ प्रनःनौ यादो लोने म्‍हेःइ झ्‍योम्‍ह्‌ती वाय्‌ताक्‌नौ।

हेब्रैनी 6:8 ပူးပေါင်းရင်းမြစ်များ

मत्ती 25:41

ओहाङःसैको पेओलम्‌कः त्‍याङ्आक्‌तीको ओउः राजापाय् ओउःकोः वेःदोहाङः मुओ रेव्ओलम्‌कःताङ् ल्‍हेःती ‘लौ नीङ्‌कायःतेः परमेस्‍वर्‌इ न्‍युम्‍ह्‌ताक्‌तेःनै। ओउः सैतान्‌कायःमा ओउःकुस् मुओलम्‌कायःमा तय्‍क्ओ गलमा म्‍हीत्‌मालो म्‍हेःताङ् आलःतेःपै।

मत्ती 3:10

सायः पेतो ग्रान्‍ह्‌ती सायःमालो सीङःकायः मान्‍ताइ खाम्‍ह्‌ती ओल्‌ती तुस्ओ सीङः जाङ्‌ह्‌ती वाय्‌नानी माः र। इलो लेखा नीङ्इ पेओ काम् जाङ्‌ह्‌माःयामा परमेस्‍वर्‌इ नीङ्‌कायःमा ह्र्योङःती वाय्‌तेःताक्‌तेःनै” त दाय्‍ह्‌ती युहनाइपाय् बाप्‍तीस्‍मा त्‍याक्‌लाङ् वाङ्ओलम्‌कायः तोआथास।

मत्ती 7:19

ओउः सीङःखेकायः मान्‍ताइ ओल्‌ती खाम्‍ह्आक्‌तीको तुस्ओ सीङः जाङ्‌ह्‌नानी। ओउःलो लेखा ल्‍हुङ् रेव्ओ मान्‍तालम्इ पेओ काम् जाङ्‌ह्‌सा चीःनीली

मर्‌कस् 11:14

एत च्‍यवःआक्‌तीको “लौ उया द्याह्‌गोते नाङ् गलमा सायः वाङ्‌लाम् मान्‍ताइ जेःसा गलमा दोःलाम्” त दाय्‍ह्‌ती येसुइ तोआकान् ओउःइ तोओ कुरा येसुकुस् वाह्ओमयःइ सायःआकानी।

मर्‌कस् 11:21

ओहाङःसैको ल्‍याम्‌हाङः आल्‌ती वाह्‌तोक्‌हाङः योह्‌लो च्‍यवःओ न्‍याम्‌सी सीङः जुगाङ् झ्‍योम्‍ह्‌ती वाय्ओ च्‍यवःआकानी। एत च्‍यवःती “लौ योउ दै गुरुय नाङ्इ योह् स्राप्‌ती तोओ सीङःपाय् द्याह् झ्‍योम्‍ह्‌तो वाय्ओआः बा” त दाय्‍ह्‌ती पत्रुस्इ ओउः सीङः तय्‍ह्‌ती येसुकायः छ्यानःआकान्।

युहना 15:6

सुखे ङाकःहाङः मुइली पेमालो केङ्‌कालो लेखा ओउःलेः ताती वाय्‌तो स्‍याव्‌नाः लोने झ्‍यार्‌आक्‌तीको ओउः केङ्‌कापाय् त्‍युम्‍ह्‌ती म्‍हेःहाङः तुस्‌ती वाय्‌नाः।

हेब्रैनी 10:27

सुसुइ ओउःतलेः रेव्‌तो काम् जाङ्‌ह्‌चनौ ओउःपाय् लोनेः परमेस्‍वर्‌कोः बीरोत्‌लम्‌कुस् ओउःकोः रैसीःओ न्‍युम्‍ह्‌ताक्ओ दोःनै। म्‍हेःहाङः काओ थोक्‌लो लेखालेः ओउःमयःपाय् वाय्‌तोलेः स्‍याव्‌नै।

हेब्रैनी 12:17

ओहाङःसैको लोने ओउःकोः आपाइ बयःसा आसीक् बोङःतोक्‌हाङः ओउः आसीक्‌पाय् जुगाङ् दोःल। ओउःकोः आपाकःताङ् र्‍याःतीलेः आसीक् बोङःउतो ओउःकोः आपाकायः र्‍याःती र्‍याःती होम्‌तीमा आपाकायः ल्‍हुङ् द्यान्‍ह्‌ताक्‌सा खाय्उलु ओउःत नीङ्इ चीःतेःनानी बा।

प्रकाश 20:15

ओहाङःसैको सुसुकोः मय्‍ङ्‌पाय् ओउः जीङः नाःओलम्‌कोः कीताप्‌हाङः लेखमालो मुनाः ओउः मान्‍तामा ओउः म्‍हेः नाःओ दुम्‌हान्‌हाङः तोस्‌ती वाय्ओ खेःतो।