हेब्रैनी 6:2 - चेपाङ2 बाप्तीस्माकोः कुरालम्मा क्रुत् झाम्ह्ओ कुरामा सीओसै उह्ती च्योक्ओ कुरामा ओउः लोने तय्छनःती योसा कुरामा इ सबै ङ्हा स्यान्ओ कुरा लेःआः। အခန်းကိုကြည့်ပါ။ |
हेब्रैनी 6:2
57 ပူးပေါင်းရင်းမြစ်များ
ओहाङःसैको ङ्हाम्आक्तीको ओउः लीदीया त तोओ मोमःचोःकायःमा ओउःकोः कीम्कोः मान्तालम्कायःमा बाप्तीस्मा जाङ्ह्आथास। बाप्तीस्मा जाङ्ह्आक्तीको “लौ ङाकायःपाय् ‘प्रभु येसुकोः कुरा दोङ्सीलेः ङ्हाम्नौ’ त ताःतेःनानाङ्स त खेःया ङाकोः कीम्ताङ् मुलाङ् वाङ्न” त दाय्ह्ती तोआताङी। ओउःत होम्ती तोआक्तीको ङी ओउःकोः कीम्ताङ् मुलाङ् आल्आलाङी।
ओहाङःमा यात्नीस् एपीक्युरी त तोओ धर्मा स्यान्ओ मान्तालम्मा अरु स्तोइक् त तोओ धर्मा स्यान्ओ मान्तालम्मा पावुल्कुस् आन तानःकाय्ती नोःकाय्आकाय्। ओउः मान्तालम्हाङः कोय्खे “इ मान्तापाय् आह्रे चीःमाःत नोःओआः यादो” त दाय्ह्ती दाय्ह्आकाय् अरुखे “इपाय् थे थे द्यव्ताकोः कुरा स्यान्ती तोनाःतय्ही रैस” त दाय्ह्ती नोःकाय्आकाय्। पावुल्इपाय् “येसु सीआक्तीको च्योक्ओआः” त स्यान्ती तोओ त झ्यान्ते ओउःमयः “इपाय् थे थे कुरा” त नोःकाय्आकाय्।
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
एत त्याङ्आक्तीको ओउः हुम्ओ मान्तालम्हाङः आधाखे सादुकी त तोओलम् खेःइतो आधाखे फरीसी त तोओलम् खेःइतो त पावुल्इ च्यवःआकान्। ओउः फरीसी त तोओलम्खेइ “मान्ता सीआक्तीको नया जीङः दोःनाः” त स्यान्नानी। फेरी “परमेस्वर्कोः लाङ्काकोः ल्होक्ओमयःमा नाःनाः मान्ताकोः गलमा ह्र्योङःमालो जीङःमा नाःलेःनाः” तमा स्यान्ती तोनीतो ओउः सादुकी त तोओलम्खेइ “खेःल इ कुरालम्पाय् दोह्मा नाःल” त स्यान्ती तोनानी। ओउःत झ्यान्ते पावुल् चीङ्ती “लौ पुःचोङ् हौचोङ्य ङापाय् यात्चाक् फरीसी लेःआः ङ। फेरी फरीसीकोः चोःमा ङालेः खेःनाङः। ओहाङःसै ‘मान्ता सीआक्ती रौ जीङः दोःलेःनाः’ त ङाइ स्यान्ती तोओ खेःतो ओउःत झ्यान्ते ङापाय् इहाङःलेः कुरा सायःलाङ् वानःओलेः मुनाङः” त दाय्ह्ती पावुल्इ तोआथास। ओउःत तोआक्तीको ओउः फरीसी त तोओलम्मा सादुकी त तोओलम्मा आन काय्काय्ती तानःकाय्ती ओउः फरीसीलम्खेइ “माः रैस पावुल्कोः कुरा दोङ् कुरा लेःआः” त दाय्ह्ती दाय्ह्इतो “खेःल ओउः कुरापाय् स्याव्ल” त दाय्ह्ती सादुकीलम्खे त्याङ्आकाय्।
तोतोक् बेलाहाङः “येसुकोः कुरा दोह् दोह् ङ्हाम्सा खेःतो” त पावुल्इ स्यान्ती “मान्तालम्इ लयःकोः रेव्ओकायः जाङ्ह्सामा म्हर्सामा स्याव्ल। सुसुलोइ पेमालो काम् फेसा ग्याइली लोनेः वाङ्सा दीन्हाङः ओउःमयःकायःलेः परमेस्वर्इ न्युम्ह्ताक्नाःथास” तमा पावुल्इ स्यान्ती तोतोक्हाङः फेलीकस्पाय् ल्हुङ् र्याङःती रैती “लौ छ्यो द्याह् इच्युक्लेः स्याव्पाः। आल्अ दा अरु काम् नाःमाःत य्हाङःओ बेलाहाङः ङाइ फेरी सायःलाङ् गोत्चेःनाङ्” त दाय्ह्ती पावुल्कायः ल्होक्आथै।
ကြော်ငြာတွေ