हेब्रैनी 6:19 - चेपाङ19 एत दोङ् कुरा चीःधार्ना ङी ल्हुङ् ग्रमःत ङ्हाम्ओलेः मुनाःतय्ही। ङीइ ङ्हाम्ओ परमेस्वर्पाय् ङ्हापाय् मन्दीर्कोः दोङ् दुङ्हाङः क्रुस्सा दोःओ खेःतो ओउःत झ्यान्ते सबै मान्ताकोः होन्त प्रधान् पुरोहीत्लम्पाय् ओउः मन्दीर्कोः हेङ्केओ नाय् उःसै आल्ओ खेःतो। အခန်းကိုကြည့်ပါ။ |
हेब्रैनी 6:19
33 ပူးပေါင်းရင်းမြစ်များ
एत त्याङ्आक्तीको ओउः हुम्ओ मान्तालम्हाङः आधाखे सादुकी त तोओलम् खेःइतो आधाखे फरीसी त तोओलम् खेःइतो त पावुल्इ च्यवःआकान्। ओउः फरीसी त तोओलम्खेइ “मान्ता सीआक्तीको नया जीङः दोःनाः” त स्यान्नानी। फेरी “परमेस्वर्कोः लाङ्काकोः ल्होक्ओमयःमा नाःनाः मान्ताकोः गलमा ह्र्योङःमालो जीङःमा नाःलेःनाः” तमा स्यान्ती तोनीतो ओउः सादुकी त तोओलम्खेइ “खेःल इ कुरालम्पाय् दोह्मा नाःल” त स्यान्ती तोनानी। ओउःत झ्यान्ते पावुल् चीङ्ती “लौ पुःचोङ् हौचोङ्य ङापाय् यात्चाक् फरीसी लेःआः ङ। फेरी फरीसीकोः चोःमा ङालेः खेःनाङः। ओहाङःसै ‘मान्ता सीआक्ती रौ जीङः दोःलेःनाः’ त ङाइ स्यान्ती तोओ खेःतो ओउःत झ्यान्ते ङापाय् इहाङःलेः कुरा सायःलाङ् वानःओलेः मुनाङः” त दाय्ह्ती पावुल्इ तोआथास। ओउःत तोआक्तीको ओउः फरीसी त तोओलम्मा सादुकी त तोओलम्मा आन काय्काय्ती तानःकाय्ती ओउः फरीसीलम्खेइ “माः रैस पावुल्कोः कुरा दोङ् कुरा लेःआः” त दाय्ह्ती दाय्ह्इतो “खेःल ओउः कुरापाय् स्याव्ल” त दाय्ह्ती सादुकीलम्खे त्याङ्आकाय्।
ओउःत दीक्आक्तीको “इ तीःजहास्पाय् बाङ्हाङः थुङ्ती होल्ह्ती ज्युप्चाः” त रैती म्हर्ती ओउः तीःजहास् न्यास्ताक्साकायः चार्गोता लाइ छीत्ओ ताङ्ह्ओ क्वेःलेः ओउः नाःतो ज्युम्ह्मालो तीःहाङः जहास्कोः पोर्सै क्लाःती ल्होक्आकानी। ल्होक्आक्तीको ओउः ताङ्ह्ओ क्वेःइ साःबाङ्हाङः त्योयःती ओउः तीःजहास् न्यास्ताक्सा खेःतो। क्वेःलम् क्लाःआक्तीको “रेन्ह्तोलेः न्याम् थोङ्पाः” त दाय्ह्ती परमेस्वर्कायः तेती तोआकानी।
ओउःत झ्यान्ते ओउः तोती गम्ओ कुरापाय् परमेस्वर्इ ङ्हाम्ओलम्कायः ल्हुङ् साय्क्तोलेः सोह् बयःनाःथास। ऐन् पेतो जाङ्ह्झ्याङ्कायः बयःओ खेःल ओउः तोती गम्ओ कुरापाय् सबै आब्राहाम्कोः प्लोमःदाने मोमःदाने त तोओलम्कायः स्याव्नाः। ओउः ऐन् चीःती जाङ्ह्ओलम्कायःमा अरु ऐन् चीःमामाःत आब्राहाम्लो लेखा ङ्हाम्ओ मान्तालम्कायःमा स्याव्लेःनाः। ओउःत खेःओ आब्राहाम्पाय् ङी सबैकोः तोकानः लेखालेः मुनाः।
चोः दोःसा खाय्मालो बेलाहाङःपाय् आब्राहाम्इ “लौ चोः दोःताक्पाःताङः” त दाय्ह्ती परमेस्वर्कायः पेतोलेः ङ्हाम्आकान् ओउःत झ्यान्ते परमेस्वर्कोः ङ्हा तोती गम्ओ कुरापाय् “नाङ्कोः प्लोमःदाने मोमःदानेलम् नाःतो स्याव्नै” त तोओ कुरापाय् ताप्ताक्ती परमेस्वर्इ आब्राहाम्कायः नाःतो चोःलम्मा प्लोमःदाने मोमःदानेलम्मा दोःताक्आथै ओहाङःसैको आब्राहाम्पाय् नाःतो जात्कोः तोकानःलेः स्याव्आ।
फेरी ओउः ङ्हाम्ओलम्कायः छ्यान्ह्सा कुरा आन पेओमा ताङ्ह्ओ लेःआः एत परमेस्वर्इ सबै जात्कोः मान्तालम्कायः छ्यान्ह्आथास। ओहाङःसै ओउः छ्यान्ह्राय्पाय् इलेःआः। नीङ्कःहाङः ख्रीस् मुलेःनाः ओउःत झ्यान्ते लोनेः गुच्युक् पेओतेः स्याव्तेःनै त चीःती नीङ्इ आसती ल्युङ्ह्ती मुसा खाय्तेःनानी।
यात्नीस्चाक्कायः ब्रःताक्ओ लेःआः बुरु दोह् दोह् परमेस्वर्इलेः लयः तोती गम्आकान् ओउःपाय् ग्रमःत मुओ तोस्बाङ्लो लेखा गलमा वाय्सा खाय्मालो लेःआः। ओउः बाङ्हाङः “लयःकोः मान्तालम्कायः प्रभुइ तय्ह्नाःथास” त दाय्ह्ओमा लेखती मुनाः। फेरी “सुसुइलो येसुकोः मीक्हाङः ओउःकायः ‘प्रभुय’ त दाय्ह्नै ओउःमयःइ रेव्ओ काम् जाङ्ह्ओकायः फेनानी” त दाय्ह्ओमा लेखती मुनाः।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
ကြော်ငြာတွေ