हेब्रैनी 6:18 - चेपाङ18 एतलेः तोतीमा कीरीया जेःतीमा परमेस्वर्इ नीस्ज्योः जुगाङ् क्लोय्क्सा खाय्मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्यान्ते “ङी परमेस्वर्कःताङ् दल्साकायः वाङ्ओलम् ओउःकोः तोती गम्ओ कुरा दोःनाःतय्ही” त दाय्ह्ती चीःती ल्हुङ् धोमाय्तो स्याव्नाःतय्ही। အခန်းကိုကြည့်ပါ။ |
हेब्रैनी 6:18
46 ပူးပေါင်းရင်းမြစ်များ
ओहाङःसै ओउःकःताङ् नाःतो फरीसीलम्मा सादुकी त तोओलम्मा वाङ्आकाय्। युहनाइ ओउःमयः वाङ्ओ च्यवःती “लौ नीङ् कुयः युक्कोः चोःलेःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइ तोतेःआकाय्। परमेस्वर्इ न्युम्ह्ताक्ओसै नीङ् गत हायःती क्रव्सा खाय्तेःनानी र।
मान्ताकोः रेव्झ्याङ्कोः ल्हाङःसा थेङा येसु ख्रीस्कायः परमेस्वर्इ सीसा ताक्आथै। ओहाङःसैको मान्तालम्इ ओउःकायः ङ्हाम्आक्तीको ओउःकोः वयः बयःधार्नालेः ओउःमयःकोः रेव्झ्याङ्कोः मीह्ती वाय्सा स्याव्नाः। एतलेः मान्ताकोः रेव्ओपाय् मीह्ती वाय्ताक्ती परमेस्वर्इ लयःकोः पेतो हायःओ छ्यानःनौ। ङ्हासै येसु ख्रीस् वाङ्धाङ्आक्मालो बेलाहाङः मान्ताकोः रेव्झ्याङ्कोः परमेस्वर्इ बयःआक्उलु रेव्ओ मान्तालम्कायः ओउःइ न्युम्ह्आक्थासल
परमेस्वर्इ तोती गम्ओ कुरापाय् दोङ् ङ्हाम्सीःओ कुरा लेःआः बा। माःहै मान्तालम्खेपाय् सबै माःओलेः मुचै त खेःया परमेस्वर्खे दोङ्सीःओ मुलेःनाः। ओउःकोः आखरःहाङः “लौ त्यानःकाय्ती नोःतोक्हाङःमा तय्छनःती योओ बेलाहाङःमा नाङ्कोः कुरा दोङ् पेओ कुरा लेःआः त सबैकायः छ्यानःसाआः” त दाय्ह्ओ परमेस्वर्कायः तोओ कुरा आखरःहाङः लेखती मुनाः।
फेरी ओउः ङ्हाम्ओलम्कायः छ्यान्ह्सा कुरा आन पेओमा ताङ्ह्ओ लेःआः एत परमेस्वर्इ सबै जात्कोः मान्तालम्कायः छ्यान्ह्आथास। ओहाङःसै ओउः छ्यान्ह्राय्पाय् इलेःआः। नीङ्कःहाङः ख्रीस् मुलेःनाः ओउःत झ्यान्ते लोनेः गुच्युक् पेओतेः स्याव्तेःनै त चीःती नीङ्इ आसती ल्युङ्ह्ती मुसा खाय्तेःनानी।
ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ।
ကြော်ငြာတွေ