हेब्रैनी 6:1 - चेपाङ1 ओउःत झ्यान्ते ओउः तुङःकोः स्यान्ओ कुराखे द्याह् स्यान्साकायः फेती ख्रीस्कोः ताङ्ह्ओ कुराखे म्हुक्तीलेः चीःपाःतय्ह्नी। ङ्हापाय् सीताक्सा खाय्ओ काम्लम् जाङ्ह्ओकायः फेआक्तीको ङीइ परमेस्वर्कायः ङ्हाम्आतय्ह्नी। ओउः कुरा पुछ्युङःती स्यान्सा परल। အခန်းကိုကြည့်ပါ။ |
हेब्रैनी 6:1
50 ပူးပေါင်းရင်းမြစ်များ
दोह् हायःती दाय्ह्सा बाप्तीस्मा बयःओ युहनाइ वाङ्ती नीङ्कायः ‘मान्ता गत हायःती पेतो वाह्सा’ त छ्यानःतेःइतो ओउःकायः नीङ्इ ङ्हाम्तेःनीली। नीङ्खेइ ङ्हाम्तेःनीली ओउः पैसा जेःओलम्मा रन्दीलम्इमा ओउःकायः ङ्हाम्ती ओउःमयःकोः रेव्ओ ल्हुङ् फेती वाय्ती लोने पेतो हायःआकानी। इमा च्यवःआक्तीको नीङ्इपाय् ल्हुङ् द्यान्ह्ती ङ्हाम्तेःनीली।
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
ङ्हा दामास्कस्ताङ् आल्ती ओहाङः प्रभु येसुइ स्यान्ओ कुरा ङाइ ल्हाक्ती छ्यानःआलाङःसु। ओहाङःसैको यरुसालेम्हाङःमा सबै यहुदीया देस्हाङःमा लोन्ते अरु अरु जात्लम्कोः देस्लम्हाङःमा ङाइ इ कुरा छ्यानःआलाङःसु। ‘सबै मान्तालम्इ लयःलयःकोः रेव्ओ काम्लम् फेती परमेस्वर्कोः कुरा पेतो ङ्हाम्ती जाङ्ह्पानी’ त तोती सबैकायः स्यान्ओ खेःङोतो।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
यात्नीस्चाक्कायः ब्रःताक्ओ लेःआः बुरु दोह् दोह् परमेस्वर्इलेः लयः तोती गम्आकान् ओउःपाय् ग्रमःत मुओ तोस्बाङ्लो लेखा गलमा वाय्सा खाय्मालो लेःआः। ओउः बाङ्हाङः “लयःकोः मान्तालम्कायः प्रभुइ तय्ह्नाःथास” त दाय्ह्ओमा लेखती मुनाः। फेरी “सुसुइलो येसुकोः मीक्हाङः ओउःकायः ‘प्रभुय’ त दाय्ह्नै ओउःमयःइ रेव्ओ काम् जाङ्ह्ओकायः फेनानी” त दाय्ह्ओमा लेखती मुनाः।
हेब्रैनीलम्पाय् लेवीत तोओ पुरोहीत्लम् मुओ बेलाहाङः ऐन् दोःआकाय्। ओउः लेवीकोः खाल्कोः पुरोहीत्लम्इपाय् परमेस्वर्कोः काम् जुगाङ् केह्तोलेः जाङ्ह्सा खाय्ओ खेःतो त खेःया अरु थे मेल्कीसेदेक् खाल्कोः पुरोहीत् थाती वाङ्सा परआक्ल बा। ओउः थे खाल्कोः पुरोहीत्पाय् लेवीकोः प्लोमःदाने हारन्त तोओसै ग्ल्युङ्ह्ओ खेःआक्इली ओउःपाय् मेल्कीसेदेक्कोः खाल्लेः।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
ကြော်ငြာတွေ