हेब्रैनी 5:7 - चेपाङ7 ल्हाव्ह्दैबाङ्हाङः मान्ता मुतोक्हाङः येसुइ आन र्याःतीमा गोःतीमा ओउःकायः सीओसै दल्ताक्सा खाय्ओ परमेस्वर्कायः तेती तोआकान्। येसुइपाय् मीओमा ग्याओ ल्हुङ्इमा तेआ त खेःओ ओउःकोः कुरा परमेस्वर्इ सायःआकान्। အခန်းကိုကြည့်ပါ။ |
हेब्रैनी 5:7
38 ပူးပေါင်းရင်းမြစ်များ
ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ।
परमेस्वर्इलेः ङीकोः ताङ्ह्ओ प्रभु येसुकायः सीओसै उह्ती च्योक्ताक्आकान् बा। येसुपाय् सीती झ्यान्ते ओउः गलमा वाय्मालो तोती गम्ओ कुरापाय् पेतोलेः स्याव्नाः। ओउःपाय् ङी ङ्हाम्ओलम्कोः स्यालःओ मान्ता लेःआः। लौ ओउः झाक्ओ काम् जाङ्ह्साकायः ङीकायः ल्हुङ् धोमाय्ताक्ओ परमेस्वर्इ सबै पेओलम् दोःतेःताक्तेःपै। ओहाङःसै येसु ख्रीस्इ बयःओ ग्वम्इलेः ओउःकायः म्रोताक्सा काम्लम् जाङ्ह्ताक्पाःतय्ही। येसु ख्रीस्कायःपाय् गलकायःमा ताङ्ह्ताक्पाःथै। ओउःतलेः स्याव्पाः दा।
ကြော်ငြာတွေ