हेब्रैनी 5:13 - चेपाङ

¹³ दुत् तुनःओ मान्‍तापाय् व्‍हक्‌धाङ्‌मालो लेःआः बा। दोह् दोह्‌खे पेतोलेः दोह् दोह्‌खे रेव्‌तो हायःसालेः त चीःसा खाय्‌धाङ्‌नीली।

हेब्रैनी 5:13 ပူးပေါင်းရင်းမြစ်များ

मत्ती 11:25

ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

मर्‌कस् 10:15

दोङ्‌सी दाय्‍ह्‌भनाङ् परमेस्‍वर्‌कोः राजी पोक्‌साकायः नीङ्इ हौलम्‌लो लेखा स्‍याव्‌ती ङ्‌हाम्‌सा खेःतेःनै बा खेःतेःल त खेःया पोक्‌सा दोःल” त दाय्‍ह्‌ती

रोमी 2:20

परमेस्‍वर्‌कोः ऐन्‌पाय् दोःती झ्‍यान्‍ते ङाइ सबै दोङ् पेओ कुरा चीःलेःनाङः ओउःत खेःओ चीःमालोलम्‌कायःमा हौलम्‌कायःमा ङाइलेः स्‍यान्‌सा खाय्‌नाङः” त दाय्‍ह्‌तीमा ङाःती ताःतेःनाःस।

१ कोरीन्‍थी 13:11

ङा हौलम् मुओहाङःपाय् हौलो लेःखा व्‍हक्‌माजम् चीःमाङोतो थह्राय्‍ह्‌माजम् तोमाङोतो ङा ताङ्‌ह्ओ मान्‍ता स्‍याव्आक्‌तीकोपाय् ताङ्‌ह्ओ मान्‍तालो लेखा चीःतीलेः तोनाङः बा।

१ कोरीन्‍थी 14:20

लौ पुःचोङ् हौचोङ्‌य इ कुरापाय् व्‍हाय्ओ कुरा लेःआः व्‍हाय्‌मालो मीओ हौलम्‌लो लेखा मुलाम्। रेव्‌तो काम् जाङ्‌ह्‌साखेकायः व्‍हक्‌मालो मीओ हौलम्‌लो लेखा मुतेःपै। परमेस्‍वर्‌कोः कुरा चीःसाखेकायः व्‍हाय्ओ ताङ्‌ह्ओ मान्‍तालो लेखा स्‍याव्‌तेःपै।

१ कोरीन्‍थी 3:1

लौ पुःचोङ् हौचोङ्‌य परमेस्‍वर्‌कोः कुरापाय् परमेस्‍वर्‌कोः ग्‍वालामः दोःओ व्‍हाय्‌तोलेः चीःओ मान्‍तालम्‌लो लेखालेः ङाइ नीङ्‌कायः तोसा खाय्आक्‌ङल। नीङ्‌कायःपाय् ख्रीस्‌कोः कुरा चीःमालो मीओ हौलम्‌लो लेखालेः स्‍यान्‌ती तोसा खेःतो।

२ कोरीन्‍थी 3:9

मान्‍तालम्‌कायः गाल्‌तुम्‌ती फुःओ ऐन्‌कोः कुराखे ओउःच्‍युक् ताङ्‌ह्ओलेः खेःतो त खेःया ओउः मान्‍ताकायः परमेस्‍वर्‌कोः मीक्‌हाङः पेतो स्‍याव्‌ताक्‌सा कुराखे न्‍हाङ्‌तोलेः ताङ्‌ह्‌लेःनाः बा।

एफेसस् 4:14

ओउःत स्‍याव्आक्‌तीको ङीपाय् व्‍हाय्‌धाङ्‌मालो हौलम्‌लो लेखा खेःतय्‍हीली। मारुःइ साङ्‌ह्‌ताक्ओ तीःलो लेखालेः इहाङः उहाङः स्‍यान्‌लाङ् आल्‌मामाःत पेमालो मान्‍ताकोः माःती स्‍यान्ओ कुराखे ङ्‌हाम्‌मामाःत

२ तीमोथी 3:16

ओउः आखरःपाय् सबै परमेस्‍वर्‌कःसै दोःओ लेःआः बा ओउःत खेःओ ओउः आखरःकोः कुरापाय् दोङ् कुरा स्‍यान्‌साकायः पेलेःनाः। फेरी रेव्‌तो काम् जाङ्‌ह्ओलम्‌कायः गानाक्‌ती तोसाकायःमा “मान्‍ता गत हायःती पेतो वाह्‌सा खाय्‌नौ” त स्‍यान्‌साकायःमा ओउः आखरःपाय् स्‍याव्‌लेःनाः।

१ पत्रुस् 2:2

रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।

२ युहना 1:11

ओउःकायः यात्‌चाक्इ ओउःतलेः पेतो तोओ त खेःया ओउः मान्‍ताकोः रेव्ओ काम् ब्राङ्‌तीलेः जाङ्‌ह्‌नौ।