Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




हेब्रैनी 5:12 - चेपाङ

12 द्याह्‌पाय् नीङ्इ अरुकायः स्‍यान्‌ती खाय्‌सा खेःतेःइतो। खेःल नीङ्‌कायःलेः अरुइ परमेस्‍वर्‌कोः दोङ् तुङःकोः कुरालेः कोदीङःती स्‍यान्‌सा खेःधाङ्‌तेःनै मीओ चोःलो लेखालेः नीङ्इ दुत् तुनःसालेः खेःधाङ्‌तेःनै मायः जेःसा खाय्‌धाङ्‌तेःनीली।

အခန်းကိုကြည့်ပါ။ ကော်ပီ




हेब्रैनी 5:12
23 ပူးပေါင်းရင်းမြစ်များ  

एत तोआक्‌तीको “लौ नीङ् ङ्‌हाम्‌मालो मान्‍तालम्‌पाय् नीङ्‌कुस् ङा गुच्‍युक् ज्‍याङःतोलेः स्‍यान्‌ती मुसा खेःङोतो। नीङ्‌कोः ङ्‌हाम्‌मालो ल्‍हुङ् योती गुच्‍युक् दीन्‌कायः लीह्‌ती गोरःसा खेःनाङः र” त दाय्‍ह्‌ती येसुइ तोआथास।


“लौ नीङ् ङ्‌हाम्‌मालो ग्‍यामालो मान्‍तालम्‌पाय् नाङ्‌कुस् ङा गुच्‍युक् ज्‍याङःतोलेः स्‍यान्‌ती मुसा खेःङोतो। नीङ्‌कोः ङ्‌हाम्‌मालो ल्‍हुङ् योती गुच्‍युक्‌हाङः लीह्‌ती गोरःसा खेःनाङः र। लौ ओउः जीक्ओ हौकायः वानःनु दा” त दाय्‍ह्‌ती येसुइ तोआथास।


इ मोसामा ङीकोः आय्‌कानः तोकानःकुस् याक्‌गार्‌सीःमालोहाङः मुती सीनाय् त तोओ बुम्‌हाङः दाह्‌तोक् बेलाहाङःपाय् ओउःकायःलेः यात्‌चाक् परमेस्‍वर्‌कोः लाङ्‌कामयःइ जीङःकोः कुरा स्‍यान्‌ती तोआथै।


नाःतो लेःआः बा। ङ्‌हापाय् ओउः यहुदीलम्‌कायःलेः परमेस्‍वर्‌इ लयःकोः आखरः बयःआथास।


ङ्‌हाम्ओलम्‌कःहाङः मुतोक्‌हाङः थेथे भासाहाङः दस् हजार्‌ कुरा तोओसै ङाइ पास् कुरा अरुइ चीःसा खाय्ओ कुरा स्‍यान्‌ती तोसालेः पेनाः।


लौ पुःचोङ् हौचोङ्‌य इ कुरापाय् व्‍हाय्ओ कुरा लेःआः व्‍हाय्‌मालो मीओ हौलम्‌लो लेखा मुलाम्। रेव्‌तो काम् जाङ्‌ह्‌साखेकायः व्‍हक्‌मालो मीओ हौलम्‌लो लेखा मुतेःपै। परमेस्‍वर्‌कोः कुरा चीःसाखेकायः व्‍हाय्ओ ताङ्‌ह्ओ मान्‍तालो लेखा स्‍याव्‌तेःपै।


ङीइमा व्‍हक्‌मालो हौलम्‌लो लेखा मुतोक्‌हाङः ल्‍हाव्‍ह्‌दैबाङ्‌कोः द्यव्‌तालम्‌कोः कुरा सायःती जाङ्‌ह्आतय्‍ह्‌नी।


लौ पुःचोङ् हौचोङ्‌य प्रभुकायः तय्‍ह्‌ती झ्‍यान्‍ते चोङाय्‌तीलेः मुन। इ कुरा पुछ्युङःती लेखसाकायः सावःङल। इ पुछ्युङःती तोओ कुरापाय् नीङ्‌कायः पेतो चीःताक्‌ती झ्‍यान्‍ते नीङ् ग्रमःत वाह्‌सा खाय्‌तेःनौ।


ख्रीस्‌कोः नोःराय् ल्‍हुङ्‌हाङः पेतोलेः सेती गम्‌ती लःलयःमयःकायः व्‍हाय्‌तोलेः स्‍यान्‌काय्‌माइसी लुङ्‌काय्‌माइसी। ल्‍हुङ्‌हाङः “च्‍युता” त दाय्‍ह्‌ती परमेस्‍वर्‌कायः पेओ गीत्‌लम् भजन्‌लम् मेन।


द्याह् ख्रीस्‌कोः कुरा ङ्‌हा चीःओ दीन्‌लम्‌पाय् गीलनु। ओउःनम् दीन्‌लम्‌पाय् अरुइ आनतेः लीह्‌सीःओ बयःतेःइतो ओउःत हायःओ नीङ्इ ग्रमःतलेः गोरःतेःआकानी।


इ कुरापाय् ङाइ नाःतो तोसा खेःतो नीङ्इपाय् पेतो सायःतेःनीली त झ्‍यान्‍ते नीङ्‌कायः स्‍यान्‌सा चाक्‌लेःनाः।


दुत् तुनःओ मान्‍तापाय् व्‍हक्‌धाङ्‌मालो लेःआः बा। दोह् दोह्‌खे पेतोलेः दोह् दोह्‌खे रेव्‌तो हायःसालेः त चीःसा खाय्‌धाङ्‌नीली।


ओउःत झ्‍यान्‍ते ओउः तुङःकोः स्‍यान्ओ कुराखे द्याह् स्‍यान्‌साकायः फेती ख्रीस्‌कोः ताङ्‌ह्ओ कुराखे म्‍हुक्‌तीलेः चीःपाःतय्‍ह्‌नी। ङ्‌हापाय् सीताक्‌सा खाय्ओ काम्‌लम् जाङ्‌ह्ओकायः फेआक्‌तीको ङीइ परमेस्‍वर्‌कायः ङ्‌हाम्आतय्‍ह्‌नी। ओउः कुरा पुछ्युङःती स्‍यान्‌सा परल।


रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।


नीङ्‌कःहाङः यात्‌चाक्इ स्‍यान्‌ती तोओ स्‍यार्‌मे नाःओ त खेःया ओउःइपाय् परमेस्‍वर्‌कोः दोङ् कुरालेः चीःती तोपौ। अरुखेइ ङ्‌हाम्ओलम्‌कायः लव्‍ह्‌ती जाङ्‌ह्‌सा स्‍यार्‌मे नाःओ त खेःया ओउःपाय् परमेस्‍वर्‌कोः ग्‍वम् दोःतीलेः जाङ्‌ह्‌पौ ओहाङःसै इत हायःतीलेः प्रभु येसुकोः ङ्‌हाम्ओलम्इ दोह् खेःयाकायःमा परमेस्‍वर्‌कायः तोङ्‌ह्‌ताक्‌सा खाय्‌नानी। ओउः परमेस्‍वर्‌पाय् गलकायःमा ग्‍वम् नाःओमा तोङ्‌ह्ओमा मुलेःनाः बा। ओउःच्‍युक्‌लेः स्‍याव्‌पाः दै।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ