हेब्रैनी 4:14 - चेपाङ14 ओउःत खेःओ ङीइ थोल्ह्ती तोओ कुरापाय् पेतो ग्रमःत मुती ङ्हाम्पानाःतय्ही दोह् हायःती दाय्ह्सा लाङ्काताङ् ज्योय्ती दाह्ओ परमेस्वर्कोः चोः येसुपाय् ङीकायः आन ताङ्ह्ओ प्रधान् पुरोहीत् मुलेःनाः। အခန်းကိုကြည့်ပါ။ |
हेब्रैनी 4:14
31 ပူးပေါင်းရင်းမြစ်များ
तेन्छ्याङ् इ येसु ख्रीस् लाङ्काताङ् आल्ती द्याह् मुधाङ्सा खेःतो। येसु लाङ्काहाङः मुती गल खेःयाकायःमा इ ल्हाव्ह्दैबाङ्कोः ह्र्योङःसा खेःओ दीन् पुत्चाः ओउःनम् दीन्हाङःलेः येसु सबै ल्हाव्ह्दैबाङ् फेरी पेतो जाङ्ह्साकायः द्यान्ह्तीलेः वाङ्आनाः। इ लोन्दोहाङः स्याव्सा कुरा परमेस्वर्कोः कुरा छ्यानःओमयःइ उय्ह्लेहाङःसै तोलेःआकानी।
“ङीइ ख्रीस्कोः पेओ कुरा ङ्हाम्तीलेः जाङ्ह्नाङःसु” त दाय्ह्ती दाय्ह्तेःनै। नाःतो नाःमालोलम्कायः बयःतेःनानी त खेःया नीङ्इ एत तोओ कुरा दोङ् कुरा लेःआः त ओउःमयःकायः छ्यानःसा खाय्तेःनानी। ओहाङःसैको ओउःमयःकायःमा सबैकायःमा नीङ् ल्हुङ् साय्क्तो मुतेःनै त खेःया परमेस्वर्कायः ताङ्ह्ताक्नानी।
मोसाकोः ऐन् ग्यामालो मान्ताकायः एत न्युम्ह्तो स्याव्नाः त खेःओ सुसुइ परमेस्वर्कोः चोः अह्र्तोलेः योचानी ओउःपाय् न्हाङ्तोलेः न्युम्ह्नै बा। दोह् हायःती दाय्ह्सा ओउः मान्ताइपाय् छय्ङ्ताक्ओ ख्रीस्कोः होम्काय्ती बयःओ वयःपाय् अरुइ बयःओ वयःलो लेखा मीतोलेः ताःमानौ ओउःकायः योनःती योओ परमेस्वर्कोः ग्वालामःकायःमा हेला क्लाःमानौ।
ङीकायः स्यालःओ येसुकायः जुःतीलेः योनी। ङीइ ङ्हाम्ओकायः येसुइ स्यालःमानाःतय्ही ताप्माताक्नाःतय्ही। ओउःपाय् “लोने पेओ चोङाय्ओ बेला वाङ्नाः” त म्हर्ती ओउः क्ल्याय्ओ सीङःहाङः आन लीह्सीःओ गोरःती लयःकायः दोह्तमा म्हर्माःत अरुकोः मीक्हाङः “मीतो स्याव्पाङः” त म्हर्ती सीलेःआ। द्याह् ओउःपाय् परमेस्वर्कोः गुल्ह्दाङ् स्याव्ती ओउःकोः ङोय्दोसै राजा च्युङःसा थाव्हाङः मुलेःनाः।
ओउःत झ्यान्ते येसुपाय् लयःकोः हौलम्लो लेखालेः यातैज्याङ्लेः घार्तोलेः स्याव्सा खेःओ खेःतो। ओहाङःसैको परमेस्वर्कायः ताङ्ह्ओ पुरोहीत्कोः काम् पेतो जाङ्ह्ती येसुइ मान्तालम्कायः योनःती योती “लौ इमयःकोः रेव्ओ काम् जाङ्ह्झ्याङ्कोः क्युम्ह्ती वाय्पाःथास” त परमेस्वर्कः तेती तोसा खाय्नौ।
ကြော်ငြာတွေ