हेब्रैनी 3:1 - चेपाङ1 लौ उया नीङ् छय्ङ्तो स्याव्ओ पुःचोङ् हौचोङ्य नीङ्कायःमा परमेस्वर्इ छीङ्ह्तेःआकाय् ओउःत झ्यान्ते ङीइ छ्यानःती तोओ परमेस्वर्इ छ्युङ्ह्ती ल्होक्ओ प्रधान् पुरोहीत् येसुकोः कुरापाय् ल्हुङ्हाङः लाय्नु दा। အခန်းကိုကြည့်ပါ။ |
हेब्रैनी 3:1
63 ပူးပေါင်းရင်းမြစ်များ
एतलेः सुक्ओ जैथुन् सीङःकोः यात्नीस् पेमालो दालालम् क्लय्ह्ती वाय्आक्तीको बन्सै अरु दालालम् वानःती ओउः ङ्हाकोः सीङःहाङः च्योतोती गम्ओआः। यहुदीलम्खेपाय् ओउः सुक्ओ सीङःलो लेखालेः मुनै नीङ् यहुदी खेःमालोलम्खे ओउः बन्सै वानःआ दालालम्लो लेखालेः ङ्हा सुक्ओ सीङःकःताङ् च्योतोती मुतेःनै ओहाङःसै द्याह् ओउः तुङःसै पेओ जीङःतेः दोःनै।
“ङीइ ख्रीस्कोः पेओ कुरा ङ्हाम्तीलेः जाङ्ह्नाङःसु” त दाय्ह्ती दाय्ह्तेःनै। नाःतो नाःमालोलम्कायः बयःतेःनानी त खेःया नीङ्इ एत तोओ कुरा दोङ् कुरा लेःआः त ओउःमयःकायः छ्यानःसा खाय्तेःनानी। ओहाङःसैको ओउःमयःकायःमा सबैकायःमा नीङ् ल्हुङ् साय्क्तो मुतेःनै त खेःया परमेस्वर्कायः ताङ्ह्ताक्नानी।
ओउःत खेःओ “गतलो पेतो वाह्साकायः ओउःइ गोत्तेःआकाय् ओउःतलेः वाह्पनै” त दाय्ह्ती नीङ्कायः परमेस्वर्कः गलमा तेती तोमानाङःसु। “लौ परमेस्वर्य ओउःमयः पेतो झाक्ओ कुरालम्मा ङ्हाम्ती जाङ्ह्सा पेओ काम्लम्मा नाङ्कोः ग्वम् दोःती दप्तोलेः जाङ्ह्पानानी” त दाय्ह्तीमा नीङ्कायः ङाइ परमेस्वर्कः तेती तोनेःनाङ्स।
ओहाङःसैको सुसु नोकरीकोः मालीक्खेपाय् ङ्हाम्ओ मान्तालेः मुनै ओउः मालीक्कायः “ओउःपाय् ङाकोः ङ्हाम्ओ हौ लेःआः” त दाय्ह्ती नोकरीइ मीतो योलाम्। ओउःकोः काम्पाय् न्हाङ्तोलेः पेतो जाङ्ह्सा खेःतो दोह् हायःती दाय्ह्सा ओउःमयःकोः काम्पाय् लयः राप्ओ ङ्हाम्ओलम्कायः जाङ्ह्ओ लेःआः। इ कुरापाय् अरुकायः स्यान्ती तोउ दा।
ओउःत झ्यान्ते येसुपाय् लयःकोः हौलम्लो लेखालेः यातैज्याङ्लेः घार्तोलेः स्याव्सा खेःओ खेःतो। ओहाङःसैको परमेस्वर्कायः ताङ्ह्ओ पुरोहीत्कोः काम् पेतो जाङ्ह्ती येसुइ मान्तालम्कायः योनःती योती “लौ इमयःकोः रेव्ओ काम् जाङ्ह्झ्याङ्कोः क्युम्ह्ती वाय्पाःथास” त परमेस्वर्कः तेती तोसा खाय्नौ।
ओउः ऐन्कोः कुराखेहाङःपाय् जुगाङ् पेतो हायःसा खाय्मालो मान्तालम्कायः “ओउःमयः प्रधान् पुरोहीत् स्याव्पै” त दाय्ह्ती तोनाःथास। लोने परमेस्वर्इ कीरीया जेःती तोती गम्ओ कुराखेहाङः लयःकोः चोःकायः “प्रधान् पुरोहीत् स्याव्पाः” त दाय्ह्ती दाय्ह्नाः ओउः चोःपाय् गलकायःमा ओजायः जय्कुमःत मुलेःनाः।
ओउः बेला द्याह् दाह्ओ लेःआः ख्रीस्पाय् तेन्छ्याङ्कोः पेओ कुरा स्याव्ताक्सा थेङा प्रधान् पुरोहीत् वाङ्ओ लेःआः। फेरी ओउः कुरा स्याव्ताक्साकायः ओउःपाय् अरुसै न्हाङ्तोलेः ताङ्ह्ओमा छय्ङ्ओमा मन्दीर्हाङः पुरोहीत् काम् जाङ्ह्लेःनौ। ओउः मन्दीर्पाय् मान्ताइ जाङ्ह्ओ खेःल इ जापीनःती न्यास्ओ ल्हाव्ह्दैबाङ्कोःमा खेःल लाङ्काकोः लेःआः।
ओउःत हायःआक्तीकोमा ख्रीस्इपाय् नया होम्काय्ती गम्ओ कुरा जाङ्ह्सा खाय्नौ। ओहाङःसैको सुसुकायः परमेस्वर्इ गोत्आथास ओउः मान्तापाय् ओउःइ बयःओ गलमा द्योक्मालो पेओ कुरा दोःनै दोह् हायःती दाय्ह्सा ख्रीस् सीलेःआ ओउःकोः सीधार्नालेः ओउः ङ्हाकोः होम्काय्ओ कुरा गम्तोक्हाङः जाङ्ह्ओ रेव्ओ काम्सै मान्तालम् पेङ्कलःतोलेः स्याव्नै।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
लौ नीङ् स्यालःओ थालवःपालम्य ङाइ द्याह् तोचेःनाङ्स दा। ङामा थालवःपालेः खेःमानाङः फेरी ख्रीस्कोः लीह्सीःओ गोरःओ च्यवःओ मान्तामा खेःमानाङः। लोने वाङ्सा खेःओ ताङ्ह्ताक्सा बेलाहाङः ङापाय् ख्रीस्कुस् ताङ्ह्तोलेः स्याव्सा दोःमानाङः। ओउःत झ्यान्ते ङाइ द्याह् तोसा कुरापाय् नीङ्इ सायःनाङ्स दा।
ओहाङःसैको ओउःमयःपाय् ओउः भेदाकोः चोःकुस् मीन्ह्काय्लेःनै। ओउःकुस् मीन्ह्काय्इतो ओउःमयःकायः ओउः भेदाकोः चोःइ क्लीमःनाःथास दोह् हायःती दाय्ह्सा ओउः भेदाकोः चोःपाय् सबैसै ताङ्ह्ओ प्रभुमा राजा लेःआः बा। ओउःकुस् वाह्ओलम्पाय् ओउःइ छ्युङ्ह्ती गोत्ओ पेतो ङ्हाम्ओ मान्तालम् लेःआः इ” त दाय्ह्ती ओउः ल्होक्ओमयःइ तोआताङः।
“लौ लाङ्काहाङः मुओलम्य ओउः सहर् योती म्रोतोलेः मुन दा। नीङ् परमेस्वर्कायः ङ्हाम्ओलम्मा ओउःकोः छ्युङ्ह्ती ल्होक्ओमयःमा ओउःकोः कुरा छ्यानःओमयःमा नीङ् सबै म्रोतीलेः मुन दोह् हायःती दाय्ह्सा नीङ्कायः पेमालो हायःओ सहर्कायः परमेस्वर्इ ओउःकोः रेव्झ्याङ् बयःती द्याह् न्युम्ह्ताक्नौ बा” त दाय्ह्ती दाय्ह्ओ खेःतो।
ကြော်ငြာတွေ