हेब्रैनी 2:2 - चेपाङ2 दोह् हायःती दाय्ह्सा ओउः लाङ्काकोः ल्होक्ओमयःइ तोती बयःओ कुरापाय् दोङ् सायःसा खेःओ कुरा खेःतो। सुसुइ ओउः कुरा सायःसा ग्यामाःत झ्यान्ते जाङ्ह्नीली ओउःपाय् लोने न्युम्ह्तोलेः स्याव्नै। အခန်းကိုကြည့်ပါ။ |
हेब्रैनी 2:2
29 ပူးပေါင်းရင်းမြစ်များ
ओउःत खेःओ ऐन्पाय् दोह् हायःती बयःओ खेःतो दाय्ह्सा। ओउः ऐन्पाय् मान्ताकोः रेव्ओ काम्लम् तय्ह्ताक्साकायः बयःओआः। आब्राहाम्कोः तोती गम्ओ प्लोमःदाने वाङ्धाङ्माःखाहाङःकायः बयःओ खेःतो। फेरी ओउः ऐन्पाय् परमेस्वर्कोः लाङ्कासै ल्होक्ओमयःइ यात्चाक् मान्ताकायः तोती बयःआकान्। बयःआक्तीको ओउः ऐन् त्याक्ओ मान्ताइ अरुलम्कायः ल्हाक्ती तोआकान्।
ओउः तोती गम्ओ कुरापाय् पेतो घीःती सायःसा खेःतो बा। ल्हाव्ह्दैबाङ्हाङः तोतोक्हाङः ओउः कुरा सायःसा ग्यामालोलम्पाय् न्युम्ह्ताक्ओसै दल्सा खाय्आक्नीली। ओउःमयःखे दल्सा खाय्नीली त झ्यान्ते ङीइ ओउः लाङ्कासै गानाक्ती तोओ सायःओलम्खे ग्यातय्हीली त खेःया ङी न्हाङ्तोलेः न्युम्ह्ताक्ओसै दल्सा खाय्तय्ह्नीली।
एत च्यवःती ङीइ परमेस्वर्कोः कुरा छ्यानःओमयःकोः नोःराय् द्याह् न्हाङ्तोलेः पेतो ङ्हाम्नाङःसु। नीङ्इमा ओउः नोःराय् घीःती सायःसा खेःतो दोह् हायःती दाय्ह्सा ओउः नोःराय्इपाय् च्याक्ओहाङः मुओ बत्तीलो लेखालेः नीङ्कोः ल्हुङ् थोङ्ताक्तेःनै। बीहानकोः सुक्र कार् दाह्ती लन्ह्आक्तीको “च्याक्ओ क्रव्लेःनाः सबै थोङ्ओलेः स्याव्नाः” त मान्ताइ चीःनानी। ओउःलो लेखालेः ओउः नोःराय्इ नीङ्कोः ल्हुङ्हाङः थोङ्ती मुती झ्यान्ते “सबै जुगाङ् थोङ्ताक्ओ ख्रीस्कोः वाङ्नम् दीन् दाह्खेःनाः” त चीःसा खाय्तेःनानी।
ကြော်ငြာတွေ