हेब्रैनी 2:14 - चेपाङ14 ओउःकोः हौलम् त तोओपाय् सास् नाःओ वयः नाःओ खाल् खेःलेःनै ओउःत खेःओ येसुमा ओउःमयःलो लेखालेः थाङ्ती मान्तालेः स्याव्आ। ओउःत स्याव्आक्तीको ओउःकोः सीधार्नालेः येसुइ सीताक्सा ग्वम् नाःओ सैतान्कायः क्लीमःती वाय्सामा खाय्ओ खेःतो। အခန်းကိုကြည့်ပါ။ |
हेब्रैनी 2:14
32 ပူးပေါင်းရင်းမြစ်များ
ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
द्याह् येसु ख्रीस्इपाय् ल्हाव्ह्दैबाङ्हाङः थाती वाङ्आक्तीको ह ओउःकोः योनःती जाङ्ह्ओ काम् सबै च्यवःसा खाय्नाःतय्ही। मान्ताकायः सीती ह्र्योक्ती वाय्सा खेःओ ग्वम्कायः ओउःइलेः ल्हेस्ती वाय्आकान्। फेरी ङीइपाय् ओउःकोः पेओ समचार् सायःधार्नालेः ओउः गलमा द्योक्मालो रौ जीङःकोः कुरापाय् सबैकायः छ्यानःओ लेःआः।
ओउःत झ्यान्ते येसुपाय् लयःकोः हौलम्लो लेखालेः यातैज्याङ्लेः घार्तोलेः स्याव्सा खेःओ खेःतो। ओहाङःसैको परमेस्वर्कायः ताङ्ह्ओ पुरोहीत्कोः काम् पेतो जाङ्ह्ती येसुइ मान्तालम्कायः योनःती योती “लौ इमयःकोः रेव्ओ काम् जाङ्ह्झ्याङ्कोः क्युम्ह्ती वाय्पाःथास” त परमेस्वर्कः तेती तोसा खाय्नौ।
ओउःत हायःआक्तीकोमा ख्रीस्इपाय् नया होम्काय्ती गम्ओ कुरा जाङ्ह्सा खाय्नौ। ओहाङःसैको सुसुकायः परमेस्वर्इ गोत्आथास ओउः मान्तापाय् ओउःइ बयःओ गलमा द्योक्मालो पेओ कुरा दोःनै दोह् हायःती दाय्ह्सा ख्रीस् सीलेःआ ओउःकोः सीधार्नालेः ओउः ङ्हाकोः होम्काय्ओ कुरा गम्तोक्हाङः जाङ्ह्ओ रेव्ओ काम्सै मान्तालम् पेङ्कलःतोलेः स्याव्नै।
फेरी देङी वाङ्सा लीह्सीःओ बेलाहाङःपाय् रैलाम्। नाङ्कायः गुच्युक् पेतो ङ्हाम्तेःनाः त ल्हुङ्तुक् वेलःती योसाकायः सैतान्इ यात्नीस्चाक् नाङ्कोः मान्तालम्कायः झ्याल्खानहाङः थुनताक्तेःनै। दस्दीन्कायः लीह्सीःओ च्यवःताक्तेःनानी इत ङाइ तोनेःनाङ्स। ओउः बेलाहाङःमा सात्खेःओ बेलाहाङःमा वाङ्नाः त खेःया ल्हुङ् ग्रमःतलेः मुती ङ्हाम्उ दा। ओहाङःसैको नाङ्कोः ङ्हाम्झ्याङ्कायः ङाइ पेओ रौ जीङः दोःताक्नेःनाङ्’
ကြော်ငြာတွေ