हेब्रैनी 13:4 - चेपाङ

⁴ लौ “बीहा जाङ्‌ह्‌सा पेलेःनाः” त सबै चीःपानी। लयःकोः बुधा बुधीकुस् ह एनःसा स्‍याव्‌लेःनाः अरुकुस् एनःसा स्‍याव्‌ल। अरुकुस् एनःओलम्‌कायःमा ल्‍हास्‍या जाङ्‌ह्ओलम्‌कायःमा परमेस्‍वर्‌इ न्‍युम्‍ह्‌ताक्‌नाःथास।

हेब्रैनी 13:4 ပူးပေါင်းရင်းမြစ်များ

१ कोरीन्‍थी 6:18

ओउःत झ्‍यान्‍ते ल्‍हास्‍या काम्‌पाय् जुगाङ् जाङ्‌ह्‌लाम्। सबै अरु रेव्‌तो काम्‌लम् जाङ्‌ह्ओपाय् मान्‍ताइ लयःकोः आङ्‌कायः दोह्‌मा हायःसल सुसुइ ल्‍हास्‍या काम् जाङ्‌ह्‌नानी ओउःइपाय् लयःकोः आङ्‌कायः वाय्‌ताक्‌नाःस।

१ कोरीन्‍थी 6:9

रेव्ओ काम् जाङ्‌ह्ओ मान्‍तालम्‌पाय् परमेस्‍वर्‌कोः राजीहाङः मुसा दोःइली एत नीङ्इ चीःतेःनीली र। नीङ्इ पेतो चीःसा परलेःनाः बा। ल्‍हास्‍या जाङ्‌ह्ओ मान्‍तामा मुर्‌तीकायः मानओ मान्‍तामा जार्‌ जाङ्‌ह्ओ मान्‍तामा गोय्‌चोः मान्‍ताइ गोय्‌चोः मान्‍ताकायः पेमालो काम् जाङ्‌ह्ओ मान्‍तामा

१ कोरीन्‍थी 7:38

सुसुइ बुधी वानःनानी ओउःखेइ पेतो हायःनीतो सुसु बुधी वानःमालो मुनाः ओउःखे न्‍हाङ्‌तोलेः पेतो हायःनानी।

१ कोरीन्‍थी 9:5

ङाइ अरु ख्रीस्इ छ्युङ्‌ह्‌ती ल्‍होक्ओमयःलो लेखा ङ्‌हाम्ओ मोमःचोः वानःसा दोःनाङः माःर। प्रभु येसुकोः हौचोङ्इमा पत्रुस्इमा ओउःत हायःनानी बा।

२ कोरीन्‍थी 5:10

ङीकोः काम् तय्‌छनःती योसाकायः यात्‌नम् दीन्‌हाङः ङी सबै ख्रीस्‌कःहाङः चीङ्‌लाङ् आल्‌सा परनाःतय्‍ही ओहाङःसैको ल्‍हाव्‍ह्‌दैबाङ्‌हाङःकोः मुतोक्‌हाङः ङी पेतो जाङ्‌ह्आतय्‍ह्‌नी त खेःया लोने पेओलेः दोःनाःतय्‍ही। खेःल ङी पेमालो जाङ्‌ह्आतय्‍ह्‌नी त खेःया पेमालोलेः दोःनाःतय्‍ही।

गालाती 5:19

मान्‍ताकोः ल्‍हुङ्इ मोह्‌हाय्‌ती जाङ्‌ह्ओ काम्‌लम्‌पाय् इलेः। जार्‌ जाङ्‌ह्ओ काम् ल्‍हास्‍या जाङ्‌ह्ओ काम् अरु सबै रेव्‌तो अह्र्सीःओ काम् लेःआः बा।

गालाती 5:21

ओउःमयःमा हान् तुङ्‌ती ङोती जात्रमा जाङ्‌ह्‌नानी अरु इलो खेःओ पेमालो काम्‌लम्‌मा जाङ्‌ह्‌नानी। दोङ्‌सी दाय्‍ह्‌भनाङ् ङाइ ङ्‌हा तोओ कुरा कोदीङःतोलेः तोनेःनाङ्‌स। ओउःलो खेःओ जाङ्‌ह्ओलम्‌पाय् परमेस्‍वर्‌कोः राजीहाङः मुसा जुगाङ् दोःइली।

एफेसस् 5:5

इ दोङ् कुरा लेःआः बा ल्‍हास्‍या मान्‍तामा चोरःओ मान्‍तामा रेव्ओ मान्‍तामा ओउःमयः द्यव्‌ता मानओ मान्‍तालो लेखालेः परमेस्‍वर्‌मा ख्रीस्‌कोःमा राजीहाङः दोह्‌मा दोःइली।

१ थेसलोनिकि 4:6

एत हायःती सुइमा अरु ङ्‌हाम्ओ हौकायः तोपाल्‌ती ओउःकोः बुधी आलःतेःचानी उया परमेस्‍वर्‌इ न्‍युम्‍ह्‌ताक्‌तेःनै ओउःत ङीइ ङ्‌हालेः गानाक्‌ती तोनेःआलाङ्‌स बा।

१ तीमोथी 3:12

ओउः ङ्‌हाम्ओलम्‌कायः काम् जाङ्‌ह्ओ मान्‍तामा यातैज्‍योः बुधी वानःओ मान्‍ता खेःतो। लयःकोः चोःलम्‌कायःमा कीम्‌कोः मान्‍तालम्‌कायःमा पेतो गानाक्‌ती तोसा खेःतो।

१ तीमोथी 3:2

स्‍यालःओ मान्‍तापाय् नीङ्ओ ल्‍हुङ् नाःओ मान्‍ता खेःतो ओउःपाय् यातैज्‍योः बुधी वानःओ मान्‍ता खेःतो। फेरी ओउः मान्‍तापाय् व्‍हाय्ओमा गेओ ल्‍हुङ् नाःओ मान्‍ता खेःसा खेःतो अरुकायः वाङ्‌ह्‌ती रोम्ओ मान्‍ता खेःसा खेःतो अरुकायः स्‍यान्‌सा खाय्‌सा खेःतो।

१ तीमोथी 3:4

ओउःपाय् लयःकोः कीम्‌कोः मान्‍तालम्‌कायः पेतो गानाक्‌ती तोसा चीःओ मान्‍ता खेःतो। ओउःइ तोओ कुरा ओउःकोः लयःकोः चोःलम्इ ग्‍याती सायःसा खेःतो।

१ तीमोथी 4:3

ओउःमयःइ “गोय्‌चोःकायः कमा वानःसामा स्‍याव्‌ल मोमःचोःकायः भाव्‌कः पाय्‍ह्‌सामा स्‍याव्‌ल” त दाय्‍ह्‌तीमा “कोय् जेःगा जेःसा स्‍याव्‌ल” त दाय्‍ह्‌तीमा स्‍यान्‌नानी। ओउःमयःइ तोओपाय् दोङ् कुरा खेःल बा। सबै जेःगालम्‌पाय् दोङ् कुरा ङ्‌हाम्ओलम्इ परमेस्‍वर्‌कायः “च्‍युता” त तोआक्‌तीको जेःसा स्‍याव्‌लेःनाः। ओउःत हायःसाकायः परमेस्‍वर्‌इ इ जेःगा जाङ्‌ह्‌ती बयःआतय्‍ही।

१ तीमोथी 5:14

ओउःत झ्‍यान्‍ते ओउः बुधा सीओ मोमःचोःलम् “अरु बुधाकुस् पाय्‍ह्‌पै” त दाय्‍ह्‌ती गानाक्‌ती तोनाङःसु। ओउःत हायःती ओउःमयः चोः दोःती लयःकोः कीम्‌कोः काम् जाङ्‌ह्‌सा खाय्‌नानी ओहाङःसै ओउःमयःकायः बीरोत्इ गाल्‌तुम्‌ती तोसा खाय्उलु।

तीतस् 1:6

ङ्‌हाम्ओलम्‌कायः स्‍यालःओ थालवःपा मान्‍तापाय् पेओ अरुइ गाल्‌तुम्‌सा खाय्‌मालो मान्‍ता खेःसा खेःतो। फेरी यातैज्‍योः बुधी ह वानःओ मान्‍ता खेःतो ओउःकोः चोःलम् आमा आपाकायः सायःमालो लुङ्‌ह्‌जेःती लीङ्‌हायःओलम् खेःसा स्‍याव्‌ल ओउःमयःमा ख्रीस्‌कायः ङ्‌हाम्ओलम् स्‍याव्‌सा खेःतो।

हेब्रैनी 12:16

फेरी एसाव् त तोओलो लेखा परमेस्‍वर्‌कायः मानमालो मान्‍तामा ल्‍हास्‍या मान्‍तामा नीङ्‌कःहाङः स्‍याव्‌ताक्‌लाम्। एसाव् त तोओइपाय् लयःकोः आपासै दोःसा खेःओ थोक्‌लम् राङ्‌लम् यातै पेन्‍ह्‌कोः जेःगाकायः वीनःतीलेः वाय्आकान्।

प्रकाश 22:15

ओउःमयःखे पोक्‌सा दोःइतो सबै जुगाङ् रेव्‌तो जाङ्‌ह्ओलम्‌मा ल्‍हास्‍या जाङ्‌ह्ओलम्‌मा झ्‍याती जाङ्‌ह्ओलम्‌मा मान्‍ता सात्ओलम्‌मा मुर्‌ती मानओलम्‌मा माःती तोसा जाङ्‌ह्‌सा झाक्ओलम्‌मा ओउःमयःखे सहर्‌ बाहीरताङ् मुसा परनाः।