हेब्रैनी 13:3 - चेपाङ

³ फेरी झ्‍याल्‍खानहाङः थुनती मुओलम्‌कायः नीङ्‌मा ओउःमयःकुस् मुओलो लेखा ताःती लव्‍ह्‌सा खेःतो एतमा म्‍हेःलाम्। लीह्‌सीःओ गोरःओलम्‌कायः नीङ्‌मा लयः धेःती लीह्‌सीःओ गोरःती मुओलो लेखा योनःतीलेः योनु दा।

हेब्रैनी 13:3 ပူးပေါင်းရင်းမြစ်များ

मत्ती 25:36

फेरी नाय् नाःमालोहाङः ङाकायःतेः नाय् बयःतेःआनाङ्‌स जीक्ओ स्‍याव्‌तोक्‌हाङः ङाकायः स्‍यास्‌तेःआनाङ्‌स ङा झ्‍याल्‍खानहाङः मुतोक्‌हाङः ङाकायः क्रुस्‌लाङ् वाङ्‌तेःआकाय्’ त दाय्‍ह्‌ती ओउः राजाइ तोथासतो

मत्ती 25:43

साथी नाःमालोहाङः ङाकायः रोम्‌तेःनाङ्‌सल जीक्ओ बेलाहाङः झ्‍याल्‍खानहाङः मुओहाङः ङाकायः क्रुस्‌लाङ् वाङ्‌तेःइली’ त दाय्‍ह्‌ती तोथासतो

खबरदुत 24:23

अरुलम् ल्‍होक्आक्‌तीको “इ पावुल्‌कायः ल्‍होक्‌लाम् ओउःकायः राक्‌ती गम्‌नु। गम्‌तोक् बेलाहाङः ओउःकोः साथीलम् ओउःकायः क्रुस्‌लाङ् स्‍यास्‌लाङ् वाङ्‌पै” त अन्‍चलादीस्इ पावुल्‌कायः योती गम्ओ सुबेदार्‌कायः गानाक्‌ती तोआकान्।

खबरदुत 27:3

ओहाङःसैको लन्‍ह्आक्‌तीको आल्‌दा आल्‌दा अनम्‍ह्‌कोः स्‍याङ्‌ह्‌लो ङी सीदोन् सहर्‌ताङ् दाह्आलाङी। दाह्आक्‌तीको ओउः सुबेदार्‌ जुलीयुस् त तोओइ पावुल्‌कायः योनःती ओउःकायः ओउः सहर्‌हाङः मुओ येसुकायः ङ्‌हाम्ओ साथीलम्‌कुस् क्रुस्‌सा ताक्आथै। पावुल्‌पाय् दोह् दोह् राह्ओलेः ओउःमयःइ बयःसा खाय्ओ खेःतो।

रोमी 12:15

चोङाय्ओ मान्‍तालम्‌कुस् चोङाय्‌ती मुन क्रेस्ओ मान्‍तालम्‌कुस् क्रेस्‌ती र्‍याःन।

एफेसस् 4:1

ङा पावुल् त तोओ प्रभुकोः काम् जाङ्‌ह्‌साकायः थुनती मुनाङः। थुनती मुतोक्‌हाङः ङाइ द्याह् इत तेती तोनेःनाङ्‌स। लौ गतलो पेतो स्‍याव्‌साकायः परमेस्‍वर्‌इ गोत्‌तेःआकाय् ओउःतलेः पेतो वाह्‌ती मुन।

कोलसी 4:18

ङा पावुल्इ नमस्‍ते त लयःकोः क्रुत्इलेः लेखती ल्‍होक्‌नेःनाङ्‌स। ङाकायः थुनती मुलेःनाः त म्‍हेःलाम्। लौ नीङ्‌कायः परमेस्‍वर्‌इ योनःती योतेःपै।

हेब्रैनी 10:34

झ्‍याल्‍खानहाङः थुनती काओलम्‌कायःमा नीङ्इ लव्‍ह्‌तेःआकानी। नीङ्‌कोः माल्‌ताल्‌लम् लाती आलःओ बेलाहाङः नीङ् चोङाय्‌तोलेः मुधाङ्‌तेःइतो दोह् हायःती दाय्‍ह्‌सा ओउःसै न्‍हाङ्‌तोलेः पेओमा गलमा वाय्‌मालो खाल् “ङीकायः गम्ओलेः मुनाः” त चीःतेःआकानी।

हेब्रैनी 11:37

अरु ङ्‌हाम्ओलम्‌कायः मान्‍तालम्इ बाङ् आप्‌ती थोःती सात्‌माआकानी करन्‌तीइ ङ्‌हकःती तात्‌माआकानी तरवाल्इ पाल्‌माआकानी। अरु ङ्‌हाम्ओलम् ह्र्यात् स्‍याव्‌ती मेत्‌छ्याः भेदामेत्‌छ्याःकोः पुन् ह लावती वाह्आकाय्। ओउःमयःकायः अरुइ पेमालो हायःमाआकानी लीह्‌सीःओ बयःमाआकानी।

१ पत्रुस् 3:8

लौ उया नीङ् सबैलेः परमेस्‍वर्‌कोः मीक्‌हाङः नाःचोङ् पुःचोङ्‌लेःतेः इ ओउःत खेःओ यातैज्‍याङ् ल्‍हुङ् स्‍याव्‌ती ब्राङ्‌तीलेः मुन। अरुलम्‌कायः योनःती योनु सुकायःमा काङ्‌तो नोःती “ओउःपाय् ङासै ताङ्‌ह्ओ लेःआः” त लयःकायः मीताक्‌ती वाह्‌न।