हेब्रैनी 13:22 - चेपाङ

²² लौ पुःचोङ् हौचोङ्‌य इ ङाइ तोओ कुरापाय् गुह्र्माःत सायःनु दा इ चेतीपाय् लोक्‌तो खेःल।

हेब्रैनी 13:22 ပူးပေါင်းရင်းမြစ်များ

खबरदुत 13:15

ओहाङःसैको मोसाइ बयःओ ऐन्‌मा उय्‍ह्‌लेकोः परमेस्‍वर्‌कायः कुरा छ्यानःओलम्इ लेखओ कुरामा पह्रआक्‌तीको ओउः थनःओ कीम्‌कोः ताङ्‌ह्ओ मान्‍तालम्इ पावुल् बर्‌नाबास् नीस्‌कायःमा गोत्आथाच “लौ पुःनीस् नीङ्‌जी ल्‍हुङ् र्‍यानःओ कुरा मुनाः त खेःया इ हुम्ओ मान्‍तालम्‌कायः नोःनु दा” त दाय्‍ह्‌ती ओउःनीस्‌कायः तोआथाच।

२ कोरीन्‍थी 10:1

ङा पावुल् त तोओ नीङ्‌कःहाङः मुतोक्‌खेहाङः “काङ्ओ लेःआः” त ताःतेःनाङ्‌सतो ङाकोः रम्‍ह्‌गखेहाङः “खह्र्ओ” त नोःकाय्‌तीतेः मुतेःनै। लौ ख्रीस्‌कोः काङ्ओ ल्‍हुङ् दोःती ङा नीङ्‌कः द्याह् इतलेः तेनेःनाङ्‌स।

२ कोरीन्‍थी 5:20

ङीपाय् ख्रीस्‌कोः ल्‍होक्ओमयः खेःनाङी ओउःत झ्‍यान्‍ते “लौ परमेस्‍वर्‌कःताङ् द्यान्‍ह्‌ती ओउःकुस् ब्राङ्‌काय्‌ती मुन दा” त दाय्‍ह्‌ती ख्रीस्‌कोः कुरा तेतीलेः तोनाङःसु।

२ कोरीन्‍थी 6:1

ङी परमेस्‍वर्‌कुस् काम् जाङ्‌ह्ओलम्इ दोह्‌त तोनेःनाङ्‌स दाय्‍ह्‌सा “लौ परमेस्‍वर्‌इ योनःतीलेः बयःओ दल्‌ताक्‌सा काम् नीङ्इ त्‍याक्‌तेःआकानी द्याह् ओउःइ बयःओपाय् वाय्‌लाम्” त तेती तोनेःनाङ्‌स

गालाती 6:11

लौ इतलेः ङाइ द्याह् लयःकोः क्रुत्इलेः ताङ्‌ह्ओ अखर्‌ लेखनेःनाङ्‌स।

एफेसस् 3:3

परमेस्‍वर्‌इ लयःकोः ल्‍हुङ्‌हाङः रय्‍ह्ओ अरुइ चीःमालो कुरापाय् ङाकायः छ्यान्‍ह्आताङः। इत ङाइ ङ्‌हाहाङः बल लेखनेःआलाङ्‌स।

हेब्रैनी 12:5

फेरी परमेस्‍वर्‌कोः आखरःहाङः लेखओ कुरा नीङ्इ म्‍हेःतेःआकानी यादो। “लौ चोःय प्रभुइ जान्‌ती अह्रावओ कुरापाय् ल्‍हुङ्इ ल्‍हेत्‌लाम् ओउःइ जान्‌ती तोओ कुरा सायःआक्‌तीको ल्‍हुङ् घ्‍युम्‌तो स्‍याव्‌लाम्

हेब्रैनी 13:19

फेरी ङाकायः नीङ्‌कःहाङः “रेन्‍ह्‌तोलेः द्यान्‍ह्‌सा दोःपाः” त दाय्‍ह्‌ती परमेस्‍वर्‌कः तेनाङ्‌स दा। इत ङाइ नीङ्‌कायः आन तेती तोनेःनाङ्‌स।

हेब्रैनी 2:1

ओउःत झ्‍यान्‍ते ङीइ सायःओ परमेस्‍वर्‌कोः कुरा पेतोलेः ल्‍हुङ्‌हाङः सेती गम्‌सा खेःतो ओहाङःसैको ङी ओउःकोः दोङ् पेओ ल्‍याम्‌कायः फेतय्‍ह्‌नीली।

हेब्रैनी 3:1

लौ उया नीङ् छय्‍ङ्‌तो स्‍याव्ओ पुःचोङ् हौचोङ्‌य नीङ्‌कायःमा परमेस्‍वर्‌इ छीङ्‌ह्‌तेःआकाय् ओउःत झ्‍यान्‍ते ङीइ छ्यानःती तोओ परमेस्‍वर्‌इ छ्युङ्‌ह्‌ती ल्‍होक्ओ प्रधान् पुरोहीत् येसुकोः कुरापाय् ल्‍हुङ्‌हाङः लाय्‌नु दा।

हेब्रैनी 4:1

ओउःमयःखे पोक्‌सा दोःइली परमेस्‍वर्‌कोः पेतो मुसा राजीहाङः ङीखेकायः “लौ पोक्‌सा दोःओ लेःआः” त ओउःइ तोती गम्आतय्‍ही। ओउःत झ्‍यान्‍ते नीङ्‌कःहाङः “यात्‌नीस्‌चाक् पोक्‌लाङ् दाह्‌साकायः दोःइली यादो” त दाय्‍ह्‌ती ल्‍हुङ् र्‍याङःती झ्‍यान्‍ते ङी घीःती मुसा खेःनाःतय्‍ही।

हेब्रैनी 4:11

लौ उया ङीइमा ओउःकोः राजीहाङः पोक्‌सा पेतो बोङःनी ओहाङःसै ङी काम् कोरःती मुसा खाय्‌नाःतय्‍ह्‌नी। सुमा ओउः पोक्‌सा दोःमालो आय्‌कानः तोकानःलो लेखालेः ल्‍हुङ् ग्‍यामाःत मुती वाय्‌तो स्‍याव्‌लाम्।

१ पत्रुस् 5:12

लौ इ नीङ्‌कायः ल्‍होक्‌सा चेती ङाकोः पेतोलेः ङ्‌हाम्ओ हौ सीलास्इ लेखताक्आलाङः। परमेस्‍वर्‌कोः दोङ् पेओमा सोह् बयःओमा दल्‌ताक्‌सा कुरा छ्यानःती नीङ्‌कायः लुङ्‌साकायः इ मीओ चेती लेखनेःनाङ्‌स। इ कुरा पेतो ङ्‌हाम्‌ती ग्रमःत मुन दा।