हेब्रैनी 13:1 - चेपाङ

¹ अरु ङ्‌हाम्ओलम्‌पाय् लयःकोः पुःचोङ् हौचोङ्‌लो लेखा राप्‌काय्‌ती मुन।

हेब्रैनी 13:1 ပူးပေါင်းရင်းမြစ်များ

युहना 15:17

इतलेः ङाइ तोनेःनाङ्‌स लःलयःमयः राप्‌काय्‌नीङ्‌सी।

खबरदुत 2:1

ओहाङःसैको येसु सीती च्‍योक्आक्‌तीको पचास् दीन् पुत्ओहाङः यहुदी मान्‍ताकोः पेन्‍तेकोस् त जवती तोओ छ्यात्‌कोः दीन् स्‍याव्आ। ओउःनम् दीन्‌हाङः येसुकोः कुरा ङ्‌हाम्‌ती सायःओ मान्‍तालम् सबै फेरी यातै थाव्‌हाङः हुम्‌लाङ् वाङ्आकाय्।

खबरदुत 4:32

ओहाङःसैको येसुकोः कुरा ङ्‌हाम्ओलम् सबै लयःमयः लयःमयः ल्‍हुङ् ब्राङ्‌ती मुओ खेःतो। ओउःमयःलम् पैसा खेःयामा भान्‍दा कुन्‍दा माल्‌ताल्‌लम् खेःयामा “इ ङाकोःआः” त दाय्‍ह्‌ती दोक्‌ती सुमा नोःकाय्आक्इली सबैकोः माल्‌ताल्‌लम् यातैज्‍योःलेः स्‍याव्आ।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।

गालाती 5:22

ओउःपाय् ल्‍हुङ्‌खेकोः रेव्ओ कुराखे लेःआः। परमेस्‍वर्‌कोः ग्‍वालामःखेकोः पेओ कुराखे इलेःआः। राप्ओ ल्‍हुङ्‌मा चोङाय्ओ धोमाय्ओ ल्‍हुङ्‌मा लीह्‌सीःओ गोरःओ पेओ योनःती योओ ल्‍हुङ्‌मा ङ्‌हाम्‌सीःओ काङ्ओ रेव्‌तो जाङ्‌ह्‌सा ग्‍यामालो ल्‍हुङ्‌मा लयःकायः मीतो योओमा ओउः सबैलेः परमेस्‍वर्‌कोः ग्‍वालामःइ बयःओ कुरालेः ऐन्इ ताक्‌मालो कुरा खेःल।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

एफेसस् 4:3

परमेस्‍वर्‌कोः ग्‍वालामःइ ब्राङ्‌तेःताक्‌तेःआकाय् ओउःत झ्‍यान्‍ते गलमा काय्‌काय्‌माःत यातैज्‍योः स्‍याव्‌ती मुसाकायः बोङःनु।

एफेसस् 5:2

ख्रीस्इपाय् ङीकायः राप्‌ती ङीकायः रौ जीङः दोःताक्‌साकायः सीती लयःकोः जीङःपाय् पेतो सय्‍ङ्ओ धुप् उलःओलो लेखालेः परमेस्‍वर्‌कायः म्रोताक्‌ती ल्‍हाआकान्। इतलेः ङीमा राप्ओ ल्‍हुङ् दोःती गलकायःमा वाह्इ।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

हेब्रैनी 10:24

ओहाङःसैको ङीपाय् लःलयःकायः योनःतीमा राप्‌तीमा “पेतो हायःनी” त दाय्‍ह्‌ती लव्‍ह्‌काय्इ।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

१ पत्रुस् 2:17

सबैकायः पेतोलेः नोःन अरु ख्रीस्‌कोः ङ्‌हाम्ओ पुःचोङ् हौचोङ्‌लम्‌कायः राप्‌नु। परमेस्‍वर्‌कः एङःती मुन। राजाकोः कुरापाय् पेतो ग्‍यान।

१ पत्रुस् 3:8

लौ उया नीङ् सबैलेः परमेस्‍वर्‌कोः मीक्‌हाङः नाःचोङ् पुःचोङ्‌लेःतेः इ ओउःत खेःओ यातैज्‍याङ् ल्‍हुङ् स्‍याव्‌ती ब्राङ्‌तीलेः मुन। अरुलम्‌कायः योनःती योनु सुकायःमा काङ्‌तो नोःती “ओउःपाय् ङासै ताङ्‌ह्ओ लेःआः” त लयःकायः मीताक्‌ती वाह्‌न।

१ पत्रुस् 4:8

दोह् खेःयामा अरुलम्‌कुस् राप्‌काय्‌ती मुन दोह् हायःती दाय्‍ह्‌सा नीङ्इ एतलेः हायःओ त खेःया नाःतो रेव्ओ काम्‌लम् क्‍युम्‍ह्‌ती वाय्‌तोलेः स्‍याव्‌नाः।

२ पत्रुस् 1:7

परमेस्‍वर्‌कायः म्रोताक्ओ कुरा जाङ्‌ह्ओकुस् ब्रक्‌त ङ्‌हाम्ओ पुःचोङ् हौचोङ्‌कायः राप्‌नु ओउःमयःकायः राप्ओकुस् ब्रक्‌त सबैकायः राप्‌नु दा।

१ युहना 3:23

ओउःइ दोह्‌त तोनाःतय्‍ही दाय्‍ह्‌सा ङीइ ओउःकोः चोः येसु ख्रीस्‌कायः ङ्‌हाम्‌ती लयःमयः राप्‌काय्‌सा खेःनाःतय्‍ही ओउःतलेः परमेस्‍वर्‌इ तोआतय्‍ही।

१ युहना 4:20

यात्‌चाक्इ “लौ ङाइ परमेस्‍वर्‌कायः राप्‌नाङः” त दाय्‍ह्‌ती लयःकोः पुःचोङ् हौचोङ्‌कायः राप्उलु त खेःया ओउःइलेः माःती तोनौ बा। दोह् हायःती दाय्‍ह्‌सा लयःकोः मीक्इ च्‍यवःसा खाय्ओ हौचोङ् पुःचोङ्‌कायः राप्उलु त खेःया ओउःइ गत हायःती ओउः गलमा च्‍यवःमालो परमेस्‍वर्‌कायः राप्‌सा खाय्‌चौ र खाय्उलु है।

प्रकाश 2:4

ओउःतलेः हायःतेःउतो यातैज्‍योः कुरापाय् स्‍याव्‌ल। ङ्‌हाकोःलो लेखालेः पेतो राप्ओलेः फेती नाङ्इ ङाकायः द्याह् पेतो राप्‌तेःचीली।