हेब्रैनी 12:9 - चेपाङ

⁹ ङीकोः ल्‍हाव्‍ह्‌दैबाङ्‌कोः आपालम्इ ङीकायः न्‍युम्‍ह्‌ताक्‌ती स्‍यान्आतय्‍ही। ओउःमयःकः ङी पेतो एङःतीलेः सायःआतय्‍ह्‌नी ओउःत झ्‍यान्‍ते पेओ जीङः दोःसाकायः ङीकोः लाङ्‌काकोः आपाकायः न्‍हाङ्‌तोलेः ग्‍याती सायःसा खेःतो बा।

हेब्रैनी 12:9 ပူးပေါင်းရင်းမြစ်များ

लुका 18:2

“लौ यात्‌ज्‍योः सहर्‌हाङः यात्‌चाक् मुत्‍ध तात्‌तो हाकीम् खेःतो। ओउः मान्‍तापाय् सुकःमा एङःल परमेस्‍वर्‌कःमा एङःल।

लुका 18:4

ओउः हाकीम्‌पाय् ङ्‌हापाय् ओउः मोमःचोःकायः सायःसा ग्‍याआक्‌ल। ग्‍यासापाय् ग्‍याआक्‌मालो खेःतो ओउः मोमःचोःपाय् दीन्‌का दीन् वाङ्‌ती युङ्‌तीलेः तेती झ्‍यान्‍ते लोन्‍ते ‘दोङ्‌सीलेः ङापाय् परमेस्‍वर्‌कःमा सुकःमा एङःङल बा। सुकोःमा कुरा सायःसा खेःङल।

युहना 3:6

मान्‍ताकःसै मान्‍ताकोः जीङः ह दोःनाः परमेस्‍वर्‌कोः ग्‍वालामःकःसै दोङ् पेओ रौ जीङःखे दोःआनाः।

खबरदुत 2:30

दावुद्‌कायः परमेस्‍वर्‌इ लोन्‍ह्‌ते स्‍याव्‌सा कुरा छ्यानःती ‘लौ लोन्‌दोहाङः नाङ्‌कोः प्‍लोमःदानेहाङः यात्‌चाक् ख्रीस् त तोओ स्‍याव्‌ती नाङ् दावुद् राजाकोः काम् भेःत्‍याक्‌ती जाङ्‌ह्‌नौ’ त दाय्‍ह्‌ती परमेस्‍वर्‌इ कीरीया जेःती दावुद्‌कायः तोआथै।

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

रोमी 9:5

ङाकोः लयःमयःचोङ्‌पाय् उय्‍ह्‌लेकोः ताङ्‌ह्ओ आय्‌कानः तोकानःसै ग्‍ल्‍युङ्‌ह्आकाय्। ख्रीस्‌मा मान्‍ता स्‍याव्‌तोक्‌हाङः ओउःमयःकोः जात्‌कोः मान्‍तालम्‌सै दोःओ खेःतो। ओउःपाय् ओउः सबैकायः हुकुम् बयःसा परमेस्‍वर्‌कायःपाय् गलकायःमा ताङ्‌ह्‌ताक्‌पाःथै माःहै एतलेः स्‍याव्‌पाः।

याकुब् 4:10

प्रभुकोः मीक्‌हाङः मीओ ल्‍हुङ्इ वाह्‌न ओहाङःसैको ओउःइ नीङ्‌कायः लव्‍ह्‌तेःनै।

याकुब् 4:7

ओउःत खेःओ परमेस्‍वर्‌कोः तोओ कुराखे ग्‍याती सायःनु। सैतान्‌कोः कुराखे ग्‍यातेःचनै ओहाङःसैको ओउःपाय् नीङ्‌कःसै क्रव्‌नाः।

१ पत्रुस् 5:6

ओउःत झ्‍यान्‍ते परमेस्‍वर्‌कोः मीक्‌हाङः मीओ ल्‍हुङ् दोःती वाह्‌न ओहाङःसैको लोने ओउःकोः क्रोःओ बेलाहाङः ओउःइ ताङ्‌ह्‌ताक्‌तेःनै।

प्रकाश 22:6

ओहाङःसैको “लौ इ कुरापाय् दोङ् ङ्‌हाम्‌सीःओ कुरा लेःआः। ओउःकोः कुरा छ्यानःओलम्‌कायः लयःकोः ग्‍वालामः बयःताक्‌सा परमेस्‍वर्‌इपाय् देङी स्‍याव्‌सा कुरालेः लयःकोः काम् जाङ्‌ह्ओलम्‌कायः छ्यानःलेःनौ। ओउःत हायःसाकायः ओउःइ लयःकोः ल्‍होक्ओमयः ल्‍होक्आकान्” त दाय्‍ह्‌ती ओउः ल्‍होक्ओमयःइ तोआताङः।