हेब्रैनी 12:5 - चेपाङ

⁵ फेरी परमेस्‍वर्‌कोः आखरःहाङः लेखओ कुरा नीङ्इ म्‍हेःतेःआकानी यादो। “लौ चोःय प्रभुइ जान्‌ती अह्रावओ कुरापाय् ल्‍हुङ्इ ल्‍हेत्‌लाम् ओउःइ जान्‌ती तोओ कुरा सायःआक्‌तीको ल्‍हुङ् घ्‍युम्‌तो स्‍याव्‌लाम्

हेब्रैनी 12:5 ပူးပေါင်းရင်းမြစ်များ

लुका 24:6

येसुपाय् इहाङः मुल उह्‌ती च्‍योक्ओ लेःआः बा। ओउःपाय् सीधाङ्‌माखाहाङः गालील वाह्‌ती मुतोक्‌हाङः

लुका 24:8

ओहाङःसैको ओउः मोमःचोःलम्इ येसुइ ङ्‌हा तोओ कुरापाय् गीलती

१ कोरीन्‍थी 11:32

ङीपाय् ङ्‌हाम्‌मालो ल्‍हाव्‍ह्‌दैबाङ्‌कोः मान्‍तालो लेखा वाय्‌तोलेः स्‍याव्‌सापाय् परमेस्‍वर्‌ झाक्‌ल ओउःत झ्‍यान्‍ते ङीकायः स्‍यान्‌साकायः ओउःइ एतलेः न्‍युम्‍ह्‌ताक्‌नाःतय्‍ही।

गालाती 6:9

पेतो हायःतोक्‌हाङः ल्‍हुङ् ब्‍ल्‍यवःतेःचनै ग्रमःत मुन। ओहाङःसैको लोनेः नीङ्‌कोः हायःझ्‍याङ्‌कोः दोःतेःनै।

१ तीमोथी 1:20

ओउःमयःकोः य्‍हुमेनीयस् त तोओमा आलेक्‍जान्‍द्रीया त तोओ मुनाःच। ओउःनीस्इ “परमेस्‍वर्‌कायः पेमालो तोलाम्” त स्‍यान्‌साकायः ङाइ सैतान्‌कायः दाक्आलाङःचु।

हेब्रैनी 12:7

ओउःत खेःओ आपाइ न्‍युम्‍ह्‌ताक्‌ती स्‍यान्ओ चोःलो लेखालेः लीह्‌सीःओ गोरःनु दोह् हायःती दाय्‍ह्‌सा “परमेस्‍वर्‌कोः चोःलो लेखालेः स्‍याव्आलाङः” त चीःसा खाय्‌तेःनानी। सबै चोःलम्‌कायः आपाइ न्‍युम्‍ह्‌ताक्‌तीलेः स्‍यान्‌नानी

हेब्रैनी 13:22

लौ पुःचोङ् हौचोङ्‌य इ ङाइ तोओ कुरापाय् गुह्र्माःत सायःनु दा इ चेतीपाय् लोक्‌तो खेःल।

याकुब् 1:12

लीह्‌सीःओ च्‍यवःओ बेलाहाङः सुसु ग्रमःत मुनै ओउःपाय् चोङाय्‌तोलेः स्‍याव्‌नै दोह् हायःती दाय्‍ह्‌सा ओउःकोः हायःझ्‍याङ्‌कायः ओउःपाय् पेओ रौ जीङः दोःलेःनाः। ओउः जीङःपाय् “लौ ङाकायः राप्ओलम्‌कायः बयःनाङःसु” त दाय्‍ह्‌ती परमेस्‍वर्‌इ तोती गम्आकान्।

प्रकाश 3:19

ङाइ राप्ओलम्‌कायः स्‍यान्‌सा थेङा जान्‌मालेःनाङः न्‍युम्‍ह्‌ताक्‌मालेःनाङः ओउःत झ्‍यान्‍ते ल्‍हुङ् द्यान्‍ह्‌ती ङाकोः काम् जुगाङ् म्‍ह्याङ्‌तोलेः जाङ्‌ह्उ।