हेब्रैनी 12:29 - चेपाङ

²⁹ दोह् हायःती दाय्‍ह्‌सा ङीकोः परमेस्‍वर्‌पाय् सबैकायः जेःती माक्‌ती वाय्‌सा म्‍हेःलो लेखा मुलेःनाः बा।

हेब्रैनी 12:29 ပူးပေါင်းရင်းမြစ်များ

२ कोरीन्‍थी 5:11

एतलेः प्रभुकः एङःती झ्‍यान्‍ते ङीइ मान्‍तालम्‌कायः होम्‌ती तोसा बोङःनाङःसु। ङीकायःपाय् “गत ताङ्‌ह्‌तो मान्‍तालो” त परमेस्‍वर्‌इ पेतो चीःनाःतय्‍ही एतलेः नीङ्इमा ङीकायःपाय् “गत ताङ्‌ह्ओ मान्‍तालो” त ल्‍हुङ्‌हाङः चीःतेःनाःताङी ओउःत ङा झाक्‌तीलेः म्‍हर्‌नाङः।

२ थेसलोनिकि 1:7

नीङ् लीह्‌सीःओ गोरःओलम्‌खेकायः प्रभु येसु थाती वाङ्‌सा खेःओ दीन्‌हाङः ओउःइ ङीकुस् ल्‍हुङ् द्युमःतोलेः स्‍याव्‌ताक्‌नाःतय्‍ही। ओउःनम् दीन्‌हाङः प्रभु येसुपाय् लयःकोः ताङ्‌ह्ओ ग्‍वम् नाःओ लाङ्‌कासै ल्‍होक्ओमयःकुस् लाङ्‌कासै थाती वाङ्‌नै।

२ थेसलोनिकि 1:8

ओहाङःसै ओउः परमेस्‍वर्‌कायः चीःमालोमा प्रभु येसुकोः पेओ समचार्‌ सायःसा ग्‍यामालो मान्‍तालम्‌कायःमा ओउःमयःकायः ल्‍युङ्ओ म्‍हेःइ जेःती न्‍युम्‍ह्‌ताक्‌नाःथास।

हेब्रैनी 10:27

सुसुइ ओउःतलेः रेव्‌तो काम् जाङ्‌ह्‌चनौ ओउःपाय् लोनेः परमेस्‍वर्‌कोः बीरोत्‌लम्‌कुस् ओउःकोः रैसीःओ न्‍युम्‍ह्‌ताक्ओ दोःनै। म्‍हेःहाङः काओ थोक्‌लो लेखालेः ओउःमयःपाय् वाय्‌तोलेः स्‍याव्‌नै।

हेब्रैनी 10:31

दोङ्‌सीलेः मान्‍ताकायः ओउः जीङः नाःओ परमेस्‍वर्‌इ न्‍युम्‍ह्‌ताक्‌नौ त खेःया आन रैसीःओ लेःआः बा।

२ पत्रुस् 3:7

परमेस्‍वर्‌कोः नोःराय्इमा इ तेन्‌छ्याङ् मुओ फेल्‌बाङ्‌मा ल्‍हाव्‍ह्‌दैबाङ्‌मा लोनेः म्‍हेःइ झम्‍ह्‌ती माक्‌साकायः गम्‌लेःनौ। ओउः वाङ्‌सा खेःओ तय्‌छनःती योती पेमालोलम् न्‍युम्‍ह्‌ताक्‌सा दीन्‌च्‍युक्‌कायः ह फेल्‌बाङ्‌मा ल्‍हाव्‍ह्‌दैबाङ्‌मा मुलेःनाः।